تحقیق سے ثابت ہوا ہے کہ دوران حمل زیادہ چکنائی والی چیزیں کھانے سے آپ کے بچے کا ذہن صحت مند رہتا ہے۔
اگر آپ حاملہ ہیں اور چاہتی ہیں کے آپ کا بچہ ذہین ہو تو آپ کو صحیح غذا لینی ہوگی۔یہ بات مذاق نہیں،دوران حمل صحیح غذا کا استعمال بچے کے دماغ کو طاقت ور بناتا ہے۔جدید تحقیق کے مطابق یہ غذائیں نہ صرف بچے کا حافظہ تیز کرتی ہیں بلکہ ذہنی مسائل جیسے الزائمرکی بیماری سے بھی محفوظ رکھتی ہیں

زیادہ چکنائی والی غذا آپ کے ہونے والے بچے کو الزائمر کی بیماری سے محفوظ رکھتی ہے:

ایک نئی تحقیق کے مطابق فیٹس والی غذاجیسے سالمن،میوے،پنیر اور اواکاڈوکے دوران حمل استعمال سے بچے کے ذہن میں ہونے والی ایسی تبدیلیوں سے حفاظت رہتی ہے جو مستقبل میں الزائمر کی بیماریوں کا باعث بن سکتی ہیں ۔ماضی میں کی گئی تحقیق کے مطابق جن لوگوں کی مائوں کو الزائمر کی بیماری ہوتی ہے ان کی فیملی میں اس بیماری کے ہونے کے امکانات بڑھ جاتے ہیں ۔اس معاملے میں غذا اہم کردار ادا کرتی ہے اور اس بیماری سے بچا سکتی ہے۔

ذہین بچے کی پیدائش کے لئے زمانہ حمل میں لینے والی غذائیں:

ایک بچے کو نئی چیزیں سیکھنے اور آگے بڑھنے کے لئے بہت محنت کرنا پڑتی ہے۔جس کے لئے اسے بہت زیادہ توانائی کی ضرورت ہوتی ہے۔اپنے بچے کو مستقبل میں ذہین اور توانا رکھنے کے لئے دوران حمل یہ غذائیں کھائیں۔

چکنائی والی مچھلی:

سالمن اور میکریل مچھلی میں اومیگا تھری فیٹی ایسڈ وافر مقدر میں ہوتا ہے۔جو بچے کی ذہنی نشونماء کے لئے بہت ضروری ہوتا ہے۔ہفتے میں دو یا اس سے زیادہ مرتبہ چکنائی والی مچھلی ضرور کھائیں۔

پتوں والی سبزیاں:

ہری سبزیوں جیسے پالک اور دالوں میں فولک ایسڈ ہوتا ہے۔یہ غذائی اجزاء بچے کے ذہن کو کسی طرح کا نقصان پہنچنے سے بچاتے ہیں ۔اس کے علاوہ فولک ایسڈ بچے کو ذہنی اور قلبی پیچیدگیوں سے بچاتا ہے۔

حمل ٹھہرنے کی علامات یہ ہیں

بلیو بیریز:

بلیو بیریز میں اینٹی اوکسی ڈنٹس ہوتے ہیں جن کی بناء پر بلیو بیریز بچے میں محسوس کرنے کی صلاحیت کو بڑھاتی ہیں ۔یہ پھل الزائمر اور دل کی بیماریوں سے بچے کی حفاظت کرتا ہے۔اگر آپ بلیو بیریز نہیں کھانا چاہتیں تو اس کے بدلے ٹماٹر،رس بیری،بلیک بیری اور پھلیاں لے سکتے ہیں ۔

انڈے :

انڈوں میں امائنو ایسڈ کی ایک قسم کولین ہوتی ہے۔یہ بچے کی ذہنی صلاحیت اور یادداشت کو بڑھاتی ہے۔انڈوں میں پروٹین کی مقدار زیادہ اور کم کیلو ریز ہوتی ہیں ۔

بادام:

بادام میں اومیگا تھری فیٹی ایسڈ موجود ہیں جو ذہنی نشو نماء کو تیز کرتے ہیں ۔اگر آپ چاہتی ہیں کہ آپ کا ہونے والا بچہ ذہین ہو تو اپنی غذا میں مٹھی بھر بادام بھی شامل کرلیں ۔اس کے علاوہ بادام میں دوسرے اہم غذائی اجزاء جیسے میگنیشیئم،فیٹس،پروٹین اور وٹامن Eبھی شامل ہیں ۔اگر آپ بچے کی ذہنی صلاحیت کو بڑھانا چاہتی ہیں تو اس کے لئے دوران حمل مونگ پھلی بھی کھا سکتی ہیں ۔اس کے علاوہ اخروٹ میں بھی اومیگا تھری فیٹی ایسڈ ہوتے ہیں اس لئے انھیں بھی حاملہ خواتین اپنی غذا میں شامل کرسکتی ہیں ۔

گریک یوگرٹ:

ماں کے پیٹ میں بچے کی ذہنی نشونماء کے لئے ،نروز سیلز کا صحت مند ہونا ضروری ہے۔اس کے لئے ضروری ہے کے دوران حمل اپنی غذامیں پروٹین والی غذائیں ضرور شامل کی جائے۔گریک یوگرٹ پروٹین حاصل کرنے کا بہترین ذریعہ ہے۔یہ بچوں کی ہڈیوں کی نشونماء کے لئے بھی اچھی ہے۔ساتھ ہی گریک یوگرٹ میں آیوڈین بھی موجود ہے۔جس کی وجہ سے بچے کا وزن کم ہونے کے امکانات کم ہو جاتے ہیں ۔

پنیر:

پنیر وٹامنD حاصل کرنے کا بہترین ذریعہ ہے۔وٹامن Dبچے کی ذہنی نشونماء کے لئے بہت ضروری ہے۔حاملہ خواتین میںوٹامن Dکی کمی کی وجہ سے پیداہونے والے بچے کاIQلیول کم ہوتا ہے۔اگر آپ چاہتی ہیں کہ آپ کے بچے کا IQلیول اچھا ہو تواپنے اندر وٹامن Dکی کمی نہ ہونے دیں۔اس کے علاوہ وٹامن Dحاصل کرنے کے لئے صبح کے وقت دھوپ میں بھی بیٹھیں۔

یہ جانئے : کس طرح حمل ٹہرایا جائے ؟ اویولیشن اور فرٹائلیٹی حمل ٹہرانے میں کس طرح مددگار ہیں 

The post اگر آپ چاہتی ہیں کہ آپ کا بچہ ذہین ہو تو دوران حمل یہ 7غذائیں استعمال کریں appeared first on ایچ ٹی وی اردو.

حاملہ خواتین کودوران حمل بہت سے مسائل کا سامنا کرنا پڑتا ہے ۔پورے 9 ماہ تک کسی نہ کسی تکلیف سے دو چار رہتی ہیں ۔ضروری نہیں کہ ایسا ہر عورت کے ساتھ ہو لیکن اگر آپ حاملہ ہیں تو آپ کے لئے یہ جاننا ضروری ہے کہ دوران حمل آپ کو کیا مسائل درپیش آسکتے ہیں۔
حمل کی عام علامات میں ہر وقت تھکن محسوس ہونا،صبح کے وقت سستی طاری ہونا اور بھوک زیادہ لگنا شامل ہیں۔لیکن ان کے علاوہ بھی بہت سی علامات ہیں جو حمل کی وجہ سے جسم میںظاہر ہوتی ہیں اور آپ کے لئے ان سے نمٹنا ضروری ہوتا ہے۔اگر آپ کے جسم میں بھی ایسی علامات ظاہر ہوں تو پریشان ہونے کی ضرورت نہیں ۔ہر خاتون کا اپنا مزاج ہوتا ہے اس وجہ سے ان کی علامات بھی ایک دوسرے سے مختلف ہو سکتی ہیں ۔ضروری نہیں کہ جو آپ کے ساتھ ہو وہ کسی دوسرے کے ساتھ بھی ہوگا

پیلوس (پیڑو) میں شدید درد اٹھنا

بعض اوقات آپ کو پیلوس میں درد اٹھ سکتا ہے ۔یہ درد اتنا شدید ہوتا ہے کہ آپ کے لئے سیدھا کھڑا ہونا بھی دشوار ہو جاتا ہے۔عام طور پر یہ درد حمل کے آخری دنوں میں ہوتا ہے۔یہ درداس وقت ہوتا ہے جب بچے کے وزن کی وجہ سے نیچے کی جانب زور پڑتا ہے۔لیکن اس میں پریشان ہونے یا ڈاکٹر کے پاس جانے کی ضرورت نہیں ۔

پیشاب نہ روک پانا

عام طور پر حاملہ خواتین کو یہ مسئلہ درپیش ہوتا ہے۔بعض اوقات ہنستے ہوئے یہاں تک کہ چلتے ہوئے بھی پیشاب روکنا مشکل ہوجاتا ہے۔اس کی وجہ یہ ہے کہ بچہ دانی میں موجود بچے کا پورا زور بلیڈر پر پڑ رہا ہوتا ہے ۔یہ بالکل نارمل بات ہے جس میں فکر مندہونے کی ضرورت نہیں ۔لیکن پیلوک فلور یا کیگل ایکسرسائز کے ذریعے ان مسلز کو مضبوط بنانے میں مدد ملے گی اس طرح یہ مسئلہ آسانی سے حل ہو سکتا ہے۔

ویجائنل ڈسچارج 

کچھ خواتین کو حمل کے آغازمیں اورپھر آخری دنوں میں بھی بہت زیادہ ڈسچارج کی شکایت ہوتی ہے ۔اس کی وجہ جسم میں ہارمونز کی تبدیلی ہوتی ہے۔جب آپ حاملہ ہوتی ہیں تو آپ کے جسم میں ہارمونز منتشر ہونے لگتے ہیں اس کی وجہ سے سروکس اور ویجائنہ میں انفیکشن کا خطرہ پیدا ہو جاتا ہے ۔یہ ڈسچارج جسم کو انفیکشن سے بچانے کے لئے ہوتا ہے۔

ریاح خارج ہونا 

اکثر حاملہ خواتین کو اس کی وجہ سے شرمندگی کا سامنا کرنا پڑتا ہے۔دوران حمل آپ کا جسم ریلیکسن اور پروگیسٹرون ہارمونز خارج کرتا ہے یہ ہارمونز معدے کے مسلز کو سکون بخشتے ہیں جس سے ہاضمے کا عمل سست ہوجاتا ہے اور پیٹ میں گیس بننے لگتی ہے ۔ہلکی ورزش اور واک سے آپ کو اس مسئلے سے نجات مل سکتی ہے۔

بے خوابی

حمل کی علامتوں میں سے ایک علامت بے خوابی بھی ہو سکتی ہے ۔اکثر حاملہ خواتین کو رات بھر نیند نہیں آتی اس کی وجہ بھی ہارمونز میں تبدیلی ہوتی ہے اوریہ مسئلہ بھی ڈلیوری کے بعد ختم ہو جاتا ہے۔لیکن دوران حمل نیند کے لئے سکون بخشنے والی ورزش کریں اور گہری سانسیں لیں ۔سونے سے پہلے گرم پانی سے غسل اور میڈیٹیشن (مراقبہ) سے بھی اچھی نیند آنے میں مدد ملے گی ۔

جسم میں خارش ہونا

دوران حمل جسم میں خارش کبھی بہت تکلیف دہ ثابت ہوتی ہے ۔یہ خارش بہت شدید ہوتی ہے جس کے نتیجے میں جسم پر خراشیں پڑ جاتی ہیں ،کبھی اس میں درد بھی ہوتا ہے اور کبھی یہ تکلیف ڈلیوری کے بعد تک رہتی ہے پھر آہستہ آہستہ یہ ختم ہو جاتی ہے۔اس کے لئے آپ اپنے ڈاکٹر سے کوئی مرہم لکھوا سکتی ہیں ۔اس کے علاوہ خارش کی جگہ پر کھانے کا سوڈا اور ناریل کا تیل ملا کر بھی لگا سکتی ہیں ۔اس سے بھی وقتی طور پر آرام آجائے گا ۔

مزید جانئے 

حمل ٹھہرنے کی علامات یہ ہیں

کس طرح حمل ٹہرایا جائے ؟ اویولیشن اور فرٹائلیٹی حمل ٹہرانے میں کس طرح مددگار ہیں ،جانئے

پریگننسی کے بعد پہلے پیریڈز کیا عام پیریڈز سے مختلف ہوتے ہیں؟

تولیدی نظام سے متعلق ان باتوں کا جاننا نہایت ضروری

The post دوران حمل ظاہر ہونے والے چندمسائل  appeared first on ایچ ٹی وی اردو.

دوران حمل خواتین متعدد جسمانی و جذباتی تبدیلیوں سے گزرتی ہیں۔ ایک تحقیق کے مطابق اس دوران جسمانی تبدیلیوں کی جانب ان کا منفی رویہ بچے کی پیدائش کے بعد ڈپریشن کا باعث بن سکتا ہے۔

سائیکولوجیکل اسسمنٹ جنرل میں شائع ہونے والی تحقیق کے مطابق جسمانی تبدیلیوں کے حوالے سے حاملہ خواتین کے احساسات سے یہ اندازہ لگایا جاسکتا ہے کہ ان کے شکم میں موجود بچے کے ساتھ تعلق کس حد تک بہتر ہوسکتا ہے اور بچے کی پیدائش کے بعد جذباتی صحت کیسی ہوسکتی ہے۔

انگلینڈ کی یونیورسٹی آف یارک سے منسلک جسمانی ساخت کی ماہر نفسیات کا کہنا ہے کہ، ’خواتین بچے کی پیدائش کے دوران اور اس کے بعد بھی اپنی ظاہری جسمانی ساخت کو لے کر مسلسل دباؤ کا شکار رہتی ہیں۔‘

اسی لیے اس بات کو یاد رکھنا ضروری ہے کہ حمل کے دوران صرف ماں اور بچے کی جسمانی صحت کا ہی خیال نہ رکھا جائے بلکہ خواتین کی جذباتی صحت کا بھی خاص خیال رکھا جائے، جذباتی صحت ہی ہمیں یہ اہم معلومات فراہم کرسکتی ہے کہ بطور ایک ماں عورت طویل مدتی تناظر میں کس طرح کا ردِ عمل کا اظہار کرسکتی ہے۔

حمل ٹھہرنے کی علامات یہ ہیں

تحقیق کے نتائج یہ ظاہر کرتے ہیں کہ حمل کے دوران جن خواتین نے اپنی جسمانی تبدیلیوں کے بارے میں مثبت انداز میں محسوس کیا، ان کے اپنے جیون ساتھی کے تعلقات بڑی حد تک بہتر پائے گئے، ان میں ڈپریشن اور اینزائٹی کی شرح کافی حد تک کم پائی گئی۔

جبکہ وہ اندرونی یا بیرونی جسمانی حالات میں کسی قسم کی تبدیلی پر جسمانی طور پر ملنے والے اشاروں کو سمجھنے میں کافی بہتر رہیں۔ اس کے علاوہ ان کا اپنے شکم میں موجود بچے کے ساتھ زیادہ مثبت تعلق بھی پایا گیا۔

دوسری طرف وہ خواتین جو حمل کے دوران اپنی ظاہری جسمانی ساخت کو لے کر منفی احساسات رکھتی تھیں، انہیں حمل کے دوران اضافی جذباتی سہارے کی ضرورت لاحق ہوئی اور اس کے ساتھ ساتھ بچے کی پیدائش کے بعد پوسٹ نیٹل ڈپریشن (یہ ایک قسم کا ڈپریشن ہے جس کا سامنا والدین کو بچے کی پیدائش کے بعد ہوتا ہے) کی علامات کے لیے مانیٹرینگ مطلوب ہوتی ہے۔

ماہر نفسیات کا کہنا ہے کہ، ’بڑی حد تک یہ پایا گیا ہے کہ حمل کے دوران خواتین کا اپنی جسمانی تبدیلی کا تجربہ ماں اور بچے کی صحت پر مثبت یا منفی اثرات مرتب کرسکتا ہے. لہٰذا خواتین کو زیادہ منفی اثرات سے محفوظ رکھنے کے لیے ہمارے نظام صحت میں اقدامات کرنے کی ضرورت ہے۔‘

مانع حمل گولیاں اپنے اندر مضر اثرات بھی رکھتی ہیں

The post پریگننسی کے دوران ماں کو ڈپریشن کی شکایت ہوسکتی ہے: تحقیق appeared first on ایچ ٹی وی اردو.

حمل کی بہت سے علامات ہیں جن کا جاننا بہت ضروری ہے ۔ کیونکہ یہ زندگی کا اہم وقت ہوتا ہے اس لئے اس کے بارے میں جاننا بہت ضروری ہے ۔کیونکہ یہ آپ کی صحت کے لئے ضروری ہے۔ حمل ٹھہرنے کی کچھ علامات درج ذیل ہے ۔

حمل کی سب سے عام علامت تو ماہواری کانہ آنا ہے۔ اگر اس سے پہلے آپ کے ایام ماہواری باقاعدہ تھے اور آپ نے بغیر کسی حفاظتی اقدام کے ہم بستری کی ہے تو اگلی ماہواری کے ایام کے دس دنوں بعد بھی ماہواری نہ آنے کی صورت میں میں یہ خیال آ جانا چاہئے کہ حمل ٹھہر چکا ہے کیونکہ اگر ماہواری اس سے پہلے ہمیشہ باقاعدگی سے آئی ہو تو ایک بار ماہواری نہ آنے کا سب سے بڑا سبب حمل ٹھہرنا ہی ہے۔ البتہ اگر اس سے پہلے بھی ماہواری باقاعدہ نہیں تھی تو پھر دوسری علامات جاننا بھی ضروری ہے۔

مانع حمل گولیاں اپنے اندر مضر اثرات بھی رکھتی ہیں

حمل ٹھہرنے کی دوسری علامات کونسی ہیں؟

*چھاتیاں بڑی اور زیادہ حساس ہو جاتی ہی۔ چھاتیوں کی سطح پر نسوں کی تعداد میں بھی اضافہ ہو جاتا ہے۔ نپل کےارد گرد چھوٹے چھوٹے دانے بن جاتے ہیں جو وقت کے ساتھ ساتھ اور زیادہ نمایاں ہو جاتے ہیں اور ارد گرد کی جلد کا رنگ گہرا ہو جاتا ہے۔

ًٌ*کچھ خواتین کو صبح بستر سے اٹھنے کے بعد متلی ہوتی ہے اور صبح کے وقت طبیعت خراب رہتی ہے،بعض خواتین کے ساتھ ایسی صورت حال دن کے باقی اوقات میں بھی ہو سکتی ہے۔ متلی کی یہ کیفیت حاملہ خواتین کے جسم میں ہارمونز کی مقدار بڑھنے کی وجہ سے ہوتی اور عام طور پر یہ وہ پہلی علامت ہوتی ہے جو اکثر خواتین محسوس کرتی ہیں۔ عام طورپر یہ حمل کے چودہ ہفتوں تک خود بخود ختم ہو جاتی ہے۔

*بعض عورتوں میں پیشاب زیادہ آنے کی شکایت بھی ہو سکتی ہے۔ عام طور پر خواتین دن میں تین سے پانچ مرتبہ پیشاب کرتی ہیں اور انہیں رات کو سوتے میں پیشاب کرنے کیلئے اٹھنا نہیں پڑتا جبکہ حمل کے دوران اکثر خواتین کو دن میں ہر ایک یا دو گھنٹے کے بعد پیشاب کی حاجت ہوتی ہے اور رات کو سوتے میں بھی ایک دو مرتبہ اٹھنا پڑتا ہے۔

*کئی مرتبہ حاملہ خواتین کے منہ کا ذائقہ خراب ہو جاتا ہے اور بہت سی ایسی چیزیں جو انہیں عام طور پر بہت پسند ہوتی ہیں بے ذائقہ لگنے لگتی ہے۔

اہم بات یہ ہے کہ سب حاملہ خواتین میں یہ علامات نہیں پائی جاتیں۔ سو اگر آپ کے ایام ماہواری باقاعدہ رہے ہیں اور اس بار آپ کو ماہواری کچھ دن گزرنے کے باوجود بھی نہیں آئی تو بہت زیادہ امکان ہے کہ حمل ٹھہر گیا ہو۔ تو فوری طور اپنے معالج سے رجوع کریں۔

کس طرح حمل ٹہرایا جائے ؟ اویولیشن اور فرٹائلیٹی حمل ٹہرانے میں کس طرح مددگار ہیں ،جانئے

ڈاکٹر حمل ٹھہرنے کی تصدیق کیسے کرے گا؟

*ڈاکٹر آپ کا جسمانی معائنہ کرے گا اور چند بنیادی سوالات کرے گا۔
* علاوہ ازیں وہ اندرونی طور پر معائنہ بھی کرے گا۔ آپ کی کوکھ نارمل سے بڑی محسوس ہوگی ۔
*حمل کے چھٹے سے آٹھویں ہفتے تک یہ تبدیلیاں عام طور پر آسانی سے معلوم کی جاسکتی ہیں۔

اس کے باوجود حمل کی تصدیق کیلئے سب سے اہم اور آرام دہ طریقہ پیشاب کا ٹیسٹ ہے۔

حمل کے لئے پیشاب کا ٹیسٹ کیا ہوتا ہے؟

ابتدائے حمل میں ایک ایسا ہارمون پیدا ہونا شرو ع ہو جاتا ہے جو آخری ماہواری سے تقریباً20 دن بعد پیشاب میں آنا شروع ہوتا ہے اور 80-60دن میں پیشاب میں اس کی مقدار اپنی انتہا پر پہنچ جاتی ہے۔ ٹیسٹ کا اصول یہ ہے کہ پیشاب میں یہ ہارمون دریافت کیا جائے۔ اس کے لیے دن کے کسی وقت کا پیشاب بھی لیا جاسکتا ہے لیکن بہتر ہے صبح کا پیشاب ایک صاف بوتل میں لے کر بارہ گھنٹے کے اندراندر ٹیسٹ کیا جائے۔ اب تو ایسی پریگننسی ا سٹیکس بھی موجود ہیں جس سے ابتدائی جانچ کی جاسکتی ہے۔

پریگننسی کے بعد پہلے پیریڈز کیا عام پیریڈز سے مختلف ہوتے ہیں؟

The post حمل ٹھہرنے کی علامات یہ ہیں appeared first on ایچ ٹی وی اردو.

حمل کے دوران اکثر خواتین کا وزن بہت زیادہ بڑھ جاتا ہے اس لئے ان کی کوشش ہوتی ہے کہ ان کا وزن کنٹرول میں رہے ۔لیکن ایسی بھی خواتین ہوتی ہیں جن کا دوران حمل بڑھنے والا وزن بھی ناکافی ہوتا ہے اور انھیں اور زیادہ وزن بڑھانے کی ضرورت ہوتی ہے۔

دوران حمل وزن بڑھانے کے طریقے ذیل میں درج کئے جارہے ہیں :

بار بار کھائیں:

بعض اوقات دوران حمل آپ کا وزن نہیں بڑھتا کیونکہ آپ کا پیٹ اتنا پچکا ہوا ہوتا کہ آپ زیادہ کیلوریز لے ہی نہیں پاتے ۔ اس کے لئے تھوڑا تھوڑا لیکن بار بار کھانے سے آپ دن بھر میں کچھ زائد کیلوریز لے ہی لیں گی۔اس سے دوران حمل ہونے والی متلی اور سینے میں جلن کی شکایت بھی دور ہوتی ہے۔

باہر جائیں تو کچھ اپنے ساتھ لے جائیں:

اگر آپ زیادہ وقت گھر سے باہررہتی ہیں تو اپنے ساتھ اسنیکس کے طور پر کوئی چیز ضرور رکھیں ۔اپنے ساتھ ایسی چیز رکھیں جسے بنانے کی ضرورت نہ پڑے ۔جیسے میوے یعنی بادام وغیرہ اس کے علاوہ آپ ڈرائی فروٹس ٹرائفل میں بھی شامل کر سکتی ہیں۔اگر آپ کے پاس کھانا ٹھنڈا رکھنے کی جگہ ہے توآپ پھل کے ساتھ پنیر بھی لے جاسکتی ہیں ۔سیب اور امرود کے ساتھ چیڈر چیز بہت ہی مزیدار لگتا ہے۔
پھل بہترین اسنیکس کا کام دیتے ہیں اپنے پرس میں کیلا یا کینو رکھیں تاکہ آپ کو کھانا یاد رہے۔اس کے ساتھ جسم میں پروٹین بڑھانے کے لئے مٹھی بھر بادام یا کوئی اورمیوہ کھائیں ۔

کیلوریز کے لئے مشروب لے لیں:

اگر آپ سے کھایا نہیں جاتا اور آپ زیادہ کیلوریز نہیں لے پاتیں تو اس کے لئے ایسا مشروب لے لیں جس سے آپ کو زائد کیلوریز مل جائیں ۔
اپنے لئے اسمودی تیار کرلیں اور وقفے وقفے سے پیتی رہیں ۔زائد کیلوریزحاصل کرنے کے لئے آپ اپنے شیک میں پروٹین پائوڈر بھی شامل کرسکتی ہیں ۔ پھل اور سبزیوں کی اسمودی آپ کی وٹامن اور منرلز کی کمی کو بھی پورا کریں گی۔

مزید جانئے : حمل کے دوران 10مثبت سرگر میاں اپنائیں

غذائیت سے بھر پور اسنیکس کھائیں :

اسنیکس کے ذریعے زیادہ کیلوریز حاصل کرنے کے لئے آپ زیادہ ابلا ہوا انڈا ،دہی یا پنیر لیں یہ چیزیں غذائیت سے بھرپور ہوتی ہیں اور آپ کے لئے کافی مفید ثابت ہونگی۔اس طرح آپ کو بہت زیادہ کھا نے کی ضرورت نہیں ہوگی۔سیب کی پھانکوں کے ساتھ چیڈر چیز مزہ دینے کے ساتھ آپ کی بھوک کو بھی ختم کرے گا۔

ضرورت ہوتو سپلیمنٹس کا استعمال کریں:

دوران حمل صحت مند رہنے کے لئے قدرتی غذا جیسے پھل، سبزیاں ،گوشت اورانڈے کھانے چاہئیں ۔لیکن اگر آپکو یہ چیزیں کھانا مشکل لگتی ہوں ۔تو آپ سپلیمنٹس کا بھی استعمال کرسکتی ہیں ۔ پروٹین پائوڈر کو کھانے یا شیک میں ملا کر پینے سے زائد کیلوریز حاصل ہو سکتی ہیں ۔حاملہ خواتین اوربچے کی غذائی ضروریات کوپیش نظر رکھتے ہوئے یہ سلیمنٹس تیار کئے جاتے ہیں جن کے استعمال سے آپ اپنی غذائی ضرورت کو پورا کرسکتی ہیں ۔

کس طرح حمل ٹہرایا جائے ؟ اویولیشن اور فرٹائلیٹی حمل ٹہرانے میں کس طرح مددگار ہیں ،جانئے

The post حمل میں وزن بڑھانے کے طریقے appeared first on ایچ ٹی وی اردو.