گرمیوں کو خوشگوار بنائیں لیموں کے استعمال سے
سردیوں کا اختتام ہوا اور اب گرمیوں کے موسم کا آغاز ہوا چاہتا ہے اور ایسے میں اپنی شخصیت کو بہتر بنانے کے لیے اپنا خیال رکھنا بےحد ضروری ہوجائے گا۔گرمی کے موسم میں اگر خود کا خیال نہ رکھا جائے تو بہت سے مسائل کا سامنا کرنا پڑ سکتا ہے، جن میں پیٹ کی خرابی،ہاضمے کا مسئلہ یا بہت زیادہ پسینہ آنا شامل ہیں۔لیکن اب زیادہ پریشان نہ ہوں، آپ کے باورچی خانے میں موجود ایک ایسی غذاء ہے جو اس موسم کے لیےبہت فائدہ مند ہے کہ اس کے استعمال سے بہت سی پریشانیوں سے نجات مل سکتی ہے۔یہاں بات ہورہی ہے کھٹے میٹھےلیموں کی کی، جس کا استعمال آپ صرف شربت پینے میں ہی نہیں بلکہ بہت سے انداز میں کرسکتے ہیں۔
لیموں پانی : کھانے کے بعد
کھانے کے بعد لیموں پانی پینے سے نظام ہاضمہ بہتر انداز میں کام کرتا ہے، ایسا کرنے سے جسم میں موجود وہ ایسڈز جن کا کوئی استعمال نہیں وہ باہر ہوجاتے ہیں۔لیموں پانی کا مزاح بہتر کرنے کے لیے اس میں ایک چائے کا چمچ شہد شامل کیا جاسکتا ہے۔
اس بارے میں جانئے :اورنج یا پھر کینو ؟ کون ہے زیادہ فائدہ مند
لیموں: منہ کی بو سے نجات
اگر آپ کو بھی منہ سے بو آنے جیسے مسائل کا سامنا ہے تو لیمو اس کے لیے فائدہ مند ثابت ہوگا۔ایک چائے کا چمچ شہد لیں، اس میں ایک چائے کا چمچ لیمو کا رس شامل کریں، ایک چائے کا چمچ دارچینی ملائیں اور آدھا کپ نیم گرم پانی شامل کریں۔تمام اجزاء کو مکس کرنے کے بعد اس سے کلی کریں، یقیناً منہ کی بو سے جلد نجات مل جائے گی۔
لیموں : پسینے کی بوسے نجات
سال کے اس موقع پر پسینہ آنا نہایت عام سی بات ہے، لیکن پسینہ کے ساتھ آنے والی بو کے باعث کبھی کبھار آپ کو شرمندگی کا سامنا کرنا پڑتا ہے۔لیکن اب پسینے کی اس بو کی روک تھام کے لیےلیموں کا استعمال ضروری بنائیں۔تھوڑا سا لیمو کا رس لیں، اس میں پانی شامل کریں، اس مرکب کو اپنے بغل اور ہر اس حصے پر لگائیں جہاں سے پسینے کی بو آتی ہے، پھر 15 منٹ تک اسے چھوڑ دیں اور بعدازاں دھو لیں۔ہر روز ایسا کرنے سے آپ کو پسینے کی بو سے نجات مل جائے گی۔
لیموں : رنگ صاف کرنے کے لیے
دھوپ میں جلد کا رنگ خراب ہونے سے بچانے کے لیے تھوڑا سا لیموں کا رس لیں اور اس کو اچھے طرح چہرے پر مل لیجیے، 10 منٹ بعد ٹھنڈے پانی سے چہرے کو دھو لیں، بہتر نتائج کے لیے یہ عمل دن میں دو بار کریں۔
