سات جڑی بوٹیوں کے حیرت انگیز استعمال

4,415

موجودہ دورمیں جب کہ دنیاکافی ترقی کرچکی ہے لیکن کئی سوسال گزرنے کے باوجودبھی جڑی بوٹیوں کے فوائد میں کوئی کمی واقع نہیں ہوئی ہے۔حتٰی کہ اب سائنس بھی صحت کے حوالے سے جڑی بوٹیوں کی طاقت کوتسلیم کرتی ہے۔درد کوکم کرنے ،ٹھنڈاورفلوسے بچانے اوردیگرسنگین مسائل جیسے دل کے امراض،الزائمر،ایگزیما یہاں تک کہ کینسرجیسی مہلک بیماری میں بھی ان کااستعمال مفید ثابت ہورہاہے۔ویسے توآپ لوگ گھریلوعلاج میں کافی جڑی بوٹیوں کے استعمال اوران کے فوائد سے آگاہ ہونگے لیکن ذیل میں صرف سات جڑی بوٹیوں کاذکرہے جن کا چھوٹے موٹے گھریلومسائل سے نمٹنے کے لئے ہرگھرمیں ہونابہت ضروری ہے۔

۱۔ایلوویرا

herbs-uses
herbs-uses

صحت ہویاخوبصورتی دونوں ہی حوالوں سے ایلوویراکااستعمال بہت مشہورہے۔مصری اورچائنیز اسے زخموں کوبھرنے ،جلنے پرمرہم اوربخارکوکم کرنے کے لئے استعمال کرتے ہیں۔ایلوویرامیں الزائمز،وٹامنز،منرلزاورامینوایسڈ موجود ہوتے ہیں جس کی وجہ سے یہ ایک موثراورقدیم ہربل دواکے طورپراستعمال کیاجاتاہے۔

۲۔پیپرمنٹ

herbs-uses
herbs-uses

پودینہ مختلف کھانوں میں ذائقہ اورخوشبوکے لئے استعمال کیاجاتاہے۔مغربی ثقافت میں صحت کے حوالے سے اس کااستعمال بہت مقبول ہے۔یہ پیٹ کے امراض اورنظام انہضام کودرست کرنے کے لئے استعمال کیاجاتاہے۔اس کی خوشبو منہ میں موجودگلینڈاورہضم کرنے والے انزائمز کوفروغ دیتی ہے۔یہ خون صاف کرکے جلد کوچمکداربناتاہے۔

۳۔میتھی دانہ

herbs-uses
herbs-uses

یہ کھانوں میں استعمال کے حوالے سے کافی مقبول ہے۔یہ نہ صرف اپنے ذائقے بلکہ طاقتوراینٹی آکسیڈنٹ کی وجہ سے جانی مانی جاتی ہے۔اسے بھوک کی کمی،پی ایم ایس اورمینوپاس کے علاج میں استعمال کیاجاتاہے۔حالیہ ریسرچ کے مطابق یہ خون میں گلوکوز کی سطح کوکم کرنے کی صلاحیت رکھتاہے ۔اگراسے مقررہ مقدارمیں استعمال کیاجائے تویہ صحت کے لیے فائدہ مند رہتاہے۔

۴۔کرین بیری

herbs-uses
herbs-uses

زمانہ قدیم میں اسے دانتوں سے پلاک دورکرنے کے لئے استعمال کیاجاتا تھا لیکن آج کل اسے پیشاب میں انفیکشن سے بچاؤ،علاج اورصحت کے دیگرمسائل کے حل کے لئے استعمال کیاجاتاہے۔یہ پیٹ کے السرکے خطرہ کوروکتاہے۔یوٹی آئی ٹریٹمنٹ میں ٹارٹ بیری گولی کی شکل میں بھی دستیاب ہے۔


مزید جانئے :جلد کے مسائل اور جڑی بوٹیوں کا استعمال

۵۔ادرک

herbs-uses
herbs-uses

مختلف فوائد کی حامل ہونے کی وجہ سے ادرک کوہزاروں سالوں سے دواکے طورپراستعمال کیاجاتاہے۔یہ نہ صرف مخصوص ذائقہ فراہم کرتی ہے بلکہ پیٹ کے مختلف امراض جیسے ڈائیریا،گیس،متلی،الٹی، بھوک کی کمی اورصبح ہونے والی متلی سے بچاتی ہے۔تاہم دیگرادویات کے ساتھ اس کااستعمال نہایت احتیاط اوردرست مقدارمیں کرنابے حد ضروری ہے۔

۶۔لہسن

herbs-uses
herbs-uses

لہسن ادویاتی خصوصیات کاحامل ہے اسی لئے ہزاروں سالوں سے اس کااستعمال کیاجاتاہے۔یہ خون کے نظام جیسے ہائی اورلوبلڈ پریشراوردل کے ا مراض جیسے کولیسٹرول،ہارٹ اٹیک،شریانوں کی سختی اورخون کے بہاؤ میں کمی جیسے مسائل سے بچاتاہے۔کینسرجیسے مرض میںبھی اس کااستعمال مفید رہتاہے۔

۷۔ہلدی

herbs-uses
herbs-uses

ہلدی ایک ایسی جڑی بوٹی ہے جواپنی حیرت انگیز صلاحیتوں کی وجہ سے کافی مشہورہے۔اس کااستعمال نہ صرف کھانوں بلکہ دواؤں میں بھی کیاجاتاہے۔یہ ایک ایسامرکب ہے جوماحولیاتی زہریلے مادوں کوجوسرطان پیداکرنے کاسبب بنتے ہیں جسم سے خارج کرتاہے۔اسے ساتھ ساتھ سوزش،جوڑوں کادرد،دل کی حفاظت،ذہنی صلاحیتوں میں اضافہ ،کینسراورذیابیطس سے بچاؤمیں بھی استعمال کیاجاتاہے۔


اردو ترجمہ:سائرہ شاہد

انگریزی میں پڑھنے کے لئے کلک کریں

شاید آپ یہ بھی پسند کریں
تبصرے
Loading...