کندھوں کے درد میں آرام حاصل کرنے کے لئے ورزش

کندھے جسم کے جوڑوں میں سے اہم جوڑ ہیں یہ جسم کا واحد جوڑ ہے جو ہاتھ کو پوری طرح گھماتا ہے ۔ کندھوں میں درد ہونا عام بات ہے جس کی وجہ چوٹ بھی ہوسکتی ہے ۔ اگر آپ کے کندھوں میں تکلیف ہے تو اسے دور کرنے کے لیے کچھ ورزش کار آمد ثابت ہوسکتی ہے ۔

گردن کی ورزش (neck release)

سیدھا بیٹھیں آہستہ آہستہ تھوڑی کو سینے کی طرف لائیں یہاں تک آپ کی گردن کے پچھلے حصے میں کھنچاؤ محسوس کریں۔
۔ سر کو بائیں کندھے کی طرف جھکانے کی کوشش کریں اس طرح کہ دائیں کندھے میں کھنچاؤ پیدا ہو اس کھنچاؤ کو ایک منٹ تک قائم رکھیں
۔ اسی طرح سر کو دائیں کندھے کی طرف جھکائیں اور ایک منٹ تک کھنچاؤ کو قائم رکھیں ۔
۔ ۳ سے ۵ مرتبہ یہ عمل کریں اور ریلیکس ہونے پر گہرے سانس لیں۔

دروازے کی مدد سے ورزش (door lean)

دروازے کے راستے میں کھڑے ہوکر دونوں ہاتھ دونوں اطراف کی چوکھٹ پر رکھیں اور دروازے کی دوسری طرف آگے بڑھیں اس طرح کہ کندھوں کے کے اگلے حصوں میں کھنچاؤ محسوس ہو ۔15 سے20سیکنڈ تک اسی پوزیشن میں رہیں اور3مرتبہ دہرائیں۔

پینڈیولم ایکسرسائز (pendulum exercise)

۔ ایک ہاتھ کو کرسی کی پشت پر رکھ کر کھڑے ہو اور جس میں تکلیف ہے اسے نیچے لٹکا کر گول دائرے کی شکل میں گھمائیں ۔ یہ عمل پانچ بار کریں ۔
۔ دن میں ۲ سے ۳ مرتبہ کریں

سیٹڈ ٹوئسٹ (seated twist)

کرسی پہ سیدھے بیٹھ جائیں اور گھٹنوں کو ملا لیں ۔ دائیں ہاتھ سے کرسی کو پکڑتے ہوئے سینے کو دائیں جانب گھمائیں اور بائیں ہاتھ کو سیدھا رکھیں ۔ اسی طرح کندھوں کو آرام دیں اور 10سے15سیکنڈز اسی پوزیشن پر رہیں ۔ یہ ہی عمل دوسری جان بھی دہرائیں ۔دن میں 3سے5بار یہ ورزش کریں

مزید جانئے :ساؤنابیلٹ کے استعمال کے نقصانات