اگرآپ کے چہرے یا جسم کے کسی اور حصے پر سیاہ دھبے نمودار ہورہے ہیں اور آپ ان کے ہونے کی وجہ اور علاج جاننا چاہتے ہیں تو یہ آرٹیکل ضرور ملاحظہ فرمائیں اور دیکھئے کہ جلد کے ماہرین کالے دھبوں (ہائپر پگمینٹیشن)کی وجوہات علاج اور ان سے بچائو کے کیا طریقے بتائے ہیں ؟

جلد پر نمودار ہونے والے گہرے دھبے ہائپر پگمینٹیشن کہلاتے ہیں ۔ہماری جلدکے سیلز میں میلانن ہوتا ہے جو جلدکو رنگت بخشتا ہے۔جب جلد کے سیلززیادہ میلانن بنانا شروع کردیتے ہیں تو یہ ہائپر پگمینٹیشن کا باعث بنتے ہیں ۔

جب جلد کی کوئی بیماری ہوتی ہے یا چوٹ لگ جاتی ہے تو میلانن کی پیداوار میں اضافہ ہوجاتا ہے اور یہ ہائپر پگمینٹیشن کا باعث بنتا ہے۔جلد کی عام بیماریوںجیسے ایکنی،ایگزیما یا صرف کھجانے کی وجہ سے ہی یہ نشان بن جاتے ہیں ۔بعض اوقات اسکن ٹریٹمنٹ میں ہونے والی غلطیوں کی وجہ سے بھی کالے دھبے نمودار ہوجاتے ہیں اس کے علاوہ دھوپ میں رہنے کی وجہ سے بھی جلد پر دھبے اور جھریاں پڑ جاتی ہیں ۔

دھوپ میں رہنے کی وجہ سے گالوں اور ناک پر ہائپر پگمینٹیشن کے دھبے نمایاں ہو جاتے ہیں ہائپر پگمینٹیشن کی یہ قسم میلازما کہلاتی ہے ۔میلازما کی دوسری وجوہات میں حمل،ہارمونز کی کمی اور زیادتی،مانع حمل دوائوں کا استعمال یا ہارمون تھیراپی بھی ہو سکتی ہے۔

دھبے نمودار ہونے کی صورت میں ماہر جلد کے پاس جاناضروری ہوتا ہے تاکہ وہ ان کی وجہ جان سکے۔اگر آپ کے جسم پر ایسے تل موجود ہیں جو اپنی رنگت،بناوٹ یا حجم میں تبدیل ہو رہے ہیں تو فوری طور پر ڈرما ٹولوجسٹ سے رابطہ کریں۔جب جلد کے مرض جیسے ایکنی وغیرہ کی صحیح تشخیص ہوجاتی ہے تو وہ اس کا صحیح علاج ہوتا ہے اسی طرح جب ہائپر پگمینٹیشن کی بھی اصل وجہ پتہ چل جاتی ہے تو اس کا علاج بھی آسان ہو جاتا ہے۔

جلد کو نہ کھجائیں اورجلد کو لاحق مسئلے کی تحقیق اور علاج ڈرما ٹولوجسٹ کوہی کرنے دیں۔ایسی چیزوں سے بچیں جو آپ کی تکلیف کو زیادہ بڑھادیں۔دھوپ سے بچیں اورہر موسم میں 30 یا اس سے زیادہ ایس پی ایف کا سن اسکرین استعمال کریں ۔بڑے ہیٹ ،اسکارف اور سن گلاسس لگائیں اور سائے میں چلیں۔

پگمینٹیشن کے مختلف علاج

رنگ گوراکرنے والی کریمیں:

ہائڈروکوئنن،کوجک ایسڈ،ایزیلک ایسڈاورریٹینول والے مرہم کا استعمال صرف ڈرماٹولوجسٹ کی ہدایت پر استعمال کریں کیونکہ ان سے ہائپرپگمینٹیشن دوبارہ بڑھنے،خارش اور سوزش ہونے کے امکانات بھی پیداہو سکتے ہیں ۔

لیزر ٹریٹمنٹ:

کچھ لیزر ٹریٹمنٹ جیسےQ ۔سوئچڈ،IPL اور فریکشنل لیزربھی دھبوں کو ہلکا کرتی ہیں ۔

کیمیکل پلز

کیمیکل پلزکا استعمال بھی دھبوں کو ہلکا کرکے جلد کی رنگت ایک سی بنانے میں مدد دیتا ہے۔مارکیٹ میں مختلف قسم کے کیمیکل پلز دستیاب ہوتے ہیںجن میں سے کچھ یلکے ہوتے ہیں جو جلد کی سطح کو ایکس فولیٹ کرتے ہیںاور کچھ سخت ہوتے ہیں جو جلد کی تہوں کے اندر تک جاکر کام دکھاتے ہیں۔اور میلازما کے دھبوں کا خاتمہ کرتے ہیں ۔
پگمینٹیشن کو ہلکا کرنے کے لئے بار بار پیل استعمال کرنے کے ضرورت ہوتی ہے اس کے علاوہ گہری رنگت پر سخت پیل کے استعمال کے سائڈ افیکٹ بھی ہوسکتے ہیں اس لئے ضروری ہے کہ ان کا استعمال کسی ماہر ڈرماٹولوجسٹ کی زیرنگرانی ہی کیا جائے۔

علاج کے بعد کی احتیاط

علاج کے بعد ضروری ہے کہ دھوپ سے بچا جائے اور ڈاکٹر کی ہدایت کے مطابق رنگ صاف کرنے والی کریم استعمال کی جائے۔
اگر ٹریٹمنٹ کے بعد احتیاط نہ کی گئی تو میلازما اور دھوپ سے پڑنے والے دھبے بھی دوبارہ آجائیں گے۔

سردی کے موسم میں بالوں کی حفاظت کے 5طریقے

The post داغ ،دھبوں سے پاک صاف ستھری جلد appeared first on ایچ ٹی وی اردو.

خوبصورت نظرآنا ہر عورت اور لڑکی کی خواہش ہوتی ہے۔وہ اپنی خوبصورتی سے سب کو متاثر کرنا چاہتی ہیں۔بہت سے چہرے ایسے ہوتے ہیں جنھیں ایک بار دیکھ لو تو نظر ہٹانے کا دل ہی نہیں چاہتا ۔ ایسی ہی خوبصورت نظر آنے کے لئے آپ بھی چند باتوں کو اپنے روٹین میں شامل کرلیں تو کوئی بھی آپ سے متاثر ہوئے بغیر نہیں رہ پائے گا۔

ابٹن لگائیں :

بازار کی مہنگی اور کیمیکل والی بیوٹی پروڈکٹس جلد کو خوبصورت بنانے کے بجائے الٹا نقصان پہنچاتی ہیں ۔جلد کو خوبصورت بنانے کے لئے ابٹن کا استعمال کریں یہ ابٹن بھی آپ گھر پر تیار کریں کیونکہ بازار کے بنے ابٹن میں بلیچ کا استعمال کیا جاتا ہے جو جلد کے لئے نقصان دہ ہے۔گھر پر ابٹن تیار کرنے کے لئے بیسن،دودھ اور ہلدی کو ملا کر پیسٹ بنائیں اور چہرے پر لگائیں ۔جلد کو نمی پہنچانے کے لئے دہی کا استعمال بھی کیا جاسکتا ہے۔اس کے علاوہ کھیرے کا جوس بھی فیس ماسک کے طور پر لگایا جاسکتا ہے۔

مزید جانئے :گرمیوں میں جلد کے عام مسائل

زیادہ پانی پیئیں :

جلد میں موجود نمی چہرے پر ظاہر ہوکر اسے قدرتی چمک عطا کرتی ہے۔ جلد کو چمکدار بنانے کے لئے زیادہ سے زیادہ پانی پیئیں ۔یہ حقیقت ہے کہ جلد کی خوبصورتی کا راز زیادہ پانی پینے میں ہے کیونکہ آپ جتنا زیادہ پانی پیئیں گے آپ کا جسم اتنا ہی زیادہ ٹوکسن خارج کرے گا اور آپ کی جلد جوان اور چمکدار نظر آئے گی۔

غذا :

اگر خوبصورت نظر آنا ہے تو اپنے لئے جنک فوڈ کے بجائے متوازن غذا کا انتخاب کریں ۔تلی ہوئی چٹ پٹی چیزوں کے جلد پر مضر اثرات رونماء ہوتے ہیں جن کے نتیجے میں چہرے پر دانے نکل آتے ہیں ۔اگر آپ واقعی خوبصورت نظر آنا چاہتی ہیں تو زیادہ تر ابلی ہوئی غذالیں اور تلی ہوئی یا زیادہ چکنائی والی چیزوں سے گریز کریں۔دن میں تین مرتبہ خوب پیٹ بھر کر کھانے کے بجائے، کئی مرتبہ تھورا تھوڑا کھائیں ۔

فٹ رہیں :

فٹ رہنے کے لئے جم جوائن کرنا ضروری نہیں۔آپ گھر میں رہتے ہوئے بھی فٹ رہ سکتی ہیں اس کے لئے روزانہ واک کریں اور یوگا کی ورزشیں بھی کریں ۔اچھی غذا اور ورزش دونوں مل کر آپ کی جلد کو چمکدار اور صحت مند بنادیں گی۔

گلابی رنگت کے لئے:

یہ تمام چیزیں مل کر آپ کی رنگت کو سرخ وسفید بنانے میں مدد دیں گی لیکن اس کے علاوہ اگر آپ چاہتی ہیں کہ یہ گلابی رنگ مزید واضح ہو جائے تو اپنے چہرے پر بالکل ہلکا گلابی میک اپ کریں۔بیوٹی پروڈکٹس میں پنک اور پیچ کلر کے شیڈز کا انتخاب کریں ۔ان کے استعمال سے آپ کی جلد اور بھی زیادہ صحت مند اور خوبصورت نظر آئے گی۔</p

مزید جانیں: یہ غذائیں کھائیں گنج پن اور کمزور بالوں سے جان چھڑائیں

The post خوبصورت نظر آنے کے راز آپ بھی جانئے: appeared first on ایچ ٹی وی اردو.

گرمیوں نے اپنا رنگ جمانا شروع کر دیا ہے،ایسے میں کہیں آتے جاتے ہوئے میک اپ کرنا ایک مشکل مسئلہ بن گیا ہے،کیونکہ گرمیاں شروع ہوتے ہی دن کے وقت جب آپ باہر نکلیں تو سورج سرکار سب سے پہلے آپ کے چہرے پر ہی اثر انداز ہوتے ہیں اور جس کے نتیجے میں آپ کا محنت سے کیا گیا میک اپ تھوڑی ہی دیر میں بہنا شروع ہوجاتا ہے۔ایسے میں آپ کا چہرہ ایک ہولناک گریسی سا تاثر پیش کرتا ہے۔جو کہ خود آپ کے لئے بھی ناقابل ِ برداشت ہوتا ہے ،دوسروں کی تو بات کیا ہی کی جائے۔اس کا ایک حل یہ بھی ہے کہ گرمیوں میں میک اپ کیا ہی نہ جائے جو اس بد تر صورتحال سے تو بہتر ہی ہو گا لیکن یہ اس مسئلے کا حل نہیں ہے،اس کے لئے ضروری ہے کہ میک اپ کا کچھ ضروری اور اچھی کوالٹی کا سامان خرید لیا جائے تاکہ وہ آپ کو اس برے وقت سے بچا سکے۔

٭آنکھوں کے پریمر پر خرچ کریں:۔

اگر آپ کا کنسیلر یا آئی شیڈو آپ کے آنکھوں کے میک اپ کو ایک کیک والا لُک دے رہا ہے ،تو آ پ کو ضرورت ہے ایک اچھے آئی پریمر کی اور ہم آ پ کو گارنٹی دیتے ہیں کہ آپ کو اس پر کوئی افسوس نہیں ہو گا ۔جتنی جلدی ہو سکے یہ کام کر ڈالیں۔

اس بارے میں جانئے : خوبصورت نظر آنے کے راز آپ بھی جانئے: 

٭لوز(کھلے) پائو ڈر کا استعمال کریں:۔

اپنا نارمل روز مرہ کا پریمر استعمال کرنے کے بعدبہت ہلکی تہہ لوز پائوڈر کی لگائیں،یہ خشک تہہ آ پ کے میک ا پ کو سنبھالنے میں آپ کی مدد کرے گی۔

٭اپنی آئی بروز کو محفوظ کریں:۔

کیا آپ اپنی آئی بروز کو بھی سنوارنے سے ڈرتی ہیں کہ کہیں وہ بھی میک اپ بہنے سے بدنما نہ لگیں ،تو پھر اس کے لئے کلیئر آئی بروز جیل کا استعمال کریں تا کہ آپ کی آئی بروز خوبصورت رہیں۔

٭ہلکا میک اپ کریں:۔

کیونکہ گرمی بڑھتی جا رہی ہے اس لئے یہ زیادہ اچھا ہے کہ ہلکا میک اپ کیا جائے۔کیونکہ گہرے میک اپ کو سنبھالنا مشکل کا م ہوتا ہے۔اس لئے فائونڈیشن کی ہلکی تہہ لگائیں،اسی طرح آنکھوں کا میک اپ بہت ہلکا رکھیں اور ہائی لائٹر تو بالکل نہ لگائیں۔

٭آئی لائنر کوہلکے (نیم شفاف)پائو ڈر سے سیٹ کریں:۔

اگر آپ کاآئی لائنر واٹر پروف بھی ہے تو بھی ہلکے رنگ کے پائوڈر کی بہت ہلکی سی تہہ اس پر برش کی مدد سے لگائیں۔یہ اسے میٹ لُک دے گا ،خیال رکھیں کہ یہ آنکھوں کے اوپر یا پپوٹوں پر جمع نہ ہو جائے۔

یہ بھی پڑھئے : میک اپ کے بنا جلد چمکدار بنائیں گلیسرین سے

٭ہلکے رنگ استعمال کریں:۔

جب گہرا میک ا پ بہنے لگے یا دھبے پڑنے لگیں تو یہ فوراً نظر میں آ جاتا ہے۔جبکہ اس کے مقابلے میں نرم ،ہلکا پھلکا میک اپ جو کہ گرمی کے حساب سے رنگوں کے استعمال سے کیا گیا ہو دیدہ زیب لگتا ہے۔

٭میک اپ بلاٹنگ پیپر ساتھ رکھیں:۔

اگر آپ کو بہت زیادہ پسینہ آتا ہے تو یہ اچھا ہے کہ آ پ اس کے لئے پہلے سے تیار ہوں۔اس کے لئے آ پ کو میک اپ بلاٹنگ پیپر ساتھ رکھنا چاہیے،جب بھی ایسی صورتحال ہو مطلوبہ حصے پر پیپر رکھ کر تین بار یا اس سے کچھ زیادہ بار تک اس کو دبائیں،اس سے آپ اچھا محسوس کریں گی،اگر آپ کو میک ا پ بلاٹنگ پیپر نہ ملیںتو اس کے بدلے کافی فلٹر بھی استعمال کئے جا سکتے ہیں

اس آرٹیکل کو انگریزی میں پڑھنے کے لئے کلک کریں 

The post گرمیوں میں میک ا پ برقرار رکھنے کی کچھ عمدہ ٹپس appeared first on ایچ ٹی وی اردو.

رات کو سونے سے پہلے استعمال کرنے والی کریموں night creams  کا استعمال بیوٹی آئٹمز میں سب سے کم جگہ پاتی ہے اور اس کا استعمال بھی دوسرے آئٹمز سے بہت کم کیا جاتا ہے۔ خواتین اس چیز کی اہمیت سے واقف نہیں ہے اسی لئے اس کو اہمیت نہیں دیتی ۔ تحقیق سے یہ بات ثابت ہوئی ہے کہ رات کو سونے سے پہلے کریم کا استعمال جلد کو حسین و شاداب بناتا ہے اور جلد کے ڈیڈ سیلز کو کو دوبارہ سے زندہ کرکے تازگی فراہم کرتا ہے۔

لیکن مسئلہ یہ ہے کہ زیادہ تر نائٹ کریمز بہت مہنگی ہوتی جو ہر کوئی خریدنے کی سکت نہیں رکھتا اور جو دوسری کریمز ہوتی ہے ان کو مختلف کیمیکلز سے بنایاجاتا ہے جن کا زیادہ استعمال جلد کو نقصان پہنچا تا ہے۔

لیکن ان سب باتوں کا ہرگز یہ مطلب نہیں کہ آپ ان کریمز کا استعمال ہی نہ کریں ؟ تو پھر اس مسئلہ کا حل کیا ہے ؟

بہت سادہ سا اور آسان  سا حل ہے اس کا ۔ آپ یہ نائٹ کریمز گھر پر ہی بنا سکتی ہے اور اس کے استعمال سے فائدہ اٹھا سکتی ہے ۔ گھر پر آسانی سے یہ نائٹ کریمز بنا کر آپ آپ مطلوبہ فوائد حاصل کرسکتی ہیں۔ نائٹ کریمز بنانے کے آسان اور کارآمد طریقے :

زیتون کے تیل سے بنائے نائٹ کریم :

زیتون کا تیل قدرتی اجزا ء سے مالا مال تیل ہے اور یہ آپ کی جلد کو ہمیشہ ہائیڈ ریٹ رکھتاہے ۔ اس کو کس طرح آپ نائٹ کریم  میں استعمال کرسکتی ہے ؟ اس کا بہت آسان طریقہ ہے

ایک برتن میں تمام اجزاء کو ڈال کر اچھی طرح مکس کرلیجئے اس کو گرم کرکے اچھی طرح مکس کیجئے ۔ پھر ٹھنڈا کرنے کے بعد ایک شیشی میں بند کرکے رکھ لیجئے ۔ چہرے پر استعما ل کرتے وقت اس بات کا دھیان رہیں کہ چہرہ صاف اور سوکھا ہوا ہو۔ چند دن کے استعمال کے بعد ہی اس کے نتائج آپ اپنے چہرے پر محسوس کریں گے۔ اس کریم کو زیادہ گرم جگہ نہ رکھیں۔

مزید جانئے :بالوں کوگھناکرنے کے لئے تین آزمودہ گھریلوعلاج

سیب اورانگور کے بیچ سےبنے آئل کی نائٹ کریم :

یہ ایک بہترین نائٹ کریم ہے خاص کرخراب اور جھریوں والی اسکن کے لئے ، یہ آپ کے چہروں پر موجود بے رونقی کو ختم کر کے ایک تازگی فراہم کریں گی اور جلد کو صحت مند بنائے گی۔ نائٹ کریم بنانے کا طریقہ :

سیب کے ٹکڑے اور انگور کے بیچ کے تیل کو اچھی طرح مکس کرلیجئے ۔ جب یہ اچھی طرح مکس ہوجائے تو اس کو پتیلی میں ڈال کر اس میں جائفل ملا لیجئے اور ٹھنڈے ہونے کے بعد اس میں عرق گلاب اور شہد بھی ملا لیجئے ۔ پھر اس کو شیشے میں بھر کر ریفریجریٹر میں رکھ دیجئےاور سونے سے پہلے صاف اور سوکھی جلد پر لگا لیجئے اور سونے سے پہلے اس کو سوکھنے دیں اور صبح اٹھ کر صابن اور پانی سے منہ دھولیجئے ۔

مزید جانئے :میک اپ کے ان طریقوں سے کریں بڑھتی عمر کا مقابلہ

بادام کے تیل اور گلیسرین سے بنی نائٹ کریم :

گھر کےآسان نسخوںسےتیارشدہ یہ نائٹ کریم سردیوں میں بہت مفید ہے کیونکہ یہ جلد کو موئسچیرائزر فراہم کرے گی اور ساتھ ساتھ جلد کو سوکھنے سے بھی بچائے گی اور آپ کی جلد کو ہمیشہ تازہ رکھے گی۔ آپ اس کو گھر پر آسانی سے بنا سکتے ہیں۔

ایک پتیلی میں بادام اور کھوپرے کا تیل ڈال کر گرم کرلیجئے جب اچھی طرح گرم ہوجائے تو اس میں عرق گلاب اور گلیسرین شامل کرلیجئے۔ پھر ٹھنڈے ہونے کے بعد اسے چھان لیجئے اور ایک شیشی میں بھر لیجئے۔ اس کو متوزان درجہ حرارت کے مقام پر رکھیئے اور روزانہ رات کو سونے سے پہلے استعمال کیجئے کچھ دنوں بعد تبدیلی آپ کے چہرے پر عیاں ہوگی۔

تحریر : سحرش قاضی

The post نائٹ کریم سے بنائیں چہرے کو شاداب و حسین appeared first on ایچ ٹی وی اردو.

کون نہیں چاہتا کہ وہ خوبصورت دکھے اور اس کی جلد حسین اور شاداب ہو جائے ۔ بہت سے افراد چہرے کی جِلد کو نرم وملائم ،چکنا اور شاداب رکھنے کے لیے مختلف کریمیں ،لوشن اور ماسک استعمال کرتے ہیں ۔خاص طور پر خواتین اپنے حسن پر کافی رقم خرچ کرتی ہیں ،حالانکہ وہ اس بات کو فراموش کردیتی ہیں کہ ایسی غذائیں بھی دستیاب ہیں ،جو ا ن کے حسن وجمال میں اضافہ کر سکتی ہیں ۔ذیل میں کچھ ایسی ہی پانچ غذاؤں کا تذکرہ کیا جارہا ہے جن کا استعمال چہرہ کو خوبصورت اور شاداب بنادے گا:

شملہ مرچ

شملہ مرچ میں وٹامن سی اور فولاد کی بڑی مقدار شامل ہوتی ہے ، جو چہرے سے جھریوں کو خاتمہ کرنے میں مدد دیتی ہے۔ خاص طور پر آنکھوں کے قریب پڑی جھرّیاں آہستہ آہستہ غائب ہوجاتی ہیں اور آپ کی جِلد کو صحت مندرکھتی ہے ،چوں کہ اس میں وٹامن بی2اور فولیٹ بھی شامل ہوتا ہے۔لہٰذا یہ بے چینی وافسردگی (ڈپریشن )کو بھی دور کرتی ہے ۔اسے کھانے سے دل کی بیماریوں میں بھی کمی آتی ہے ۔

ڈارک چاکلیٹ

ڈارک چاکلیٹ میں فلیوونائڈز(flavonoids) ہوتے ہیں اور یہ اینٹی اوکسیڈینٹ(antioxidant) ہوتا ہے ،لہٰذ اس چاکلیٹ کے استعمال سے آپ کی جِلد چمک دار اورجوان رہتی ہے۔ ڈارک چاکلیٹ آپ کے چہرے کو دھوپ کی تمازت سے محفوظ رکھتا ہے ۔اس کے علاوہ یہ ذہنی دباؤ کو کم کرتا ہے جس سے چہرے پر جھرّیاں کم پڑتی ہیں اور چہرہ کھِلا کھِلا لگتا ہے ۔ڈارک چاکلیٹ کے فوائد میں دل کی صحت میں اضافہ اور تھکن سے بچاؤ بھی شامل ہیں ۔

مزید جانئے : تیزابیت سے چھٹکارا پانا ہے تو ان 7غذاؤں کا استعمال کریں

لیموں

لیموں وٹامن سی کا خزانہ ہے ،اسی لیے یہ چہرے سے سیاہ داغ دھبّے ،مہاسے اور کیلیں ختم کرنے میں مدد دیتا ہے ۔یہ جِلدی بیماریوں خصوصاًیگزیما (eczema) کو بھی دُور کرتا ہے۔
وٹامن سی کی ایک خصوصیت یہ بھی ہے کہ یہ قوتِ مدافعت میں اضافہ کرتا ہے اور بہت سی بیماریوں کو آپ سے دور کرتا ہے ۔ لیموں خاص طور پر وائرس کے ذریعے ہونے والےانفیکشن کو ختم کرنے اور سانس کے مرض کی شدت کو کم کرنے میں انتہائی فائدہ مند ثابت ہوتا ہے ۔

دہی

دہی میں لیکٹک ایسڈ (lactic acid) شامل ہوتا ہے جو جِلد کے خلیوں کی مرمت کرتا ہے اور اسے جِلا بخشا ہے ۔وقت سے پہلے آنے والے بڑھاپے کو آ پ کے چہرے پر عیاں ہونےسے روکتا ہے وہ افراد جو اپنی جِلد کو شگفتہ ،ملائم اور شاداب رکھنا چاہتے ہیں ،معالج انھیں دہی کا ما سک لگانے کا مشورہ دیتے ہیں ۔اس کے علاوہ دہی میں کیلشئیم اور وٹامن بھی موجود ہوتی ہے ،جس سے جوڑوں کی بیماریاں ،خاص طور پر ہڈیوں کا بھُر بھُر ا پن (اوسٹیو پوروسز)دور ہوتا ہے ۔ دہی کو پابندی سے کھانے سے ہاضمے کا نظام درست رہتا ہے ،کیوں کہ اس میں صحت منداجزاء کی بڑی تعداد شامل ہوتی ہے ۔جاتا ہے ۔

انڈا

انڈے میں وٹامن ڈی اور بایوٹن(biotin) ہوتی ہے ،جوخود بھی وٹامن میں شمار ہوتی ہے ۔یہ انسانی جِلد کو کیل مہا سوں ، ریشز اور خشکی سے بچاتی ہے۔ اس کے علاوہ انڈا قوتِ مدافعت میں بھی اضافہ کرتا ہے۔ انڈا چوں کہ اینٹی اوکسیڈینٹ ہوتا ہے ،لہٰذا یہ کورنیا(cornea) کے سفید حصے میں پیدا ہونے والی خرابی کو دور کرتا اور موتیا سے بچاتا ہے ۔اس کے علاوہ انڈا آپ کو توانائی فراہم کرتا ہے ۔اس میں پروٹین بھی ہوتا ہے جو ہڈیوں اور عضلات کے لیے بے حد ضروری ہے ۔

The post پانچ ایسی غذائیں جو آپ کو خوبصورت بنائیں appeared first on ایچ ٹی وی اردو.