قیلولہ (دن کی نیند )بڑھائے آپ کی ذہنی صلاحیتوں کو
دوپہر کو کچھ دیر کے لیے اس بارے میں جانئے :ان 5 نیند کی مشقوں سے پائیں پرسکون نیند سونا یا قیلولہ کرنا آپ کی ذہنی صلاحیتوں کو ایک بار پھر بہتر بنانے میں مدد دیتا ہے اور آپ نے خود یہ بات نوٹ کی ہوگی کہ دن کے کھانے کے بات آ پ پر نیند اور غنودگی کا غلبہ طاری ہوجاتا ہےاور اس لئے کچھ وقت کے لئے سوجانا یا قیلولہ کرنا آپ کو تازگی فراہم کرتا ہے۔یہ بات حال ہی میں ہونے والی ایک طبی تحقیق میں سامنے آئی۔
اس تحقیق کے مطابق دوپہر کا وقت ایسا ہوتا ہے جب لوگوں کے لیے اپنے دفتری کام پر توجہ مرکوز کرنا مشکل ہوتا ہے جبکہ تخلیقی سوچ بھی زوال کا شکار ہورہی ہوتی ہے۔تو اس کا علاج دوپہر کو کچھ دیر کی نیند میں چھپا ہے۔ اس تحقیق میں یہ بات سامنے ّئی ہے کہ20 منٹ کا قیلولہ لوگوں کی مسائل حل کرنے کی صلاحیتوں کو بڑھاکر ذہنی تازگی فراہم کرتا ہے ۔واضح رہے کہ قیلولہ حضور اکرم صلی اللہ علیہ و آلہ وسلم کی سنت ہے جس کےاہمیت اب سائنس بھی تسلیم کررہی ہے۔
یہ بھی پڑھئے :ذہنی دباؤ کے انسانی جسم پر اثرات
تحقیق میں بتایا گیا کہ دوپہر کو کچھ دیر کی نیند ذیابیطس، امراض قلب اور ڈپریشن جیسی بیماریوں کا خطرہ بھی کم کرتی ہے خاص طور پر اگر آپ رات کو نیند پوری نہیں کرتے۔تحقیق کے مطابق اگر آپ بھی رات کو چھ سے سات گھنٹے کی نیند نہیں لے پاتے تو دوپہر کو بیس منٹ تک کی نیند کارکردگی میں نمایاں مثبت فرق کا باعث بن سکتی ہے۔
محققین کا کہنا تھا کہ دوپہر دو سے چار بجے کے دوران صرف بیس منٹ تک سونا ہی واضح فرق کا باعث بنتا ہے۔تاہم دوپہر کو کچھ دیر کے لئے سوناصحت (health) کے لیے اچھا ثابت ہوتا ہے مگر اس قیلولہ کا دورانیہ طویل ہونا دل کے مسائل اور ذیابیطس جیسے امراض کا باعث بن سکتا ہے۔
یہ انتباہ کچھ عرصے قبل امریکا میں ہونے والی ایک طبی تحقیق میں سامنے آیا۔اس تحقیق کے دوران 3 لاکھ سے زائد افراد کا جائزہ لے کر یہ نتیجہ نکالا گیا جو افراد دن میں ایک گھنٹے سے زیادہ دوپہر کی نیند لینے کے عادی ہوتے ہیں ان میں تھکاوٹ کا احساس بہت زیادہ بڑھ جاتا ہے جس کے باعث ذیابیطس کا خطرہ 50 فیصد تک بڑھ جاتا ہے۔
