خواتین وحضرات میں یکساں مقبول کافی سالہاسال سے لوگوں کی پسندیدہ ہے۔کافی ویسے تو پورے سال ہی استعمال میں رہتی ہے لیکن سردیوں میں اسکی اہمیت اور طلب میں مزید اضافہ ہوجاتاہے۔ذیل میں کافی بنانے کی چند منفرد ترکیبیں درج ہیں ہیں جو گھر پر آپکو مزیدار کافی بنانے میں مدد کریں گی۔

1۔ٹرکش کافی

ایک کپ پانی
ایک بڑا چمچ کافی
ایک چھوٹی الائچی
چینی
ایک ساس پین میں پانی اور چینی ڈال کر ابال لیں ۔
چولہے سے اتار کر کافی اور الائچی ڈال دیں ۔
پھر سے ساس پین چولہے پر رکھیں اور ابال آنے دیں ۔
جب جھاگ بننے لگے چولہے سے ہٹائیں۔
دو بار یہ عمل دہرائیں پھر کپ میں نکال کر گرم گرم پیش کریں۔

2۔ اسٹیمنگ موکا کوکوا

2کپ دودھ
2بڑے چمچ چینی
1بڑا چمچ کافی
1چھوٹا چمچ ونیلا ایکسٹریکٹ
ایک پین میں تمام اجزا ڈال کر پکائیں اور پیالیوں میں نکال لیں ۔

3۔ کریمی آئسڈ کیریمل کافی

4کپ کافی کا قہوہ ٹھنڈا
1کپ دودھ
1/4کپ کیریمل آئس کریم
3 کپ کرشڈ برف
1پیکٹ کریم
تمام اجزا کو بلینڈ کر لیں ۔ گلاس میں نکال کر تھوڑی کریم اوپر سے ڈال دیں ۔

4۔ فائر سائڈ کافی

1چمچ پسی دارچینی
1کپ ہاٹ چاکلیٹ مکس
1/2چھوٹا چمچ پسی جائفل
ڈیڑھ کپ کافی
2کپ کافی وائٹنر
ان تمام اجزا کو ملا کر ایک ایئر ٹائٹ جار میں پھر لیں ۔ ایک کپ گرم پانی میں اس مکسچر کے تین چھوٹے چمچ شامل کریں ۔

اس بارے میں جانئے : ہرا دھنیا:سستی اور صحت بخش سبزی

The post کافی بنانے کے منفردانداز appeared first on ایچ ٹی وی اردو.

ہر موسم کا اپنا لطف اور مزہ ہوتاہے موسم میں تبدیلی صرف درجہ حرارت میں ہی تبدیلی کا باعث نہیں بنتی بلکہ انسانی صحت پربھی اثر انداز ہوتی ہے۔ سردی کی آمد ٹھنڈ کے ساتھ نزلہ زکام بھی لاتی ہے اور ان سے بچنا ناممکن نہیں تو مشکل ضرور ہوجاتا ہے ۔

نزلے سے طبیعت بوجھل رہتی ہے جس کی وجہ سے کوئی کام کرنے کا دل نہیں چاہتا ہے ۔ ویسے بھی سردی میں طبیعت صحیح بھی ہو توہماری سرگرمیاں کافی کم ہوجاتی ہیں ۔ اپنی طبیعت کو برقراررکھنے یا جلدی صحت یاب ہونے کے لیے ہم دوائوں کے ساتھ ایسی غذاوَں کا بھی استعمال کرتے ہیں جو ہماری صحت کو برقرار رکھنے میں مدد دیں۔

طبی ماہرین نےسردیوں کی غذاؤں کے بارے میں چند غلط فہمیوں کو دور کرنے اور اس سے نبرد آزما ہونے کے لئے کچھ کارآمد اصلاح کی ہیں، جنھیں جاننے کے بعد ٹھنڈ اور زکام سے بچنے میں زیادہ مدد ملے گی۔

وٹامن سی سپلیمنٹ نزلے سے بچاسکتا ہے:

تحقیق سے پتا چلتا ہے کہ زکام سے بچنے کے لیے وٹامن سی کا استعمال نزلے کی مدت کو کم کرنے کے ساتھ اس کی شدت میں کمی بھی لاسکتا ہے ۔ تحقیق کے مطابق روزانہ ۲۰۰ ملی گرام وٹامن سی یعنی (تین درمیانے کینو) نزلے کی مدت کو ۸ فیصد تک کم کردیتے ہیں۔

جبکہ وٹامن سی سپلیمنٹ کا زیادہ استعمال نزلے کی علامات کو کم تو کردیتا ہے لیکن وٹامن سی کی یہ گولیاں نزلے سے بچا نہیں سکتی۔ اس لیے بہتر ہوگا کہ وٹامن سی سپلیمنٹ کے بجائے ایسی غذائیں استعمال کریں جن میں وٹامن سی وافر مقدار میں موجود ہے۔ یعنی سٹرس فروٹ ، شملہ مرچ بروکولی اور سیب وغیرہ کا استعمال اپنی غذاوں میں بڑھادیں۔

مزید جانئے :موسم سرما کےسات پھل اور ان کے حیرت انگیز فوائد

ڈیری پروڈکٹس نزلے کے لیے صحیح نہیں :

اکثر لوگ یہ سوچتے ہیں کہ سردی میں ڈیری پروڈکٹس کا استعمال خاص طور پر نزلہ زکام میں صحیح نہیں ہے ۔ لوگوں کی کثیر تعداد نزلے زکام میں دودھ اور اس سے بنی اشیاء کا استعمال بالکل ترک کردیتے ہیں اس ڈر سے کہ یہ چیزیں بلغم بنائیں گی تووہ دودھ اور دہی کے استعمال کے بجائے دوسری چیزوں کا استعمال کرتے ہیں ۔
جبکہ تحقیق سے یہ بات ثابت نہیں ہوسکی ہے۔ دودھ سے بنی اشیاء گاڑھی ہوتی ہیں جو منہ میں ایک تہہ سی بنادیتی ہیں جس سےمحسوس ہوتاہے کہ اس سے بلغم میں اضافہ ہوا ہے ۔ ٹھنڈے دودھ کا گلاس یا دہی گلے کی خراش میں آرام دینے کے ساتھ توانائی میں بھی اضافہ کرتی ہے۔

روزانہ ملٹی وٹامن کا استعمال قوت مدافعت کو بڑھاتا ہے:

ملٹی وٹامنز سپلیمنٹ یا دواوَں میں ہر طرح کے ملٹی وٹامنز اور منرلز ہوتے ہیں لیکن اس کے باوجو د یہ جسم کی وہ فائٹوکیمیکلز فراہم نہیں کرپاتے جو ہمیں غذا سے حاصل ہوسکتے ہیں ۔ مزید یہ کہ سپلیمنٹ اور اینٹی اوکسیڈنٹ کا بہت زیادہ استعمال فائدہ پہنچانے کے بجائے نقصان پہنچانے لگتا ہے۔

خاص طور پر کسی ایتھلیٹ یا کھلاڑی کی کارکردگی پر ضرور اثرانداز ہوتے ہیں ۔ قوت مدافعت بڑھانے کے لیے اپنی غذا پر توجہ دیجئے۔ اپنی غذا میں پھلوں اور سبزیوں کو شامل کیجئے۔سپلیمنٹ سے حاصل ہونے والی توانائی کے مقابلے میں آپ کی صحت کے لیے زیادہ مفید ثابت ہونگے۔

مزید جانئے :اپنے گھر کو سردیوں کے لئے تیارکریں

سردی میں زیادہ کھانے کی ضرورت ہوتی ہے:

جسم کو گرمی فراہم کرنے کے لیے سردی میں اپنی پسندیدہ غذائیں زیادہ شوق سے کھاتے ہیں جو جسم کو گرمائی دینے کے بجائے کئی کلو وزن بڑھادیتی ہیں۔ وزن میں یہ اضافہ وہائٹ فیٹس کی صورت میں ہوتا ہے جو ہمارے جسم کو گرم رکھنے میں بالکل کارآمد نہیں ہوتے ۔ جسم کو حرارت پہنچانے کے لیے براوَن فیٹس کی ضرورت ہوتی ہے۔
وہائٹ فیٹس توانائی جمع رکھتے ہیں جبکہ برائون فیٹس کیلوریز کو جلا کر جسم کو حرارت فراہم کرتے ہیں ۔ اس لیے سردی میں زیادہ کھانا فائدہ پہنچانے کے بجائے نقصان پہنچاجاتاہے۔

کم درجہ حرارت میں زیادہ پانی پینے کی ضرورت نہیں ہوتی :

موسم کوئی بھی ہو پانی ہمارے جسم کے لیے نہایت ضروری ہے ۔ یہ بات صحیح نہیں کہ صرف گرمی میں ہی پانی کی زیادہ ضرورت ہوتی ہے کیونکہ اس میں جسم سے پسینہ نکلتا ہے۔سردی میں درجہ حرارت کم ہونے کی وجہ سے جسم سے پسینہ تو نہیں نکلتا لیکن آپ کے جسم کو پانی کی اتنی ہی ضرورت ہوتی ہے جتنی گرمی میں ۔

کیونکہ سردی میں بھی سانس لینے کے ساتھ جسم کا پانی ضائع ہوتا ہے ۔ سردی میں پانی کا کم استعمال آپ کے موڈ اور یادداشت پر اثرانداز ہوتا ہے جبکہ جسمانی ورزش اور کام بھی کرنا مشکل لگتے ہیں۔

مزید جانئے :موسم سرما: بیماریوں سے بچنے کے6طریقے

گرم مشروب نزلے کو کم کریگا:

یہ بات صحیح ہے کہ چکن سوپ عام نزلے میں آرام پہنچاتا ہے ۔ اس کے علاوہ جسم کو نمی اور توانائی بھی فراہم کرتا ہے سوپ میں موجود اینٹی انفلیمیٹری خصوصیات سینے کے انفیکشن کو کم کرسکتی ہیں۔

سوپ سے جسم میں نیوٹروفلز ایگریگیشن کا عمل ہوتا ہے جو خون کے وہائٹ سیلز جمع کرکے قوت مدافعت کو بڑھاتا ہے اور انفیکشن کو تیزی سے ختم کرنے میں مدد دیتا ہے ۔
لیکن اس بات کی ابھی تک وضاحت نہیں ہوسکتی ہے کہ دوسرے گرم مشروبات یعنی چائے وغیرہ زکام اور نزلے میں اسی طرح مفیدہیں یا نہیں۔

The post سردیوں میں کھانے سے متعلق غلط فہمیاں appeared first on ایچ ٹی وی اردو.

ّسردیوں کا موسم جاری ہیں اور اس موسم کے لذیز پکوان سے بھی آپ لوگ بھر پور محظوظ ہورہے ہونگے۔ اس موسم کے خاص پکوانوں میں مچھلی بھی شامل ہیں جس کو خوب مزے مزے سے نوش کیا جارہا ہے۔لیکن سوچیں کہ آپ مچھلی سے لطف اندوز ہورہے ہو اور اچانک سے مچھلی کا کانٹا آپ کے حلق میں پھنس جائے پھر کیا ہوگا ؟
اگر آپ کو یہ تجربہ ہوچکا ہو تو جانتے ہوں گے کہ یہ کتنا تکلیف دہ احساس ہوتا ہے، اگر نہیں ہوا تو جان لیں کہ اس سے بدترین تجربہ کوئی اور نہیں ہو سکتا ۔
البتہ ابھی سے اس کی احتیاطی تدابیر جان لیجئے تاکہ مستقبل میں اگر کوئی صورتحال درپیش ہو ۔تو اسَ سے فورا چھٹکارا حاصل کیا جائے

زور سےکھانسیں

کانٹا پھنسنے کے فورا بعد کی صورتحال میں کھانسنے کا ہی خیال آتا ہے اور اس پر عمل بھی کرنا چاہیئے، کھانسی اس طرح کی صورتحال میں جسم کا پہلا حفاظتی حصار ہوتی ہے، اکثر کچھ منٹ تک کھانسنا اتنی ہوا اخراج کرنے کے لیے کافی ثابت ہوتا ہے جو کانٹے کو نکال پھینک سکتی ہے۔

زیتون کا تیل استعمال کریں

اگر کھانسی کانٹے نکالنے میں ناکام ہوجائے تو زیتون کا تیل ایک اچھا حل ثابت ہوسکتا ہے، یہ تیل فوری طور پر لعاب میں تحلیل نہیں ہوتالہذا یہ مچھلی کے کانٹے کو حلق کے نیچے گزارنے کے لیے اچھاطریقہ ثابت ہوتا ہے کیونکہ وہ کانٹے کو چکنا کرکے پھسلنے پر مجبور کرسکتا ہے۔

مزید جانئے :مچھلی کے تیل کے فوائد

ڈبل روٹی بھی فائدہ مند

خشک ڈبل روٹی کو دودھ یا گرم پانی میں معمولی سا ڈبوئیں اور پھر بلکل چھوٹی گیند کی شکل بنا کر نگل لیں۔ ایسا ہونے پر مچھلی کے کانٹے کو بھی اپنے ساتھ نگل سکتی ہے۔

سرکہ نوش کریں

پانی میں سرکے کے قطرے مکس کرکے پینا مچھلی کے پھنسے ہوئے کانٹے کی تکلیف سے نجات دلانے کے لیے کافی معاون ثابت ہوتا ہے۔ اس طرح کے کانٹے کافی نازک اور پتلے ہوتے ہیں اور سرکے میں موجود تیزابیت انہیں گھلانے کے لیے کافی معاون ثابت ہوتی ہے، تاہم اس طریقہ کار میں تکلیف سے نجات کے لیے وقت ذرا زیادہ لگ جاتا ہے۔

مارش میلو نوش فرمائیں

لوگوں کی بڑی تعداد اس کے فائدہ مند ہونے کی گواہی دیتے ہیں، بڑے سائز کا مارش میلو لیں اور منہ میں ڈال کر تھوڑا چبائیں،جب گھلنے اور چپکنے لگے تو نگل لیں۔ یہ چپکنے والی میٹھی اشیاء مچھلی کے کانٹے کو لے کر نگل جائے گی۔

مزید جانئے :مچھلی خریدتے وقت چند باتیں ذہن میں رکھیں

اگر تمام طریقہ کار آزمانے کے بعد بھی آرام نہیں ملا تو جلد سے جلد ڈاکٹر سے رجوع کریں۔ عام طور پر ڈاکٹر اس کانٹے کو بہت جلد اور بغیر تکلیف پہنچائے نکال دیتے ہیں، البتہ بعض سنگین کیسز میں ہی معمولی سرجری کی ضرورت پڑتی ہے۔ اسی طرح اگر کانٹا چھبنے پر منہ سے خون نکل رہا ہوں تو بنا کوئی تدبیر اپنائے ڈاکڑ سے رجوع کیجئے ۔

The post حلق میں پھنسا مچھلی کا کانٹا نکالنے کے طریقے appeared first on ایچ ٹی وی اردو.