natural beauty – ایچ ٹی وی اردو https://htv.com.pk/ur Fri, 25 Mar 2022 08:10:29 +0000 en-US hourly 1 https://htv.com.pk/ur/wp-content/uploads/2017/10/cropped-logo-2-32x32.png natural beauty – ایچ ٹی وی اردو https://htv.com.pk/ur 32 32 گرمیوں میں جلد کو صاف رکھنے کے قدرتی طریقے https://htv.com.pk/ur/beauty/summer-skin Wed, 19 Jun 2019 06:13:55 +0000 https://htv.com.pk/ur/?p=33298

ہمارے ملک میں گرمی کا موسم شدت اختیار کرتا جارہا ہے۔سورج کی تیز شعاعیں جلد کو جھلسا دیتی ہیں ۔آلودگی،گرم ہوائیں،اور ٹوکسن جلد کو نقصان پہنچاتے ہیں اور دھول اور مٹی جلد کے مسام بند کردیتی ہیں ۔لہٰذا جلد کو کافی دیکھ بھال کی ضرورت ہوتی ہے۔لیکن اس کے لئے ضروری نہیں کہ آپ بازار […]

The post گرمیوں میں جلد کو صاف رکھنے کے قدرتی طریقے appeared first on ایچ ٹی وی اردو.

]]>

ہمارے ملک میں گرمی کا موسم شدت اختیار کرتا جارہا ہے۔سورج کی تیز شعاعیں جلد کو جھلسا دیتی ہیں ۔آلودگی،گرم ہوائیں،اور ٹوکسن جلد کو نقصان پہنچاتے ہیں اور دھول اور مٹی جلد کے مسام بند کردیتی ہیں ۔لہٰذا جلد کو کافی دیکھ بھال کی ضرورت ہوتی ہے۔لیکن اس کے لئے ضروری نہیں کہ آپ بازار میں بکنے والی قیمتی بیوٹی پروڈکٹس کا استعمال کریں ۔یہ اشیاء مہنگی ہونے کے ساتھ آپ کی جلد کے لئے نقصان دہ بھی ہو سکتی ہیں ۔اس لئے گرمیوں میںاپنی جلد کوصاف رکھنے کے لئے قدرتی اشیاء کا استعمال کریں جو آپ کے گھر میں ہی موجود ہوتی ہیں ۔

جلد کو صاف رکھنے کے طریقے:

چہرہ بار بار دھوئیں:

چہرے سے پسینہ اور گر دصاف کرنے کے لئے دن میں کئی مرتبہ منہ دھوئیں۔دودھ میں روئی بھگو کر بھی چہرے کو اچھی طرح صاف کیا جاسکتا ہے۔دن میںباہر نکلتے وقت جلد کو الٹرا وائلٹ شعاعوں سے بچانے کے لئے ۳۰ سے زیادہ ایس پی ایف والا سن اسکرین استعمال کریں۔

ایکس فولیٹ کریں:

گرمیوں میں جلد کی چمک برقرار رکھنے کے لئے ہفتے میں دو مرتبہ ایکس فولیٹ کرنے کی ضرورت ہوتی ہے۔بیسن ،ملائی ،ہلدی اور لیموں ملا کر چہرے اور گردن پر گولائی میں ملیںاور دھولیں۔ایکنی والی جلد پرملتانی مٹی،عرق گلاب اور صندل کی لکڑی کا پائوڈر ملا کر لگائیں ۔پختہ عمر والی جلد پرصندل کی لکڑی کا پائوڈر،دہی اور ایک چٹکی ہلدی ملا کر لگائیں ۔

کلینزنگ کریں:

جلد کی حفاطت کے لئے کلینزنگ بھی ضروری ہے۔کلینزنگ کے لئے دہی اور شہد ملا کر ۱۰ منٹ کے لئے چہرے پر لگائیں ۔اور پھر دھولیں جلد صاف اور نکھر جائے گی۔جلد کی نمی برقرار رکھنے کے لئے اچھا موائسچرائزر استعمال کریں ۔چکنی جلد کے لئے جیل والا موائسچرائزر جبکہ نارمل جلد کے لئے پانی والا موائسچرائزر استعمال کریں۔


مزید جانئے :گرمیوں میں جلد کے عام مسائل

دھوپ سے جلنے والی جلد کے لئے:

تیز دھوپ جلد کو جھلسا دیتی ہے ۔دھوپ میں زیادہ رہنے والے لوگوں کے ساتھ یہ مسئلہ زیادہ ہوتا ہے ۔ایسی جلد کو صاف کرنے کے لئے ٹماٹر کا رس مفید ہے۔ٹماٹر اور لیموں ہر طرح کی جلد کے لئے مفید ہیں ۔اگر جلد بہت خشک ہے تو ان کے ساتھ صندل کی لکڑی کا پائوڈر ملا کر لگائیں ۔چکنی اور ایکنی والی جلد پر ملتانی مٹی ملا کر لگائیں ،جبکہ پختہ جلد پر دہی اور صندل کا پائوڈر ملا کر لگائیں۔۱۰ منٹ تک یہ پیسٹ چہرے پر لگا رہنے دیں اور پھر ٹھنڈے پانی سے دھولیں ۔دھوپ سے جھلسی ہوئی جلد کے نشان صاف کرنے کے لئے شہد اور لیموں ملا کر ۱۵ سے ۲۰ منٹ کے لئے لگائیں اور پھر دھو لیں ۔اس کے علاوہ کچے دودھ میں بیسن اور چند قطرے لیموں کا رس شامل کریں ۔یہ پیسٹ گولائی میں چہرے پر ملیں ۔جب یہ پیسٹ سوکھ جائے تو دھولیں ۔لیموں کا رس قدرتی بلیچ کا کام دیتا ہے اور رنگت نکھارتا ہے ۔لیکن اس کے بعد جلد خشک ہو جاتی ہے ۔اس لئے جلد پر لیموں کے استعمال کے بعد موائسچرائزر کا بار بار استعمال کرنا چاہئے۔

ایلوویرا کا استعمال کریں :

ایلو ویرا میں اینٹی انفلیمیٹری خصوصیات موجود ہیں ۔اس لئے جلد کی سوزش کو دور کرنے کے لئے ایلو ویرا کا استعمال بہترین ہے۔ایلوویرا جیل کیوبز کی شکل میں جما لیں ۔دھوپ میں سے واپس آکر جلد پر ایلوویرا کا کیوب ملیں اس کے علاوہ رات کے وقت بھی میک اپ کرنے سے پہلے یہ کیوب چہرے پر ملیں اس سے جلد تروتازہ اور چمکدار نظر آئے گی۔

جلد کو نرم وملائم بنانے کے لئے:

کیلے میں پوٹاشیئم،وٹامن ای اور سی اور قدرتی موائسچرائزر شامل ہے جو جلد کو نرم وملائم اور چمکدار بناتا ہے۔کیلے کو میش کرکے اس میں دودھ یا انڈے کی سفیدی ملاکر چہرے پر لگائیں ۔۲۰ منٹ تک لگا رہنے دیں پھر ٹھنڈے پانی سے دھولیں۔

اپنی غذا کا خیال رکھیں:

گرمی میں ہلکی غذا کھائیں ،ہری سبزیاں اور زیادہ پانی کی مقدار والے پھل جیسے تربوز اور خربوزہ کھائیں ۔چکنی،چٹ پٹی،نمکین اور تلی ہوئی چیزوں سے گریز کریں۔

ذیادہ پانی پیئیں:

دن میں ۸ سے ۱۰ گلاس پانی پیئیں ۔چائے ،کافی اور سوڈا ڈرنک کے بجائے تازہ پھلوں کا رس،ناریل کا پانی اور چھاج پیئیں ۔اگر سادہ پانی نہیں پیا جاتا تو اس میں اسٹرابیری اور سیب کے ٹکڑے ڈال لیں اس کے علاوہ پانی میںکھیرے اور لیموں کے ٹکڑے ،ادرک اور پودینہ ڈال کر رکھ لیں اور دن بھر پیتے رہیں ۔
گرمیوں میں جلد کی حفاظت کافی مشکل ہوتی ہے لیکن ان گھریلو ٹوٹکوں کے ساتھ آپ جلد کو صاف اور چمکدار رکھ سکتے ہیں ۔


مزید جانیں: یہ غذائیں کھائیں گنج پن اور کمزور بالوں سے جان چھڑائیں

The post گرمیوں میں جلد کو صاف رکھنے کے قدرتی طریقے appeared first on ایچ ٹی وی اردو.

]]>
نائٹ کریم سے بنائیں چہرے کو شاداب و حسین https://htv.com.pk/ur/lifestyle/night-creams Mon, 03 Dec 2018 07:15:09 +0000 https://htv.com.pk/ur/?p=29377 night creams

رات کو سونے سے پہلے استعمال کرنے والی کریموں night creams  کا استعمال بیوٹی آئٹمز میں سب سے کم جگہ پاتی ہے اور اس کا استعمال بھی دوسرے آئٹمز سے بہت کم کیا جاتا ہے۔ خواتین اس چیز کی اہمیت سے واقف نہیں ہے اسی لئے اس کو اہمیت نہیں دیتی ۔ تحقیق سے یہ […]

The post نائٹ کریم سے بنائیں چہرے کو شاداب و حسین appeared first on ایچ ٹی وی اردو.

]]>
night creams

رات کو سونے سے پہلے استعمال کرنے والی کریموں night creams  کا استعمال بیوٹی آئٹمز میں سب سے کم جگہ پاتی ہے اور اس کا استعمال بھی دوسرے آئٹمز سے بہت کم کیا جاتا ہے۔ خواتین اس چیز کی اہمیت سے واقف نہیں ہے اسی لئے اس کو اہمیت نہیں دیتی ۔ تحقیق سے یہ بات ثابت ہوئی ہے کہ رات کو سونے سے پہلے کریم کا استعمال جلد کو حسین و شاداب بناتا ہے اور جلد کے ڈیڈ سیلز کو کو دوبارہ سے زندہ کرکے تازگی فراہم کرتا ہے۔

لیکن مسئلہ یہ ہے کہ زیادہ تر نائٹ کریمز بہت مہنگی ہوتی جو ہر کوئی خریدنے کی سکت نہیں رکھتا اور جو دوسری کریمز ہوتی ہے ان کو مختلف کیمیکلز سے بنایاجاتا ہے جن کا زیادہ استعمال جلد کو نقصان پہنچا تا ہے۔

لیکن ان سب باتوں کا ہرگز یہ مطلب نہیں کہ آپ ان کریمز کا استعمال ہی نہ کریں ؟ تو پھر اس مسئلہ کا حل کیا ہے ؟

بہت سادہ سا اور آسان  سا حل ہے اس کا ۔ آپ یہ نائٹ کریمز گھر پر ہی بنا سکتی ہے اور اس کے استعمال سے فائدہ اٹھا سکتی ہے ۔ گھر پر آسانی سے یہ نائٹ کریمز بنا کر آپ آپ مطلوبہ فوائد حاصل کرسکتی ہیں۔ نائٹ کریمز بنانے کے آسان اور کارآمد طریقے :

زیتون کے تیل سے بنائے نائٹ کریم :

زیتون کا تیل قدرتی اجزا ء سے مالا مال تیل ہے اور یہ آپ کی جلد کو ہمیشہ ہائیڈ ریٹ رکھتاہے ۔ اس کو کس طرح آپ نائٹ کریم  میں استعمال کرسکتی ہے ؟ اس کا بہت آسان طریقہ ہے

ایک برتن میں تمام اجزاء کو ڈال کر اچھی طرح مکس کرلیجئے اس کو گرم کرکے اچھی طرح مکس کیجئے ۔ پھر ٹھنڈا کرنے کے بعد ایک شیشی میں بند کرکے رکھ لیجئے ۔ چہرے پر استعما ل کرتے وقت اس بات کا دھیان رہیں کہ چہرہ صاف اور سوکھا ہوا ہو۔ چند دن کے استعمال کے بعد ہی اس کے نتائج آپ اپنے چہرے پر محسوس کریں گے۔ اس کریم کو زیادہ گرم جگہ نہ رکھیں۔

مزید جانئے :بالوں کوگھناکرنے کے لئے تین آزمودہ گھریلوعلاج

سیب اورانگور کے بیچ سےبنے آئل کی نائٹ کریم :

یہ ایک بہترین نائٹ کریم ہے خاص کرخراب اور جھریوں والی اسکن کے لئے ، یہ آپ کے چہروں پر موجود بے رونقی کو ختم کر کے ایک تازگی فراہم کریں گی اور جلد کو صحت مند بنائے گی۔ نائٹ کریم بنانے کا طریقہ :

سیب کے ٹکڑے اور انگور کے بیچ کے تیل کو اچھی طرح مکس کرلیجئے ۔ جب یہ اچھی طرح مکس ہوجائے تو اس کو پتیلی میں ڈال کر اس میں جائفل ملا لیجئے اور ٹھنڈے ہونے کے بعد اس میں عرق گلاب اور شہد بھی ملا لیجئے ۔ پھر اس کو شیشے میں بھر کر ریفریجریٹر میں رکھ دیجئےاور سونے سے پہلے صاف اور سوکھی جلد پر لگا لیجئے اور سونے سے پہلے اس کو سوکھنے دیں اور صبح اٹھ کر صابن اور پانی سے منہ دھولیجئے ۔

مزید جانئے :میک اپ کے ان طریقوں سے کریں بڑھتی عمر کا مقابلہ

 

بادام کے تیل اور گلیسرین سے بنی نائٹ کریم :

گھر کےآسان نسخوںسےتیارشدہ یہ نائٹ کریم سردیوں میں بہت مفید ہے کیونکہ یہ جلد کو موئسچیرائزر فراہم کرے گی اور ساتھ ساتھ جلد کو سوکھنے سے بھی بچائے گی اور آپ کی جلد کو ہمیشہ تازہ رکھے گی۔ آپ اس کو گھر پر آسانی سے بنا سکتے ہیں۔

ایک پتیلی میں بادام اور کھوپرے کا تیل ڈال کر گرم کرلیجئے جب اچھی طرح گرم ہوجائے تو اس میں عرق گلاب اور گلیسرین شامل کرلیجئے۔ پھر ٹھنڈے ہونے کے بعد اسے چھان لیجئے اور ایک شیشی میں بھر لیجئے۔ اس کو متوزان درجہ حرارت کے مقام پر رکھیئے اور روزانہ رات کو سونے سے پہلے استعمال کیجئے کچھ دنوں بعد تبدیلی آپ کے چہرے پر عیاں ہوگی۔

تو پھر آپ ان میں سے کون سی نائٹ کریم استعمال کرنے جارہے ہیں اور یہ کتنی فائدہ مند ثابت ہوئی ہے آپ کے لئے ، ھمیں ضرور آگاہ کریں ۔

تحریر : سحرش قاضی


The post نائٹ کریم سے بنائیں چہرے کو شاداب و حسین appeared first on ایچ ٹی وی اردو.

]]>
معروف پلاسٹک سرجن ڈاکٹر فہد مرزا بوٹوکس ٹریٹمنٹ کے بارے میں کیا کہتے ہیں https://htv.com.pk/ur/beauty/pinched-perfect-botox Mon, 21 May 2018 07:24:13 +0000 https://htv.com.pk/ur/?p=28159 Fahad Mirza on Botox

 یہ سچ ہے کہ پلاسٹک سرجری کا نام سنتے ہی آپ کے ذہن میں ہا لی وڈ میں مقبول ڈک پائوٹ(ہونٹوں کی بناوٹ)سپاٹ ماتھا اور باربی جیسا جسم آجاتا ہے۔لیکن اب کاسمیٹک سرجری کے شعبے سے تعلق رکھنے والے ماہرین نے قدرتی طریقوں یعنی کے نیچرل بیوٹی پر بات کرنی شرو ع کردی ہے ۔ […]

The post معروف پلاسٹک سرجن ڈاکٹر فہد مرزا بوٹوکس ٹریٹمنٹ کے بارے میں کیا کہتے ہیں appeared first on ایچ ٹی وی اردو.

]]>
Fahad Mirza on Botox

 یہ سچ ہے کہ پلاسٹک سرجری کا نام سنتے ہی آپ کے ذہن میں ہا لی وڈ میں مقبول ڈک پائوٹ(ہونٹوں کی بناوٹ)سپاٹ ماتھا اور باربی جیسا جسم آجاتا ہے۔لیکن اب کاسمیٹک سرجری کے شعبے سے تعلق رکھنے والے ماہرین نے قدرتی طریقوں یعنی کے نیچرل بیوٹی پر بات کرنی شرو ع کردی ہے ۔
فیشن کی دنیا میں اہمیت کی حامل ہونے کے باوجود کاسمیٹک سرجری کو اکثر تنقید کا نشانہ بنایا جاتا ہے ، خاص طور سے اس موقع پر جب سرجری کرانے کے فنکاروں اور ماڈلز وغیرہ کے چہرے پہچان میں بھی نہیں آتے، جوکہ کافی حد تک درست بھی ہے ۔

 ڈاکٹر مرزا ضیاء الدین میڈیکل یونیور سٹی کے کنسلٹنٹ پلاسٹک سرجن ہیں جو اس شعبے میں اپنی خدمات انجام دے رہے ہیں ۔یہی نہیں بلکہ آپ ایک ماڈل اوراداکار کی حیثیت سے بھی کافی مشہور ہیں ۔ ڈاکٹر مرزا (جو اپنا 99 فیصد وقت اپنے میڈیکل شعبے کو دیتے ہیں) اس بات پر یقین رکھتے ہیں کہ خوبصورتی ایک حقیقت ہے جس سے کوئی انحراف نہیں کرسکتا ۔

خوبصورتی دیکھنے والے کی نظر میں ہوتی ہے

سائنسی شواہد سے پتا چلتا ہے کہ خوبصورتی کے بارے میں ہمارے مشاہدے کا ہمارے اندرونی احساسات سے گہرا تعلق ہے اور اس کا انحصار اس بات پر ہے کہ کسی کا چہرہ ہماری دیکھنے اور جاننے کی صلاحیت کو کس طرح متاثر کرتا ہے۔خوبصورتی کا ریشو جسے گولڈن ریشو بھی کہتے ہیں وہ 1.618ہے۔ اس ریشو میں جو بھی چہرہ فٹ بیٹھے گا آنکھوں کو اچھا لگے گا۔

ڈاکٹر فہد مرزا اس بات پر زور دیتے ہوئے کہتے ہیں کہ سائنسی تحقیق اس بات کو ثابت کرتی ہے کہ خوبصورتی پر کسی خاص نسل یارنگ کی اجارہ داری نہیں ۔ـ’اس بات سے بالکل قطع نظر کہ آپ کون ہیں انسانی ذہن ایک سیکنڈ کے دسویں حصے میں اس بات کا فیصلہ کر لیتا ہے کہ جو چہرہ آپ دیکھ رہے ہیں وہ خوبصورت ہے یا نہیں۔اس کا دارومدارڈیوائن ریشو یا گولڈن ریشو (1.618) پر ہے جو کہ انسانی آنکھ کو سب سے زیادہ خوبصورت لگتا ہے ۔‘

اگر آپ اجازت دیں تو میں یہ بات برملا کہنا چاہوں گی کہ آپ کے پیشے کو اکثر تنقید کا نشانہ بنایا جاتا رہا ہے ۔ حامیوں کا کہنا ہے کہ آپ لوگوں کی خوبصورت دکھنے کی خواہش کو پورا کرنے میں مدد کرتے ہیں جب کہ مخالفین کا کہنا ہے کہ اس طرح سے آپ نے خوبصورت کا ایک مخصوص معیار سیٹ کردیا ہے۔ آپ کیا کہتے ہیں؟ :

’دیکھئے بوڑھا ہونا تو ہمارے ہاتھ میں نہیں لیکن بوڑھا دکھنا نہ دکھنا ہمارے اختیار میں ضرور ہے۔اگر کوئی عمل آپ کی اصل عمر میں سے5 سے 10 سال کم کرنے میں مدد دے تو اسمیں کیا مذائقہ ہے؟میں اس کی حمایت نہیں کرتا لیکن یہ تو معاشرے کا معیار ہے جو اس پرپورا نہ اترے لوگ اُس پر تنقید کرنے لگتے ہیں۔اگر ہم کسی شخص کو اس کی احساس ِکمتری سے باہر نکالنے میں مدد کرتے ہیں تو اس میںکوئی حرج نہیں۔ـ‘

بوٹوکس اور فلرزکے بارے میں کونسی باتیں جاننا ضروری ہیں؟

عمر کے بڑھنے کے ساتھ آپ کی جلد پتلی اور کمزورہوتی جاتی ہے۔جس طرح کپڑا بنانے کے لئے دھاگے کا تانہ بانہ بنا جاتا ہے اسی طر ح کولاجن اور ایلاسٹن ہماری جلد کو تشکیل دیتے ہیں۔عمر بڑھنے کے ساتھ ان دونوں چیزوں میں کمی جلد کو ڈھیلا اور کمزور بنادیتی ہے ۔ جس سے کھال لٹک جاتی ہےلیکن آپ کے چہرے کے مسلز مضبوط رہتے ہیں۔

مسلز میں کھنچاؤ کے نتیجے میںماتھے پر لکیریں پڑنا شروع ہو جاتی ہیں۔ بوٹوکس ان پٹھوں کو کمزور کرکے جلد کو ہموار اور بیلنس بناتا ہے۔ جن مسلز میں انجیکشن لگتا ہے وہ مزید نہیں سکڑتے جس کی وجہ سے جھریاں یا لکیریں نرم پڑ جاتی ہیں ۔یہ اینٹی ایجنگ بھی کہلاتا ہے کیوں کہ وقت کے ساتھ یہ لکیریں جلد پر مستقل طور پر بن جاتی ہیں بالکل اسی طرح جیسے آپ کی ہتھیلی کی لکیریں ہوتی ہیں۔’ 45 سال کی عمر کے بعد بوٹوکس کا استعمال کرلینا اچھا ہے کیونکہ اس میںاینٹی ایجنگ خصوصیات موجود ہوتی ہیں۔ اسی وجہ سے اسے بے بی بوٹولس بھی کہا جاتا ہےجو جلد کے مسلز کو معمولی نقصان پہنچا کر اس کی لچک کو قائم رکھتا ہے۔یہ انجیکشنز آپ کو ایسی قدرتی خوبصورتی فراہم کرتے ہیں جس کی امید بوٹوکس سے عموماً نہیں کی جاتی ۔’
ایک عام غلط فہمی یہ ہے کہ چہرہ جتنا پتلا ہوگا اتنا ہی جوان دکھے گا۔جبکہ حقیقت یہ ہے کہ چہرہ جتنا بھرا ہوا ہوگا اتنا ہی جوان نظر آئے گا ۔ عمر بڑھنے کے ساتھ جب چہرے کے فیٹس کم ہونا شروع ہوجاتے ہیں تو آپ کے چہرے پر تھکن کے آثار نمایاں ہونے لگتے ہیں ۔ـ”آپ بہ آسانی دیکھ سکتے ہیں کے آپ کی آنکھ کا نچلا پپوٹہ کہاں ختم ہورہا ہے اور گال کہاں سے شروع ہورہے ہیں۔ یہ والیوم کی کمی کی وجہ سے ہوتا ہے۔ فلرز جو ہائیلورونک ایسڈ سے بنتا ہے والیوم کی اس کمی کو دور کرتا ہے اور جلد کو تازگی فراہم کرتا ہے۔اس کے اثرات کتنے عرصے تک قائم رہتے ہیں اس کا دارومدار مختلف عوامل پر ہوتا ہے لیکن یہ عرصہ چھ ماہ سے ایک سال یا 18ماہ تک ہو سکتا ہے۔’
ڈاکٹر فہد اس کی مزید وضاحت کرتے ہوئے کہتے ہیں کہ فلرز کے سنگین سائڈ افیکٹس ہوتے ہیں۔اگر یہ انجیکشن نسوں میں لگایا جائے تو اندھا پن یا موت بھی واقع ہو سکتی ہے۔یہ ہدایت بھی دی جاتی ہے کہ بوٹوکس انجیکشن لگوانے کے بعد کم ازکم 4گھنٹے سیدھا بیٹھا جائے۔ لیٹنا، بھاگنا یا اچھل کود کرنا منع ہوتا ہے۔ یہ دوا جسم میں داخل کرنے کے بعد ایک خوراک اینٹی  بائیوٹک کی بھی دی جاتی ہے۔

پلاسٹک سرجری کا عمل :

آپ کے خیال میں یہ عمل کس عمر میں کرانا مناسب ہے؟

’یہ بات تو طے ہے کہ میں 18 سال سے کم عمر مریض، جو جلد کو خوبصورت بنانے کا کوئی عمل کرانا چاہتے ہوں، کا علاج نہیں کرتا ۔ چہرے میں کسی بھی قسم کی تبدیلی کرانے کے خواہش مند افراد جن کی عمر 21سال سے کم ہو ، ایسے مریضوں کو بھی میں نہیں دیکھتا کیوںکہ ان کے چہرے کی بناوٹ ابھی بھی تبدیل ہورہی ہوتی ہے۔‘اُن کے خیال میں30یا اس سے زیادہ عمر کے وہ لوگ اس عمل کے لئے موضوع ہیں جو اس سے پوری طرح واقف ہیں اور اپنے اندر بہتری لانے کے خواہش مند ہیں ۔

مزید جانئے: بڑی عمر میں ایکنی سے نجات حاصل کرنے کے 5 حل

مرد اور عورتوں میں چاہے وہ خاص شخصیات ہوں یا عام لوگ، یہ ٹریٹمنٹ کرانے کا کیا تناسب ہے؟

جوان نظر آنے کے لئے عورتوں کا اس طرف زیادہ جھکاؤ ہوتا ہے ۔اس عمل کو کروانے والے 10میں سے9مریض خواتین ہوتی ہیں۔ مرد زیادہ تر بالوں کے پتلا ہونے کی وجہ سے رابطہ کرتے ہیں جس کا علاج کامیابی سے کیا جاتا ہے۔ یہ بات حیرت انگیز ہے کہ ہماری میڈیا انڈسٹری کے لو گ یہ ٹریٹمنٹ کرانے سے بالکل نہیں شرماتے۔’مرد حضرات اپنی تھوڑی،ناک اور جبڑوں کی ہڈی کو بڑھانے کے لئے فلرز کا انتخاب کرتے ہیں کیونکہ ان کے کام میں سب سے زیادہ فوقیت شکل صورت کو دی جاتی ہے۔گلیمر کی دنیا میں یہ تناسب مردوں میں40  فیصد اور خواتین میں 60 فیصد ہے۔‘

کرداشیان کو کم اور میگھن مارکل کو زیادہ ذہن میں لائیں :

فنکاری میں چہرے کے تاثرات کا اظہار نہایت ضروری ہوتا ہے ۔جبکہ ہمیں زیادہ تعداد میں ایسے اداکار دیکھنے کو ملتے ہیں جن کے چہرے بالکل سپاٹ ہوتے ہیں کیونکہ یہ لوگ خوبصورت دکھائی دینے یا جھریوں اور لکیروں کو چھپانے کی خواہش میں یہ ٹریٹمنٹ کراچکے ہیں۔فن کی اس گہرائی کو آپ کس طرح دیکھتے ہیں ؟یہاں تک کہ اداکارہ نکول کڈمین نے بوٹوکس کو چھوڑنے کے بعدایک بار اس کے بارے میں کہا ،’ میں اب اس کا استعمال نہیں کرتی لہٰذا اب میں اپنے ماتھے کو دوبارہ حرکت دے سکتی ہوں۔‘

مزید جانئے :وٹامنزمیں چھپے صحت کے راز

یہ حقیقت ہے کہ بوٹوکس مسلز کو مفلوج کر دیتا ہے۔ اگر آپ نے ان مسائل کا ایک ہی حل نکال لیا ہے تو آپ کو جذبات سے عاری چہرہ بھی قبول کرنا پڑے گا۔آپ کی جھریاں تو ختم ہو جائیںگی لیکن ساتھ ہی آپ چہرے کے تاثرات کا اظہار بھی نہیں کرسکیں گے۔’اچھے معالج جن میںمیں بھی شامل ہوں مریض کی صلاحیت اور جنس کے لحاظ سے دوا کی صحیح مقدار کا تعین کرتے ہیں۔ یہی وجہ ہے کہ ہم بے بی بوٹوکس کا مشورہ دیتے ہیںجو دونوں طرح مفید ہے ،جھریوں سے پاک چہرہ اور تاثرات کے اظہار میں تھوڑا سا سمجھوتہ۔‘

ان تمام جدتوں اور معلومات کے باوجودہمیں یہ کیوں لگتا ہے کہ یہ کام ناصرف ہمارے ملک میں بلکہ دنیا بھر میں نا پسندیدہ ہے ؟
اس کا حل یہ ہے کہ خوبصورتی کو نارمل سمجھا جائے۔وہ اس کی وضاحت اس طرح کرتے ہیں کہ آپ نیا چہرہ نہیں بنا سکتے ؛آپ صرف ان نقوش کو خوبصورت بنا سکتے ہیں۔ایک تجربہ کارتربیت یافتہ ڈاکٹر کو باکمال نظر کی بھی ضرورت ہوتی ہے تاکہ وہ خوبصورت بنانے کے اس کام کو مہارت کے ساتھ انجام دے سکے۔کیونکہ یہ کام چہرے کی تراش خراش سے ملتا جلتا ہوتا ہے۔

فوٹو شاپ سے بہتر :

چلیں ہم بات کرتے ہیں جون میئر کی ،ا س کاووکل کورڈجب خراب ہوگیاتو دوبارہ گانے کے لئے اس نے دو چیزوں کا سہارا لیا ایک سرجری اور دوسرا بٹکس انجیکشن۔ماہرین ایک سے زیادہ طریقوں کے ذریعے ٹوکسن کا استعمال کرنا جانتے ہیں ۔کیا ان کے استعمال کے بارے میں پاکستان میں بھی یہ معلومات عام ہے؟

یہ کوئی چھپی ہوئی بات نہیں کہ بوٹوکس کا طریقہ کار عارضی طور پر مسلز کو مفلوج کرکے جھریوں کا خاتمہ کر دیتا ہے۔ماہرین اب مائیگرین،ڈپریشن اور سیریبرل پالسے کے اثرات کو ختم کرنے کے لئے بھی اس پر پورا بھروسہ کرتے ہیں۔البتہ یہ ایک خطرناک دوا ہے جو موت کا باعث بھی بن سکتی ہے۔اگریہ انجیکشن خون میں شامل ہو جائے تو سانس لینے والے مسلز کو مفلوج کر سکتا ہے لہٰذا صرف ایک مخصوص مقدارماہرین کی زیر نگرانی دینے کی ہدایت کی جاتی ہے۔اب دنیا میں ان نون کاسمیٹک طریقوں کو اپنایا جارہا ہے۔

خود نمائی کا شوق اوردیوانگی :

کیا کبھی کوئی ایسی صورت حال بھی پیش آئی ہے کہ آپ نے کسی مریض کو کسی وجہ سے انکار کیا ہو؟

میں کسی مریض کو علاج کے لئے انکار تو نہیں کرسکتا لیکن اس علاج کے لئے اس کے حوصلے کے بارے میں جاننا نہایت ضروری ہے۔ کیونکہ میں مریض کو اپنے اندر خود بہتری لانے پر آمادہ کرتا ہوں ۔عرصہ دراز سے لوگ یہ سمجھتے آرہے ہیں کہ یہ طریقہ کار ان کی ازدواجی زندگی کو محفوظ رکھنے یا دوسروں کومتاثرکرنے میں کارآمد رہے گا لیکن ایسے مریضوں کے بارے میں جاننا ضروری ہوتا ہے جو اپنی ظاہری شکل وصورت میں بہتری نہیں لانا چاہتے اور نفسیاتی مسائل کا شکار ہوتے ہیں لہٰذا ایسے لوگوں کا علاج کرکے میں ان کے مسائل کو بڑھانا نہیں چاہتا۔ اس لئے اس طرح کے بہت سے مریضوں کو میں انکار کرچکا ہوں ۔

آپ کا پیغام ایسے نو عمر افراد کے لئے جو اپنے لئے خوبصورتی کے غیر حقیقی اور مضرِصحت معیار سیٹ کر لیتے ہیں

یہ صحیح نہیں ہوگا کہ میں اس بات کا درس دوں جس پر میں خود عمل نہیں کرتا یہ میرا روزانہ کا کام ہے۔میرا تعلق ایسے شعبے سے ہے جہاں خوبصورت دکھنا ضروری ہے۔ڈاکٹرمرزا اچھی جلد کے لئے ان لوگوں کو جم جانے،اور زیادہ پانی پینے کا مشورہ دیتے ہیں ساتھ ہی سن بلاک اور نائٹ کریموں کے استعمال پر بھی زور دیتے ہیں۔یہ ضروری ہے کہ جو کچھ آپ کو قدرت نے عطا کیا ہے آپ اس کی حفاظت کریں۔کاسمیٹکس پروسیجر کا استعمال اس صورت میں کیا جائے جبکہ مقصد چہرے کو بالکل بدل دینے کے بجائے تحفظ فراہم کرنا ہو۔اگر آپ مسئلے کا شکار ہیں تو اس کو حل کریں لیکن اسے مقابلے کے طور پر نہ اپنائیں۔

یہ آرٹیکل انگریزی میں پڑھنے کے لئے کلک کریں

ترجمہ : سعدیہ اویس

The post معروف پلاسٹک سرجن ڈاکٹر فہد مرزا بوٹوکس ٹریٹمنٹ کے بارے میں کیا کہتے ہیں appeared first on ایچ ٹی وی اردو.

]]>