خوبصورت نظرآنا ہر عورت اور لڑکی کی خواہش ہوتی ہے۔وہ اپنی خوبصورتی سے سب کو متاثر کرنا چاہتی ہیں۔بہت سے چہرے ایسے ہوتے ہیں جنھیں ایک بار دیکھ لو تو نظر ہٹانے کا دل ہی نہیں چاہتا ۔ ایسی ہی خوبصورت نظر آنے کے لئے آپ بھی چند باتوں کو اپنے روٹین میں شامل کرلیں تو کوئی بھی آپ سے متاثر ہوئے بغیر نہیں رہ پائے گا۔

ابٹن لگائیں :

بازار کی مہنگی اور کیمیکل والی بیوٹی پروڈکٹس جلد کو خوبصورت بنانے کے بجائے الٹا نقصان پہنچاتی ہیں ۔جلد کو خوبصورت بنانے کے لئے ابٹن کا استعمال کریں یہ ابٹن بھی آپ گھر پر تیار کریں کیونکہ بازار کے بنے ابٹن میں بلیچ کا استعمال کیا جاتا ہے جو جلد کے لئے نقصان دہ ہے۔گھر پر ابٹن تیار کرنے کے لئے بیسن،دودھ اور ہلدی کو ملا کر پیسٹ بنائیں اور چہرے پر لگائیں ۔جلد کو نمی پہنچانے کے لئے دہی کا استعمال بھی کیا جاسکتا ہے۔اس کے علاوہ کھیرے کا جوس بھی فیس ماسک کے طور پر لگایا جاسکتا ہے۔

مزید جانئے :گرمیوں میں جلد کے عام مسائل

زیادہ پانی پیئیں :

جلد میں موجود نمی چہرے پر ظاہر ہوکر اسے قدرتی چمک عطا کرتی ہے۔ جلد کو چمکدار بنانے کے لئے زیادہ سے زیادہ پانی پیئیں ۔یہ حقیقت ہے کہ جلد کی خوبصورتی کا راز زیادہ پانی پینے میں ہے کیونکہ آپ جتنا زیادہ پانی پیئیں گے آپ کا جسم اتنا ہی زیادہ ٹوکسن خارج کرے گا اور آپ کی جلد جوان اور چمکدار نظر آئے گی۔

غذا :

اگر خوبصورت نظر آنا ہے تو اپنے لئے جنک فوڈ کے بجائے متوازن غذا کا انتخاب کریں ۔تلی ہوئی چٹ پٹی چیزوں کے جلد پر مضر اثرات رونماء ہوتے ہیں جن کے نتیجے میں چہرے پر دانے نکل آتے ہیں ۔اگر آپ واقعی خوبصورت نظر آنا چاہتی ہیں تو زیادہ تر ابلی ہوئی غذالیں اور تلی ہوئی یا زیادہ چکنائی والی چیزوں سے گریز کریں۔دن میں تین مرتبہ خوب پیٹ بھر کر کھانے کے بجائے، کئی مرتبہ تھورا تھوڑا کھائیں ۔

فٹ رہیں :

فٹ رہنے کے لئے جم جوائن کرنا ضروری نہیں۔آپ گھر میں رہتے ہوئے بھی فٹ رہ سکتی ہیں اس کے لئے روزانہ واک کریں اور یوگا کی ورزشیں بھی کریں ۔اچھی غذا اور ورزش دونوں مل کر آپ کی جلد کو چمکدار اور صحت مند بنادیں گی۔

گلابی رنگت کے لئے:

یہ تمام چیزیں مل کر آپ کی رنگت کو سرخ وسفید بنانے میں مدد دیں گی لیکن اس کے علاوہ اگر آپ چاہتی ہیں کہ یہ گلابی رنگ مزید واضح ہو جائے تو اپنے چہرے پر بالکل ہلکا گلابی میک اپ کریں۔بیوٹی پروڈکٹس میں پنک اور پیچ کلر کے شیڈز کا انتخاب کریں ۔ان کے استعمال سے آپ کی جلد اور بھی زیادہ صحت مند اور خوبصورت نظر آئے گی۔</p

مزید جانیں: یہ غذائیں کھائیں گنج پن اور کمزور بالوں سے جان چھڑائیں

The post خوبصورت نظر آنے کے راز آپ بھی جانئے: appeared first on ایچ ٹی وی اردو.

جیسے جیسے نیا سال قریب آرہا ہے تقریبات کا زوربڑھتاجارہا ہے۔لیکن مسئلہ یہ ہے کہ اس وقت آپ کی جلد بھی کافی متاثر ہوتی ہے اور اتنی تازہ نہیں نظر آتی جتنا کہ اسے ہونا چاہئے۔
اچھی خبر یہ ہے کہ تھکی ہوئی خشک اور بد رونق جلد کا علاج آپ کے کچن میں موجود ہے۔ہم نے کچن سے وہ تمام چیزیں کھوج نکالی ہیں جو آپ کے چہرے کی کھوئی ہوئی چمک،چکنائی اور لچک واپس لے آئیں گی۔200روپے سے بھی کم خرچ میں یہ ماسک آپ کی جلد کی کھوئی ہوئی چمک واپس لے آئیں گے۔

ٹماٹر اور شہد کا کلینزر:

شہد ۲ کھانے کے چمچ
ایک ٹماٹر کا چورا
لیموں کا رس ۱ کھانے کا چمچ

شہد، ٹماٹر اور لیموں کا رس اچھی طرح مکس کرلیں۔یہ پیسٹ جلد کو صاف کرنے کے لئے بہترین کلینزرہے۔اس کے علاوہ لیموں اور ٹماٹر جلد کی رنگت صاف کرکے اسے چمکدار بناتے ہیں ۔صرف دس منٹ کے لئے چہرے پر لگائیں ،پھر دھو کر ہلکے سے صاف کرلیں۔

بادام کا اسکرب:

مٹھی بھر بادام
باداموں کو بھگونے کے لئے دودھ

اس کو تیار کرنے میں تھوڑا وقت درکار ہوتا ہے۔باداموں کو رات بھر کے لئے دودھ میں بھگو دیں۔صبح تک بادام نرم ہو جائیں ۔باداموں کو دودھ سے نکال کرباریک پیس لیں ۔اس پیسٹ کو چہرے پر لگا کر آہستہ آہستہ مساج کریں اور پھر دس منٹ کے لئے لگا رہنے دیں۔اب ٹھنڈے پانی سے دھو لیں ۔آپ کا چہرہ اسکرب ہوکر صاف ہوجائے گا۔

اس بارے میں جانئے : سردیوں میں چکنی جلد کی حفاظت کے طریقے

جئی اور دہی کا فیس ماسک:

باریک پسا ہوا جئی ایک کھانے کا چمچ
دہی ایک کھانے کا چمچ
چند قطرے شہد

پسے ہوئے جئی میں دہی شامل کریں ۔شہد کو مائیکرو ویو میں ہلکا سا گرم کرلیںاور اس مکسچر میں ملا لیں۔مکسچر کو چہرے پر لگائیںاور ۱۰ منٹ کے لئے لگا رہنے دیں ۔نیم گرم پانی سے چہرے کو گولائی میں ملتے ہوئے دھو لیں ۔یہ فیس ماسک جلد کو صاف اور تازہ دم کردیگا۔

کیلے کا فیس ماسک:

آدھا کیلا (میش کیا ہوا)
ایک انڈے کی سفیدی
ایک کھانے کا چمچ دہی

آدھا کیلا میش کرلیں ،انڈے کی سفیدی اور دہی کے ساتھ ملا کر لگائیں ۔۱۵ منٹ کے لئے چہرے پر لگا رہنے دیں پھر ہلکے ہاتھ سے مل کر دھولیں ۔

مزید جانئے : پانچ ایسی غذائیں جو آپ کو خوبصورت بنائیں

شہد اور لیموں کا فیس ماسک:

لیموں کا رس ۲ کھانے کے چمچ
شہد۲ کھانے کے چمچ

دونوں چیزوں کو ملا کر چہرے پر لگا لیں ۔آدھے گھنٹے کے لئے لگا رہنے دیں پھر ٹھنڈے پانی سے دھو لیں ۔چہرے کو فوری چمک دینے والا فیس ماسک ہے جو آپ کو بے حد پسند آئے گا لیکن اس فیس ماسک کو ۱۵ دن میں صرف ایک مرتبہ لگائیں۔

کھیرے اور تربوز کا ماسک:

دہی ایک کھانے کا چمچ
کھیرے کا رس ۲ کھانے کے چمچ
خشک دودھ ایک کھانے کا چمچ
تربوز کا رس ۲ کھانے کے چمچ

تمام چیزوں کو اچھی طرح مکس کرلیں ۔چہرے پر لگا کر چھوڑ دیں جب پوری طرح خشک ہوجائے تو دھو لیں۔تربوز اور کھیرا جلد کے دھبے صاف کریں گے جبکہ دودھ تمام اجزاء کو اکھٹا کرکے جلد کی صفائی کرتا ہے۔

دودھ کا فیس ماسک:

دودھ۳ کھانے کے چمچ
لیموں کا رس ایک کھانے کا چمچ
ہلدی ایک چٹکی

سب چیزوں کو ملا کر پیسٹ بنالیں۔چہرے پر لگا کر سوکھنے کے لئے چھوڑ دیں۔ٹھنڈے پانی سے دھو کر ہلکا سا خشک کرلیں ۔جلد کو چمکدار اور صحت مند بنانے کا تیز ترین طریقہ ہے۔

کریم اور زعفران کا فیس ماسک:

ملک کریم ۲ کھانے کے چمچ
زعفران چند تنکے

زعفران کو کریم میں ملا کر رات بھر کے لئے چھوڑ دیں۔چہرے پر لگانے سے پہلے اسے اچھی طرح مکس کرلیں۔چہرے پر لگا کر ۱۵ منٹ کے لئے لگا رہنے دیں۔دھلے ہوئے کپڑے سے صاف کرلیں۔پاکستان اور انڈیا میں زعفران کو خوبصورتی بڑھانے والی اشیاء میں شمار کیا جاتا ہے،اور یہ فیس ماسک خوبصورتی بڑھانے کا بہترین ذریعہ ہے۔

یہ بھی پڑھیں : اسکن کے پانچ مسائل جوگرمیوں میں بڑھ جاتے ہیں

بریڈ کرمبز پیک:

بریڈ کرمبز ایک مٹھی
کریم آدھا کپ

یہ فیس ماسک جلد کو نرم وملائم بنانے کے ساتھ قدرتی چمک بھی بخشتا ہے۔بریڈ کرمبز اور کریم کو اچھی طرح مکس کرکے ۵ منٹ کے لئے ایک طرف رکھ دیں۔چہر ے پر یہ ماسک لگا لیں اور پندرہ منٹ کے لئے ریلیکس ہو کر بیٹھ جائیں ۔نیم گرم پانی میں صاف کپڑا بھگو کر صاف کرلیں یا نیم گرم پانی سے دھو لیں۔۱۵ منٹ میں ہی آپ کی جلد نرم وملائم اور خوبصورت ہو جائے گی۔

آلو اور لیموں کا فیس ماسک:

آلو کا رس ۲ کھانے کے چمچ
لیموں کا رس۲ کھانے کے چمچ

دونوں اجزاء کو ملا کر چہرے اور گردن پر لگائیں۔جو حصے دھوپ میں رہتے ہیں انھیں اس مکسچر سے اچھی طرح ڈھانپ لیں ،۱۵ منٹ کے لئے لگا رہنے دیں پھر دھولیں ۔

 اس آرٹیکل کو انگریزی میں پڑھنے کے لئے کلک کیجئے

The post قیمتی فیس ماسک گھرکے کچن سے بھی مل سکتے ہیں appeared first on ایچ ٹی وی اردو.

 یہ سچ ہے کہ پلاسٹک سرجری کا نام سنتے ہی آپ کے ذہن میں ہا لی وڈ میں مقبول ڈک پائوٹ(ہونٹوں کی بناوٹ)سپاٹ ماتھا اور باربی جیسا جسم آجاتا ہے۔لیکن اب کاسمیٹک سرجری کے شعبے سے تعلق رکھنے والے ماہرین نے قدرتی طریقوں یعنی کے نیچرل بیوٹی پر بات کرنی شرو ع کردی ہے ۔
فیشن کی دنیا میں اہمیت کی حامل ہونے کے باوجود کاسمیٹک سرجری کو اکثر تنقید کا نشانہ بنایا جاتا ہے ، خاص طور سے اس موقع پر جب سرجری کرانے کے فنکاروں اور ماڈلز وغیرہ کے چہرے پہچان میں بھی نہیں آتے، جوکہ کافی حد تک درست بھی ہے ۔

 ڈاکٹر مرزا ضیاء الدین میڈیکل یونیور سٹی کے کنسلٹنٹ پلاسٹک سرجن ہیں جو اس شعبے میں اپنی خدمات انجام دے رہے ہیں ۔یہی نہیں بلکہ آپ ایک ماڈل اوراداکار کی حیثیت سے بھی کافی مشہور ہیں ۔ ڈاکٹر مرزا (جو اپنا 99 فیصد وقت اپنے میڈیکل شعبے کو دیتے ہیں) اس بات پر یقین رکھتے ہیں کہ خوبصورتی ایک حقیقت ہے جس سے کوئی انحراف نہیں کرسکتا ۔

خوبصورتی دیکھنے والے کی نظر میں ہوتی ہے

سائنسی شواہد سے پتا چلتا ہے کہ خوبصورتی کے بارے میں ہمارے مشاہدے کا ہمارے اندرونی احساسات سے گہرا تعلق ہے اور اس کا انحصار اس بات پر ہے کہ کسی کا چہرہ ہماری دیکھنے اور جاننے کی صلاحیت کو کس طرح متاثر کرتا ہے۔خوبصورتی کا ریشو جسے گولڈن ریشو بھی کہتے ہیں وہ 1.618ہے۔ اس ریشو میں جو بھی چہرہ فٹ بیٹھے گا آنکھوں کو اچھا لگے گا۔

ڈاکٹر فہد مرزا اس بات پر زور دیتے ہوئے کہتے ہیں کہ سائنسی تحقیق اس بات کو ثابت کرتی ہے کہ خوبصورتی پر کسی خاص نسل یارنگ کی اجارہ داری نہیں ۔ـ’اس بات سے بالکل قطع نظر کہ آپ کون ہیں انسانی ذہن ایک سیکنڈ کے دسویں حصے میں اس بات کا فیصلہ کر لیتا ہے کہ جو چہرہ آپ دیکھ رہے ہیں وہ خوبصورت ہے یا نہیں۔اس کا دارومدارڈیوائن ریشو یا گولڈن ریشو (1.618) پر ہے جو کہ انسانی آنکھ کو سب سے زیادہ خوبصورت لگتا ہے ۔‘

اگر آپ اجازت دیں تو میں یہ بات برملا کہنا چاہوں گی کہ آپ کے پیشے کو اکثر تنقید کا نشانہ بنایا جاتا رہا ہے ۔ حامیوں کا کہنا ہے کہ آپ لوگوں کی خوبصورت دکھنے کی خواہش کو پورا کرنے میں مدد کرتے ہیں جب کہ مخالفین کا کہنا ہے کہ اس طرح سے آپ نے خوبصورت کا ایک مخصوص معیار سیٹ کردیا ہے۔ آپ کیا کہتے ہیں؟ :

’دیکھئے بوڑھا ہونا تو ہمارے ہاتھ میں نہیں لیکن بوڑھا دکھنا نہ دکھنا ہمارے اختیار میں ضرور ہے۔اگر کوئی عمل آپ کی اصل عمر میں سے5 سے 10 سال کم کرنے میں مدد دے تو اسمیں کیا مذائقہ ہے؟میں اس کی حمایت نہیں کرتا لیکن یہ تو معاشرے کا معیار ہے جو اس پرپورا نہ اترے لوگ اُس پر تنقید کرنے لگتے ہیں۔اگر ہم کسی شخص کو اس کی احساس ِکمتری سے باہر نکالنے میں مدد کرتے ہیں تو اس میںکوئی حرج نہیں۔ـ‘

بوٹوکس اور فلرزکے بارے میں کونسی باتیں جاننا ضروری ہیں؟

عمر کے بڑھنے کے ساتھ آپ کی جلد پتلی اور کمزورہوتی جاتی ہے۔جس طرح کپڑا بنانے کے لئے دھاگے کا تانہ بانہ بنا جاتا ہے اسی طر ح کولاجن اور ایلاسٹن ہماری جلد کو تشکیل دیتے ہیں۔عمر بڑھنے کے ساتھ ان دونوں چیزوں میں کمی جلد کو ڈھیلا اور کمزور بنادیتی ہے ۔ جس سے کھال لٹک جاتی ہےلیکن آپ کے چہرے کے مسلز مضبوط رہتے ہیں۔

مسلز میں کھنچاؤ کے نتیجے میںماتھے پر لکیریں پڑنا شروع ہو جاتی ہیں۔ بوٹوکس ان پٹھوں کو کمزور کرکے جلد کو ہموار اور بیلنس بناتا ہے۔ جن مسلز میں انجیکشن لگتا ہے وہ مزید نہیں سکڑتے جس کی وجہ سے جھریاں یا لکیریں نرم پڑ جاتی ہیں ۔یہ اینٹی ایجنگ بھی کہلاتا ہے کیوں کہ وقت کے ساتھ یہ لکیریں جلد پر مستقل طور پر بن جاتی ہیں بالکل اسی طرح جیسے آپ کی ہتھیلی کی لکیریں ہوتی ہیں۔’ 45 سال کی عمر کے بعد بوٹوکس کا استعمال کرلینا اچھا ہے کیونکہ اس میںاینٹی ایجنگ خصوصیات موجود ہوتی ہیں۔ اسی وجہ سے اسے بے بی بوٹولس بھی کہا جاتا ہےجو جلد کے مسلز کو معمولی نقصان پہنچا کر اس کی لچک کو قائم رکھتا ہے۔یہ انجیکشنز آپ کو ایسی قدرتی خوبصورتی فراہم کرتے ہیں جس کی امید بوٹوکس سے عموماً نہیں کی جاتی ۔’
ایک عام غلط فہمی یہ ہے کہ چہرہ جتنا پتلا ہوگا اتنا ہی جوان دکھے گا۔جبکہ حقیقت یہ ہے کہ چہرہ جتنا بھرا ہوا ہوگا اتنا ہی جوان نظر آئے گا ۔ عمر بڑھنے کے ساتھ جب چہرے کے فیٹس کم ہونا شروع ہوجاتے ہیں تو آپ کے چہرے پر تھکن کے آثار نمایاں ہونے لگتے ہیں ۔ـ”آپ بہ آسانی دیکھ سکتے ہیں کے آپ کی آنکھ کا نچلا پپوٹہ کہاں ختم ہورہا ہے اور گال کہاں سے شروع ہورہے ہیں۔ یہ والیوم کی کمی کی وجہ سے ہوتا ہے۔ فلرز جو ہائیلورونک ایسڈ سے بنتا ہے والیوم کی اس کمی کو دور کرتا ہے اور جلد کو تازگی فراہم کرتا ہے۔اس کے اثرات کتنے عرصے تک قائم رہتے ہیں اس کا دارومدار مختلف عوامل پر ہوتا ہے لیکن یہ عرصہ چھ ماہ سے ایک سال یا 18ماہ تک ہو سکتا ہے۔’
ڈاکٹر فہد اس کی مزید وضاحت کرتے ہوئے کہتے ہیں کہ فلرز کے سنگین سائڈ افیکٹس ہوتے ہیں۔اگر یہ انجیکشن نسوں میں لگایا جائے تو اندھا پن یا موت بھی واقع ہو سکتی ہے۔یہ ہدایت بھی دی جاتی ہے کہ بوٹوکس انجیکشن لگوانے کے بعد کم ازکم 4گھنٹے سیدھا بیٹھا جائے۔ لیٹنا، بھاگنا یا اچھل کود کرنا منع ہوتا ہے۔ یہ دوا جسم میں داخل کرنے کے بعد ایک خوراک اینٹی  بائیوٹک کی بھی دی جاتی ہے۔

پلاسٹک سرجری کا عمل :

آپ کے خیال میں یہ عمل کس عمر میں کرانا مناسب ہے؟

’یہ بات تو طے ہے کہ میں 18 سال سے کم عمر مریض، جو جلد کو خوبصورت بنانے کا کوئی عمل کرانا چاہتے ہوں، کا علاج نہیں کرتا ۔ چہرے میں کسی بھی قسم کی تبدیلی کرانے کے خواہش مند افراد جن کی عمر 21سال سے کم ہو ، ایسے مریضوں کو بھی میں نہیں دیکھتا کیوںکہ ان کے چہرے کی بناوٹ ابھی بھی تبدیل ہورہی ہوتی ہے۔‘اُن کے خیال میں30یا اس سے زیادہ عمر کے وہ لوگ اس عمل کے لئے موضوع ہیں جو اس سے پوری طرح واقف ہیں اور اپنے اندر بہتری لانے کے خواہش مند ہیں ۔

مزید جانئے: بڑی عمر میں ایکنی سے نجات حاصل کرنے کے 5 حل

مرد اور عورتوں میں چاہے وہ خاص شخصیات ہوں یا عام لوگ، یہ ٹریٹمنٹ کرانے کا کیا تناسب ہے؟

جوان نظر آنے کے لئے عورتوں کا اس طرف زیادہ جھکاؤ ہوتا ہے ۔اس عمل کو کروانے والے 10میں سے9مریض خواتین ہوتی ہیں۔ مرد زیادہ تر بالوں کے پتلا ہونے کی وجہ سے رابطہ کرتے ہیں جس کا علاج کامیابی سے کیا جاتا ہے۔ یہ بات حیرت انگیز ہے کہ ہماری میڈیا انڈسٹری کے لو گ یہ ٹریٹمنٹ کرانے سے بالکل نہیں شرماتے۔’مرد حضرات اپنی تھوڑی،ناک اور جبڑوں کی ہڈی کو بڑھانے کے لئے فلرز کا انتخاب کرتے ہیں کیونکہ ان کے کام میں سب سے زیادہ فوقیت شکل صورت کو دی جاتی ہے۔گلیمر کی دنیا میں یہ تناسب مردوں میں40  فیصد اور خواتین میں 60 فیصد ہے۔‘

کرداشیان کو کم اور میگھن مارکل کو زیادہ ذہن میں لائیں :

فنکاری میں چہرے کے تاثرات کا اظہار نہایت ضروری ہوتا ہے ۔جبکہ ہمیں زیادہ تعداد میں ایسے اداکار دیکھنے کو ملتے ہیں جن کے چہرے بالکل سپاٹ ہوتے ہیں کیونکہ یہ لوگ خوبصورت دکھائی دینے یا جھریوں اور لکیروں کو چھپانے کی خواہش میں یہ ٹریٹمنٹ کراچکے ہیں۔فن کی اس گہرائی کو آپ کس طرح دیکھتے ہیں ؟یہاں تک کہ اداکارہ نکول کڈمین نے بوٹوکس کو چھوڑنے کے بعدایک بار اس کے بارے میں کہا ،’ میں اب اس کا استعمال نہیں کرتی لہٰذا اب میں اپنے ماتھے کو دوبارہ حرکت دے سکتی ہوں۔‘

مزید جانئے :وٹامنزمیں چھپے صحت کے راز

یہ حقیقت ہے کہ بوٹوکس مسلز کو مفلوج کر دیتا ہے۔ اگر آپ نے ان مسائل کا ایک ہی حل نکال لیا ہے تو آپ کو جذبات سے عاری چہرہ بھی قبول کرنا پڑے گا۔آپ کی جھریاں تو ختم ہو جائیںگی لیکن ساتھ ہی آپ چہرے کے تاثرات کا اظہار بھی نہیں کرسکیں گے۔’اچھے معالج جن میںمیں بھی شامل ہوں مریض کی صلاحیت اور جنس کے لحاظ سے دوا کی صحیح مقدار کا تعین کرتے ہیں۔ یہی وجہ ہے کہ ہم بے بی بوٹوکس کا مشورہ دیتے ہیںجو دونوں طرح مفید ہے ،جھریوں سے پاک چہرہ اور تاثرات کے اظہار میں تھوڑا سا سمجھوتہ۔‘

ان تمام جدتوں اور معلومات کے باوجودہمیں یہ کیوں لگتا ہے کہ یہ کام ناصرف ہمارے ملک میں بلکہ دنیا بھر میں نا پسندیدہ ہے ؟
اس کا حل یہ ہے کہ خوبصورتی کو نارمل سمجھا جائے۔وہ اس کی وضاحت اس طرح کرتے ہیں کہ آپ نیا چہرہ نہیں بنا سکتے ؛آپ صرف ان نقوش کو خوبصورت بنا سکتے ہیں۔ایک تجربہ کارتربیت یافتہ ڈاکٹر کو باکمال نظر کی بھی ضرورت ہوتی ہے تاکہ وہ خوبصورت بنانے کے اس کام کو مہارت کے ساتھ انجام دے سکے۔کیونکہ یہ کام چہرے کی تراش خراش سے ملتا جلتا ہوتا ہے۔

فوٹو شاپ سے بہتر :

چلیں ہم بات کرتے ہیں جون میئر کی ،ا س کاووکل کورڈجب خراب ہوگیاتو دوبارہ گانے کے لئے اس نے دو چیزوں کا سہارا لیا ایک سرجری اور دوسرا بٹکس انجیکشن۔ماہرین ایک سے زیادہ طریقوں کے ذریعے ٹوکسن کا استعمال کرنا جانتے ہیں ۔کیا ان کے استعمال کے بارے میں پاکستان میں بھی یہ معلومات عام ہے؟

یہ کوئی چھپی ہوئی بات نہیں کہ بوٹوکس کا طریقہ کار عارضی طور پر مسلز کو مفلوج کرکے جھریوں کا خاتمہ کر دیتا ہے۔ماہرین اب مائیگرین،ڈپریشن اور سیریبرل پالسے کے اثرات کو ختم کرنے کے لئے بھی اس پر پورا بھروسہ کرتے ہیں۔البتہ یہ ایک خطرناک دوا ہے جو موت کا باعث بھی بن سکتی ہے۔اگریہ انجیکشن خون میں شامل ہو جائے تو سانس لینے والے مسلز کو مفلوج کر سکتا ہے لہٰذا صرف ایک مخصوص مقدارماہرین کی زیر نگرانی دینے کی ہدایت کی جاتی ہے۔اب دنیا میں ان نون کاسمیٹک طریقوں کو اپنایا جارہا ہے۔

خود نمائی کا شوق اوردیوانگی :

کیا کبھی کوئی ایسی صورت حال بھی پیش آئی ہے کہ آپ نے کسی مریض کو کسی وجہ سے انکار کیا ہو؟

میں کسی مریض کو علاج کے لئے انکار تو نہیں کرسکتا لیکن اس علاج کے لئے اس کے حوصلے کے بارے میں جاننا نہایت ضروری ہے۔ کیونکہ میں مریض کو اپنے اندر خود بہتری لانے پر آمادہ کرتا ہوں ۔عرصہ دراز سے لوگ یہ سمجھتے آرہے ہیں کہ یہ طریقہ کار ان کی ازدواجی زندگی کو محفوظ رکھنے یا دوسروں کومتاثرکرنے میں کارآمد رہے گا لیکن ایسے مریضوں کے بارے میں جاننا ضروری ہوتا ہے جو اپنی ظاہری شکل وصورت میں بہتری نہیں لانا چاہتے اور نفسیاتی مسائل کا شکار ہوتے ہیں لہٰذا ایسے لوگوں کا علاج کرکے میں ان کے مسائل کو بڑھانا نہیں چاہتا۔ اس لئے اس طرح کے بہت سے مریضوں کو میں انکار کرچکا ہوں ۔

آپ کا پیغام ایسے نو عمر افراد کے لئے جو اپنے لئے خوبصورتی کے غیر حقیقی اور مضرِصحت معیار سیٹ کر لیتے ہیں

یہ صحیح نہیں ہوگا کہ میں اس بات کا درس دوں جس پر میں خود عمل نہیں کرتا یہ میرا روزانہ کا کام ہے۔میرا تعلق ایسے شعبے سے ہے جہاں خوبصورت دکھنا ضروری ہے۔ڈاکٹرمرزا اچھی جلد کے لئے ان لوگوں کو جم جانے،اور زیادہ پانی پینے کا مشورہ دیتے ہیں ساتھ ہی سن بلاک اور نائٹ کریموں کے استعمال پر بھی زور دیتے ہیں۔یہ ضروری ہے کہ جو کچھ آپ کو قدرت نے عطا کیا ہے آپ اس کی حفاظت کریں۔کاسمیٹکس پروسیجر کا استعمال اس صورت میں کیا جائے جبکہ مقصد چہرے کو بالکل بدل دینے کے بجائے تحفظ فراہم کرنا ہو۔اگر آپ مسئلے کا شکار ہیں تو اس کو حل کریں لیکن اسے مقابلے کے طور پر نہ اپنائیں۔

یہ آرٹیکل انگریزی میں پڑھنے کے لئے کلک کریں

ترجمہ : سعدیہ اویس

The post معروف پلاسٹک سرجن ڈاکٹر فہد مرزا بوٹوکس ٹریٹمنٹ کے بارے میں کیا کہتے ہیں appeared first on ایچ ٹی وی اردو.