گرمی کا موسم آتے ہی خواتین کو خاص طور پر اپنی جلد کی فکر پڑ جاتی ہے اور وہ سورج کی تپش، دھول مٹی اور پسینے کی وجہ سے جلد کو پہنچنے والے نقصانات سے بچنے کی ہر ممکن جتن کرتی ہیں۔لیکن اکثر لوگ یہ بات جانتے نہیں کہ جلد کو بہتر بنانے کیلئے صرف میک اپ اور کریم وغیرہ کا استعمال ہی کافی نہیں بلکہ اس مقصد کیلئے آپ کو اپنی غذا میں کچھ چیزوں کا اضافہ بھی ضرور کرنا چاہیے۔

ایک خبرکے مطابق ہالی ووڈ اداکراؤں کو سنوارنے والی میک اپ آرٹسٹ وینڈی رووی کہتی ہیں کہ یہ اداکارائیں صرف میک اپ کی وجہ سے خوبصورت نظر نہیں آتیں بلکہ ان کی جلد اندر سے بھی نکھری ہوئی ہوتی ہے کیونکہ اس کی وجہ فائدہ بخش غذائیں ہوتی ہیں اگر آپ بھی اپنی جلد کو اندر سے صحت مند بنانا چاہتے ہیں تو ان غذائوں کو گرمی میں ضرور استعمال کریں۔

پانی

جسم میں پانی کی کمی کا اثر آپ کی جلد پر نظر آتا ہے، جلد کو تر و تازہ رکھنے کیلئے جتنا زیادہ ممکن ہو پانی پیئیں، گرمی میں جسم میں پانی کی کمی کی وجہ سے آپ مختلف مسائل کا شکار ہوسکتے ہیں۔

مگر ناشپاتی 

مگر ناشپاتی عام طور پر امریکا میں پایا جاتا ہے تاہم دنیا کے دیگر حصوں میں بھی یہ دستیاب ہوتا ہے، اس میں فائدہ مند فیٹس موجود ہوتے ہیں۔محققین کا کہنا ہے کہ اس پھل کو کھانے سے وزن بھی کم ہوتا ہے، یہ جسم کو اندر سے نمی فراہم کرتا ہے جس کہ وجہ سے جلد تر و تازہ نظر آتی ہے۔اس میں موجود مونو سیچوریٹڈ فیٹی ایسڈ جسم میں جاکر جلد کو الٹرا وائلیٹ شعائوں کے مضر اثرات سے بچاتا ہے۔

اندرونی طور پر صفائی کے لئے کھیرا 

کھیرے میں پانی بہت زیادہ مقدار میں موجود ہوتا ہے جو نظام انہضام بہتر بنانے میں مدد گار ثابت ہوتا ہے اسی لیے اسے اندر کی صفائی کرنے والا بھی کہا جاتا ہے۔کھیرے کا استعمال دماغ کو پرسکون اور جسم کو ٹھنڈک پہنچاتا ہے، اس کے چھلکے میں سلیکا پایا جاتا ہے جو جسم میں Collagen کی تیاری میں معاون ثابت ہوتا ہے اور اس کی وجہ سے جلد کی ساخت اور لچک برقرار رہتی ہے۔

پانی سے بھرپور تربوز

گرمی کا ذکر ہو اور تربوز کی ذکر نہ آئے ایسا ممکن نہیں، گرمیوں میں پانی کا زیادہ سے زیادہ استعمال نہایت ضروری ہوتا ہے اور تربوز میں پانی کے ساتھ ساتھ ذائقہ بھی موجود ہوتا ہے۔تربوز میں 93 فیصد پانی ہوتا ہے اور اس میں وٹامن اے اور سی بھی موجود ہوتے ہیں، جلد کو جوان اور چمکدار رکھنے کیلئے ان تین چیزوں سے بہتر کوئی چیز نہیں۔اور ہاں اگر آپ تربوز کھاکر اس کا بیج پھینک دیتے ہیں تو ایسا مت کریں، تربوز کے بیج میں فائدہ مند فیٹی ایسڈ اور اینٹی آکسیڈنٹ ہوتے ہیں جو پانی کی کمی کو پورا کرتے ہیں اور جلد کو کیل مہاسوں سے نجات دلاتے ہیں۔

عمر گھٹانے والی ڈارک چاکلیٹ

غذائیت سے بھرپور اعلیٰ معیار کی ڈارک چاکلیٹ کے جہاں اور بہت سے فوائد ہیں، وہیں یہ آپ کی جلد کے لیے بھی انتہائی مفید ہے۔ڈارک چاکلیٹ کا استعمال جلد کو سورج کی مضر شعائوں سے بچانے میں مدد گار ثابت ہوتا ہے اور اس کے ساتھ ساتھ یہ جسم میں سوزش اور سوجن کو بھی کم کرتا ہے۔

The post وہ غذائیں جو گرمی میں جلد کو نکھاریں appeared first on ایچ ٹی وی اردو.

فیٹس کو صحت کیلئے نقصان دہ سمجھا جاتا ہے لیکن ایسا ہر جگہ نہیں ہے کیونکہ ایک طرف فیٹس دل کے لئے مضر ہیں تو دوسری طرف یہ جلد کے لئے نہایت مفید بھی ہیں ۔فیٹس میں مونوسیچوریٹڈ فولک ایسڈاور اولیک ایسڈ موجود ہیں جو جلدکو نمی فراہم کرنے کے ساتھ جلد کے سیلز کو چکنائی بھی بخشتے ہیں ۔اس لئے اگر آپ صحت مند جلد کے خواہش مند ہیں تو آپ کو کچھ چکنی غذائیں کھانا پڑیں گی۔وہ غذائیں کون سی ہیں ۔یہ جاننے کے لئے آرٹیکل ملاحظہ فرمائیے۔
فیٹس والی یہ غذائیں آپ کی جلد کو واقعی صحت مند بنادیں گی:

مچھلی:

اگر آپ جلد میں قدرتی چمک چاہتے ہیں تو مچھلی کا استعمال کریں ۔اس میں موجود اومیگا تھری فیٹی ایسڈ جلد پر بڑھتی عمرکے اثرات پڑنے کا عمل سست کر کے جلد کی نمی برقرار رکھتے ہیں ۔اومیگا تھری فیٹی ایسڈ میں اینٹی انفلیمیٹری خصوصیات بھی موجود ہیں جوایکنی کا خاتمہ کرتی ہیں اور جلد کو صحت بخشتی ہیں ۔فیٹس والی مچھلی کھانے کے لئے بڑی مچھلی کا انتخاب کیجئے۔

مزید جانئے :بادام کے تیل کے10 فائدے

اواکاڈو:

اگر آپ اواکاڈو کھاتے ہیں تو آپ کی جلد دوسروں کے مقابلے میں کہیں زیادہ صحت مند نظر آتی ہوگی۔اگر نہیں کھاتے تو اب اس کو اپنی غذا میں شامل کرلیں کیونکہ اس میں ضروری فیٹی ایسڈ موجود ہیں جو آپ کی جلد کو نرم وملائم بنا دیں گے۔
اواکاڈو میں وٹامن ای موجود ہے جوجلد میں کولاجن کی پیداوار کو بڑھاتا ہے۔اس میں اینٹی اوکسی ڈنٹ بھی موجود ہیں جو جسم سے ٹوکسن کو خارج کرتے ہیں ۔اس میں موجود مونوسیچوریٹڈ فیٹی ایسڈ جلد کو نمی فراہم کرکے اسے تر وتازہ بناتے ہیں۔اپنی سبزیوں کی سلاد میں اواکاڈو کو بھی شامل کرکے اس کا پورا فائدہ اٹھائیں ۔

اخروٹ:

اخروٹ میں اومیگا تھری اور مونوسیچوریٹڈ فیٹس موجود ہیں جو جلد میں موجود زائد پانی اور ایکنی کی وجہ سے ہونے والی سوزش کو ختم کرتے ہیں ۔اخروٹ میں اینٹی اوکسی ڈنٹ بھی موجود ہیں جو جلد کے دانوں کا خاتمہ کرنے کے ساتھ اسے دھوپ سے ہونے والے نقصان سے بھی بچاتے ہیں۔روزانہ مٹھی بھر اخروٹ اسنیکس کے طور پر کھانے کی عادت بنائیں اور پھر ان کا کمال دیکھیں۔

جانئے:چھوہاروں سے کریں بیماریوں کا علاج

زیتون:

زیتون کا تیل اپنی افادیت کی وجہ سے مشہور ہے یہ جلد کے سیلز کی ٹوٹ پھوٹ کو ختم کرکے جلد کو صحت بخشتا ہے ۔اس کی افادیت کی وجہ سے زیتون کے تیل کا استعمال بڑھتا جارہا ہے۔لیکن ہم میں سے بہت کم لوگ ہیں جوزیتون کا پابندی کے ساتھ استعمال کرتے ہیں۔زیتون مونو سیچوریٹڈ فیٹی ایسڈ سے بنے ہیں اور اس میں وٹامن اے اور ای وافر مقدار میں موجود ہیں جو جلد کے ریڈیکلز کو ٹوٹ پھوٹ سے بچاتے ہیں ۔زیتون رنگت کو نکھارنے کے ساتھ جلد کے ٹشوز کو مضبوط بناتا ہے اور سورج کی الراوائلٹ شعائوں سے جلد کی حفاظت کرتا ہے۔لہٰذا آیندہ اپنی سلاد میں زیتون شامل کرنا نہ بھولیں۔

ناریل کا تیل:

جلد کو خوبصورت بنانا چاہتے ہیں تو کھانا پکانے کے لئے عام تیل کی جگہ ناریل کا تیل استعمال کرنا شروع کردیں۔ناریل کے تیل میں اینٹی فنگل اور اینٹی مائکروبیل خصوصیات موجود ہیں جن کی وجہ سے یہ تیل حساس جلد والوں کے لئے بھی مفید ہے۔

اس بارے میں جانئے :سردیوں میں لال پھل اور سبزیوں کے استعمال کے فوائد

The post فیٹس والی 5 غذائیں جو آپ کی جلد کو صحت مند بنادیں گی appeared first on ایچ ٹی وی اردو.

 یہ سچ ہے کہ پلاسٹک سرجری کا نام سنتے ہی آپ کے ذہن میں ہا لی وڈ میں مقبول ڈک پائوٹ(ہونٹوں کی بناوٹ)سپاٹ ماتھا اور باربی جیسا جسم آجاتا ہے۔لیکن اب کاسمیٹک سرجری کے شعبے سے تعلق رکھنے والے ماہرین نے قدرتی طریقوں یعنی کے نیچرل بیوٹی پر بات کرنی شرو ع کردی ہے ۔
فیشن کی دنیا میں اہمیت کی حامل ہونے کے باوجود کاسمیٹک سرجری کو اکثر تنقید کا نشانہ بنایا جاتا ہے ، خاص طور سے اس موقع پر جب سرجری کرانے کے فنکاروں اور ماڈلز وغیرہ کے چہرے پہچان میں بھی نہیں آتے، جوکہ کافی حد تک درست بھی ہے ۔

 ڈاکٹر مرزا ضیاء الدین میڈیکل یونیور سٹی کے کنسلٹنٹ پلاسٹک سرجن ہیں جو اس شعبے میں اپنی خدمات انجام دے رہے ہیں ۔یہی نہیں بلکہ آپ ایک ماڈل اوراداکار کی حیثیت سے بھی کافی مشہور ہیں ۔ ڈاکٹر مرزا (جو اپنا 99 فیصد وقت اپنے میڈیکل شعبے کو دیتے ہیں) اس بات پر یقین رکھتے ہیں کہ خوبصورتی ایک حقیقت ہے جس سے کوئی انحراف نہیں کرسکتا ۔

خوبصورتی دیکھنے والے کی نظر میں ہوتی ہے

سائنسی شواہد سے پتا چلتا ہے کہ خوبصورتی کے بارے میں ہمارے مشاہدے کا ہمارے اندرونی احساسات سے گہرا تعلق ہے اور اس کا انحصار اس بات پر ہے کہ کسی کا چہرہ ہماری دیکھنے اور جاننے کی صلاحیت کو کس طرح متاثر کرتا ہے۔خوبصورتی کا ریشو جسے گولڈن ریشو بھی کہتے ہیں وہ 1.618ہے۔ اس ریشو میں جو بھی چہرہ فٹ بیٹھے گا آنکھوں کو اچھا لگے گا۔

ڈاکٹر فہد مرزا اس بات پر زور دیتے ہوئے کہتے ہیں کہ سائنسی تحقیق اس بات کو ثابت کرتی ہے کہ خوبصورتی پر کسی خاص نسل یارنگ کی اجارہ داری نہیں ۔ـ’اس بات سے بالکل قطع نظر کہ آپ کون ہیں انسانی ذہن ایک سیکنڈ کے دسویں حصے میں اس بات کا فیصلہ کر لیتا ہے کہ جو چہرہ آپ دیکھ رہے ہیں وہ خوبصورت ہے یا نہیں۔اس کا دارومدارڈیوائن ریشو یا گولڈن ریشو (1.618) پر ہے جو کہ انسانی آنکھ کو سب سے زیادہ خوبصورت لگتا ہے ۔‘

اگر آپ اجازت دیں تو میں یہ بات برملا کہنا چاہوں گی کہ آپ کے پیشے کو اکثر تنقید کا نشانہ بنایا جاتا رہا ہے ۔ حامیوں کا کہنا ہے کہ آپ لوگوں کی خوبصورت دکھنے کی خواہش کو پورا کرنے میں مدد کرتے ہیں جب کہ مخالفین کا کہنا ہے کہ اس طرح سے آپ نے خوبصورت کا ایک مخصوص معیار سیٹ کردیا ہے۔ آپ کیا کہتے ہیں؟ :

’دیکھئے بوڑھا ہونا تو ہمارے ہاتھ میں نہیں لیکن بوڑھا دکھنا نہ دکھنا ہمارے اختیار میں ضرور ہے۔اگر کوئی عمل آپ کی اصل عمر میں سے5 سے 10 سال کم کرنے میں مدد دے تو اسمیں کیا مذائقہ ہے؟میں اس کی حمایت نہیں کرتا لیکن یہ تو معاشرے کا معیار ہے جو اس پرپورا نہ اترے لوگ اُس پر تنقید کرنے لگتے ہیں۔اگر ہم کسی شخص کو اس کی احساس ِکمتری سے باہر نکالنے میں مدد کرتے ہیں تو اس میںکوئی حرج نہیں۔ـ‘

بوٹوکس اور فلرزکے بارے میں کونسی باتیں جاننا ضروری ہیں؟

عمر کے بڑھنے کے ساتھ آپ کی جلد پتلی اور کمزورہوتی جاتی ہے۔جس طرح کپڑا بنانے کے لئے دھاگے کا تانہ بانہ بنا جاتا ہے اسی طر ح کولاجن اور ایلاسٹن ہماری جلد کو تشکیل دیتے ہیں۔عمر بڑھنے کے ساتھ ان دونوں چیزوں میں کمی جلد کو ڈھیلا اور کمزور بنادیتی ہے ۔ جس سے کھال لٹک جاتی ہےلیکن آپ کے چہرے کے مسلز مضبوط رہتے ہیں۔

مسلز میں کھنچاؤ کے نتیجے میںماتھے پر لکیریں پڑنا شروع ہو جاتی ہیں۔ بوٹوکس ان پٹھوں کو کمزور کرکے جلد کو ہموار اور بیلنس بناتا ہے۔ جن مسلز میں انجیکشن لگتا ہے وہ مزید نہیں سکڑتے جس کی وجہ سے جھریاں یا لکیریں نرم پڑ جاتی ہیں ۔یہ اینٹی ایجنگ بھی کہلاتا ہے کیوں کہ وقت کے ساتھ یہ لکیریں جلد پر مستقل طور پر بن جاتی ہیں بالکل اسی طرح جیسے آپ کی ہتھیلی کی لکیریں ہوتی ہیں۔’ 45 سال کی عمر کے بعد بوٹوکس کا استعمال کرلینا اچھا ہے کیونکہ اس میںاینٹی ایجنگ خصوصیات موجود ہوتی ہیں۔ اسی وجہ سے اسے بے بی بوٹولس بھی کہا جاتا ہےجو جلد کے مسلز کو معمولی نقصان پہنچا کر اس کی لچک کو قائم رکھتا ہے۔یہ انجیکشنز آپ کو ایسی قدرتی خوبصورتی فراہم کرتے ہیں جس کی امید بوٹوکس سے عموماً نہیں کی جاتی ۔’
ایک عام غلط فہمی یہ ہے کہ چہرہ جتنا پتلا ہوگا اتنا ہی جوان دکھے گا۔جبکہ حقیقت یہ ہے کہ چہرہ جتنا بھرا ہوا ہوگا اتنا ہی جوان نظر آئے گا ۔ عمر بڑھنے کے ساتھ جب چہرے کے فیٹس کم ہونا شروع ہوجاتے ہیں تو آپ کے چہرے پر تھکن کے آثار نمایاں ہونے لگتے ہیں ۔ـ”آپ بہ آسانی دیکھ سکتے ہیں کے آپ کی آنکھ کا نچلا پپوٹہ کہاں ختم ہورہا ہے اور گال کہاں سے شروع ہورہے ہیں۔ یہ والیوم کی کمی کی وجہ سے ہوتا ہے۔ فلرز جو ہائیلورونک ایسڈ سے بنتا ہے والیوم کی اس کمی کو دور کرتا ہے اور جلد کو تازگی فراہم کرتا ہے۔اس کے اثرات کتنے عرصے تک قائم رہتے ہیں اس کا دارومدار مختلف عوامل پر ہوتا ہے لیکن یہ عرصہ چھ ماہ سے ایک سال یا 18ماہ تک ہو سکتا ہے۔’
ڈاکٹر فہد اس کی مزید وضاحت کرتے ہوئے کہتے ہیں کہ فلرز کے سنگین سائڈ افیکٹس ہوتے ہیں۔اگر یہ انجیکشن نسوں میں لگایا جائے تو اندھا پن یا موت بھی واقع ہو سکتی ہے۔یہ ہدایت بھی دی جاتی ہے کہ بوٹوکس انجیکشن لگوانے کے بعد کم ازکم 4گھنٹے سیدھا بیٹھا جائے۔ لیٹنا، بھاگنا یا اچھل کود کرنا منع ہوتا ہے۔ یہ دوا جسم میں داخل کرنے کے بعد ایک خوراک اینٹی  بائیوٹک کی بھی دی جاتی ہے۔

پلاسٹک سرجری کا عمل :

آپ کے خیال میں یہ عمل کس عمر میں کرانا مناسب ہے؟

’یہ بات تو طے ہے کہ میں 18 سال سے کم عمر مریض، جو جلد کو خوبصورت بنانے کا کوئی عمل کرانا چاہتے ہوں، کا علاج نہیں کرتا ۔ چہرے میں کسی بھی قسم کی تبدیلی کرانے کے خواہش مند افراد جن کی عمر 21سال سے کم ہو ، ایسے مریضوں کو بھی میں نہیں دیکھتا کیوںکہ ان کے چہرے کی بناوٹ ابھی بھی تبدیل ہورہی ہوتی ہے۔‘اُن کے خیال میں30یا اس سے زیادہ عمر کے وہ لوگ اس عمل کے لئے موضوع ہیں جو اس سے پوری طرح واقف ہیں اور اپنے اندر بہتری لانے کے خواہش مند ہیں ۔

مزید جانئے: بڑی عمر میں ایکنی سے نجات حاصل کرنے کے 5 حل

مرد اور عورتوں میں چاہے وہ خاص شخصیات ہوں یا عام لوگ، یہ ٹریٹمنٹ کرانے کا کیا تناسب ہے؟

جوان نظر آنے کے لئے عورتوں کا اس طرف زیادہ جھکاؤ ہوتا ہے ۔اس عمل کو کروانے والے 10میں سے9مریض خواتین ہوتی ہیں۔ مرد زیادہ تر بالوں کے پتلا ہونے کی وجہ سے رابطہ کرتے ہیں جس کا علاج کامیابی سے کیا جاتا ہے۔ یہ بات حیرت انگیز ہے کہ ہماری میڈیا انڈسٹری کے لو گ یہ ٹریٹمنٹ کرانے سے بالکل نہیں شرماتے۔’مرد حضرات اپنی تھوڑی،ناک اور جبڑوں کی ہڈی کو بڑھانے کے لئے فلرز کا انتخاب کرتے ہیں کیونکہ ان کے کام میں سب سے زیادہ فوقیت شکل صورت کو دی جاتی ہے۔گلیمر کی دنیا میں یہ تناسب مردوں میں40  فیصد اور خواتین میں 60 فیصد ہے۔‘

کرداشیان کو کم اور میگھن مارکل کو زیادہ ذہن میں لائیں :

فنکاری میں چہرے کے تاثرات کا اظہار نہایت ضروری ہوتا ہے ۔جبکہ ہمیں زیادہ تعداد میں ایسے اداکار دیکھنے کو ملتے ہیں جن کے چہرے بالکل سپاٹ ہوتے ہیں کیونکہ یہ لوگ خوبصورت دکھائی دینے یا جھریوں اور لکیروں کو چھپانے کی خواہش میں یہ ٹریٹمنٹ کراچکے ہیں۔فن کی اس گہرائی کو آپ کس طرح دیکھتے ہیں ؟یہاں تک کہ اداکارہ نکول کڈمین نے بوٹوکس کو چھوڑنے کے بعدایک بار اس کے بارے میں کہا ،’ میں اب اس کا استعمال نہیں کرتی لہٰذا اب میں اپنے ماتھے کو دوبارہ حرکت دے سکتی ہوں۔‘

مزید جانئے :وٹامنزمیں چھپے صحت کے راز

یہ حقیقت ہے کہ بوٹوکس مسلز کو مفلوج کر دیتا ہے۔ اگر آپ نے ان مسائل کا ایک ہی حل نکال لیا ہے تو آپ کو جذبات سے عاری چہرہ بھی قبول کرنا پڑے گا۔آپ کی جھریاں تو ختم ہو جائیںگی لیکن ساتھ ہی آپ چہرے کے تاثرات کا اظہار بھی نہیں کرسکیں گے۔’اچھے معالج جن میںمیں بھی شامل ہوں مریض کی صلاحیت اور جنس کے لحاظ سے دوا کی صحیح مقدار کا تعین کرتے ہیں۔ یہی وجہ ہے کہ ہم بے بی بوٹوکس کا مشورہ دیتے ہیںجو دونوں طرح مفید ہے ،جھریوں سے پاک چہرہ اور تاثرات کے اظہار میں تھوڑا سا سمجھوتہ۔‘

ان تمام جدتوں اور معلومات کے باوجودہمیں یہ کیوں لگتا ہے کہ یہ کام ناصرف ہمارے ملک میں بلکہ دنیا بھر میں نا پسندیدہ ہے ؟
اس کا حل یہ ہے کہ خوبصورتی کو نارمل سمجھا جائے۔وہ اس کی وضاحت اس طرح کرتے ہیں کہ آپ نیا چہرہ نہیں بنا سکتے ؛آپ صرف ان نقوش کو خوبصورت بنا سکتے ہیں۔ایک تجربہ کارتربیت یافتہ ڈاکٹر کو باکمال نظر کی بھی ضرورت ہوتی ہے تاکہ وہ خوبصورت بنانے کے اس کام کو مہارت کے ساتھ انجام دے سکے۔کیونکہ یہ کام چہرے کی تراش خراش سے ملتا جلتا ہوتا ہے۔

فوٹو شاپ سے بہتر :

چلیں ہم بات کرتے ہیں جون میئر کی ،ا س کاووکل کورڈجب خراب ہوگیاتو دوبارہ گانے کے لئے اس نے دو چیزوں کا سہارا لیا ایک سرجری اور دوسرا بٹکس انجیکشن۔ماہرین ایک سے زیادہ طریقوں کے ذریعے ٹوکسن کا استعمال کرنا جانتے ہیں ۔کیا ان کے استعمال کے بارے میں پاکستان میں بھی یہ معلومات عام ہے؟

یہ کوئی چھپی ہوئی بات نہیں کہ بوٹوکس کا طریقہ کار عارضی طور پر مسلز کو مفلوج کرکے جھریوں کا خاتمہ کر دیتا ہے۔ماہرین اب مائیگرین،ڈپریشن اور سیریبرل پالسے کے اثرات کو ختم کرنے کے لئے بھی اس پر پورا بھروسہ کرتے ہیں۔البتہ یہ ایک خطرناک دوا ہے جو موت کا باعث بھی بن سکتی ہے۔اگریہ انجیکشن خون میں شامل ہو جائے تو سانس لینے والے مسلز کو مفلوج کر سکتا ہے لہٰذا صرف ایک مخصوص مقدارماہرین کی زیر نگرانی دینے کی ہدایت کی جاتی ہے۔اب دنیا میں ان نون کاسمیٹک طریقوں کو اپنایا جارہا ہے۔

خود نمائی کا شوق اوردیوانگی :

کیا کبھی کوئی ایسی صورت حال بھی پیش آئی ہے کہ آپ نے کسی مریض کو کسی وجہ سے انکار کیا ہو؟

میں کسی مریض کو علاج کے لئے انکار تو نہیں کرسکتا لیکن اس علاج کے لئے اس کے حوصلے کے بارے میں جاننا نہایت ضروری ہے۔ کیونکہ میں مریض کو اپنے اندر خود بہتری لانے پر آمادہ کرتا ہوں ۔عرصہ دراز سے لوگ یہ سمجھتے آرہے ہیں کہ یہ طریقہ کار ان کی ازدواجی زندگی کو محفوظ رکھنے یا دوسروں کومتاثرکرنے میں کارآمد رہے گا لیکن ایسے مریضوں کے بارے میں جاننا ضروری ہوتا ہے جو اپنی ظاہری شکل وصورت میں بہتری نہیں لانا چاہتے اور نفسیاتی مسائل کا شکار ہوتے ہیں لہٰذا ایسے لوگوں کا علاج کرکے میں ان کے مسائل کو بڑھانا نہیں چاہتا۔ اس لئے اس طرح کے بہت سے مریضوں کو میں انکار کرچکا ہوں ۔

آپ کا پیغام ایسے نو عمر افراد کے لئے جو اپنے لئے خوبصورتی کے غیر حقیقی اور مضرِصحت معیار سیٹ کر لیتے ہیں

یہ صحیح نہیں ہوگا کہ میں اس بات کا درس دوں جس پر میں خود عمل نہیں کرتا یہ میرا روزانہ کا کام ہے۔میرا تعلق ایسے شعبے سے ہے جہاں خوبصورت دکھنا ضروری ہے۔ڈاکٹرمرزا اچھی جلد کے لئے ان لوگوں کو جم جانے،اور زیادہ پانی پینے کا مشورہ دیتے ہیں ساتھ ہی سن بلاک اور نائٹ کریموں کے استعمال پر بھی زور دیتے ہیں۔یہ ضروری ہے کہ جو کچھ آپ کو قدرت نے عطا کیا ہے آپ اس کی حفاظت کریں۔کاسمیٹکس پروسیجر کا استعمال اس صورت میں کیا جائے جبکہ مقصد چہرے کو بالکل بدل دینے کے بجائے تحفظ فراہم کرنا ہو۔اگر آپ مسئلے کا شکار ہیں تو اس کو حل کریں لیکن اسے مقابلے کے طور پر نہ اپنائیں۔

یہ آرٹیکل انگریزی میں پڑھنے کے لئے کلک کریں

ترجمہ : سعدیہ اویس

The post معروف پلاسٹک سرجن ڈاکٹر فہد مرزا بوٹوکس ٹریٹمنٹ کے بارے میں کیا کہتے ہیں appeared first on ایچ ٹی وی اردو.