ذیا بیطس کی بیماری کے دوران صحت بخش غذاؤں کاچناؤ بہت اہم ہوتا ہے۔کچھ غذائیں بہت زیادہ فائدے مند ہوتی ہیں جو شوگر کو قابو میں رکھنے کے لئے اہم ہوتی ہیں۔اگر آپ ذیابیطس کی بیماری میں مبتلا ہے تو ان غذاؤں کو اپنی زندگی کا لازمی جز بنائیں ۔ان غذائیت سے بھرپور چیزوں کا استعمال بلڈ شوگر لیول کو کنٹرول میں رکھتا ہو ، موٹاپے کو دُور بھگاتا ہے، اور صحت بھی اچھی بناتا ہے۔

بروکلی

بند گوبھی، پھول گوبھی کی طرح بروکلی کی سبزی میں اینٹی اوکسیڈینٹ کی بڑی مقدار پائی جاتی ہے۔ بروکلی میں وٹامن اے اور وٹامن سی کی وافر مقدار موجود ہوتی ہے اس کے علاوہ یہ فائبر سے بھرپور ہوتی ہے۔ بروکلی ان لوگوں کے لئے نہایت فائدہ بخش ہوتی ہے جو ذیابیطس کے ساتھ ساتھ اپنا وزن کو بھی کنٹرول میں رکھنا چاہتے ہیں۔ذیا بیطس میں کورونری کی بیماری سے مرنے والوں کی تعداد بہت زیادہ ہے اور یہ سبزی اس بیماری سے بچانے میں مدد دیتی ہے۔

 مزید جانئے : ذیابیطس کے مریض یہ 6کام نہ کریں

مچھلی

روزانہ مچھلی کو اپنےغذاؤں میں شامل کرنا آپ کو بہت سے صحت کے مسائل سے بچاتا ہے ، خاص طور پر ذیابیطس اور دل کے دورہ سےحفاظت کرتاہے۔ تحقیق نے یہ بات ثابت کی ہے کہ اومیگا 3 خون کی سطح کو کنٹرول میں رکھتی ہے اوران مضر چکنائیوں سے بچاتی ہے جو ذیابیطس کو بڑھاتی ہیں۔ 2010 میں ایموری یونیورسٹی کی رپورٹ کی مطابق جو افراد مچھلی کا تواتر کے ساتھ استعمال کرتے ہیں ان میں 3فیصد دل کا دورہ پڑنے کے امکانات کم ہوجاتے ہیں۔ ہفتے میں دو بار مچھلی کا استعمال انتہائی افادیت بخش ہے۔

زیتون کا تیل

ایک مطالعہ کے مطابق زیتون کا تیل ذیا بیطس کے مریضوں کے لئے انتہائی افادیت کا حامل ہے ۔ یہ ذیا بیطس کی ٹائپ 2 کو 50فیصد تک کنٹرول میں رکھتا ہے اور اس میں چکنائی کی مقدار بھی کم ہوتی ہے۔ یہ کینسر کی بیماری کے ساتھ ساتھ سیلز کی حفاظت اور کورونری کی مرض سے محفوظ بناتا ہے۔

مزید جانئے :6غذائیں کھائیں ذیابیطس سے بچاؤ یقینی بنائیں

پالک 

پالک ان چند ہری سبزیوں میں سے ایک ہے جو ذیا بیطس کے خطروں کو کم کرتی ہے۔ برطانیہ میں ہونے والے ایک مطالعہ کے مطابق روزانہ اپنی غذاؤں میں ہری سبزی اور پالک کا استعمال ذیابیطس کے خطروں کو 14 فیصد تک کم کرتا ہے۔ پالک میں وٹامن کے کے ساتھ ساتھ میگنیشئیم ، فولیٹ ،فوسفورس، پوٹاشئیم اور زنک کی بڑی مقدار بھی پائی جاتی ہے صرف یہ ہی نہیں بلکہ یہ کیلشئیم سے بھی مالا مال ہوتی ہے۔

شکر قندی 

ذیا بیطس کے مریضوں کے لئے ویسے تو بہت سی چیزیں فائدہ مند ہیں جن میں سے ایک شکر قندی بھی ہے۔ شکر قندی کا روزمرہ کی غذاؤں میں استعمال شوگر لیول کو کنٹرول میں رکھتا ہے۔ شکر قندی فائبر، وٹامن اے اور سی سے مال مال ہوتا ہے۔ اس کو ابال کر کھانا ہو یا بیکڈ کر کے لیکن جیسے بھی کھائیں ، کھائیں ضرور کیونکہ یہ آپ کوذائقےکے ساتھ ساتھ صحت بھی فراہم کرتا ہے۔

مزید جانئے :تمباکو نوشی ذیابیطس کا خطرہ بڑھانے کا باعث

دارچینی

دارچینی جسم میں موجود مضر چکنائی کو کم کرتا ہے اور ساتھ ساتھ ذیا بیطس کے مریضوں کے لئے انتہائی فائدے بخش بھی ہوتاہے ۔ دارچینی میں کرومیم بھی پایا جاتا ہے جو انسولین کی کارکردگی کو بڑھاتا ہے ۔ یہ پولی فینلز کو یکجا کرتا ہے، یہ سیلز کے تمام فری ریڈکلز کو یکجا کر کے ذیا بیطس اور کورونری کی بیمارے سے روک تھا م کرتا ہے۔

دلیہ

دلیہ سے دن کا آغاز کرنا یعنی ناشتہ میں دلیہ کا استعمال ذیا بیطس کے مریضوں کے لئے انتہائی مفید ہے یہ غذا شوگر لیول کو کنٹرول کرتی ہے۔دلیہ کا استعمال زائد چینی کے بغیر دودھ کے ساتھ کیجیے اور اگر اسے مزید لذیذ بنانا چاہتے ہیں تو کیلے کےکٹے ہوئے ٹکڑے اور بادام کو اس میں شامل کرلیجئے اور صبح کے ناشتے کو ذائقے کے ساتھ ساتھ مفید بھی بنائیں۔

ان تمام چیزوں کو اپنی غذاؤں میں شامل کرکے آپ اپنے گلوکوز لیول کو قابو میں رکھ سکتے ہیں۔ ان غذاؤں کے علاوہ مزید مشورہ کے لئے اپنےمعالج سے رجوع کیجئے ۔

 تحریر : انعم شاہد

اس آرٹیکل کوانگریزی میں پڑھنے کے لئے کلک کریں

The post ذیابیطس کے مریضوں کے لئے 7مفید غذائیں appeared first on ایچ ٹی وی اردو.

ذیابیطس ہو یا ہاضمے کا مسئلہ کھانا ہمیشہ اپنی طبیعت کو دیکھتے ہوئے کھانا چاہئے۔جانئے ہمارے ماہرین سے مختلف صحت کے مسائل کے مطابق خاص پکوان۔ ان میں سے ہر ایک ڈش بنانے میں آسان اور ذائقہ کے لحاظ سے بے حد مزے دار ہے ۔

جوڑوں میں درد – ایلوویرا کا حلوہ

جوڑوں اور ہڈیوں میں درد صرف عمر رسیدہ افراد کا مسئلہ نہیں ہے بلکہ آج کل ہر کوئی ہی اس کا شکار نظر آتا ہے ۔ کھانے پینے کی چیزوںمیں ضروری غذائیت کی کمی اس طرح کے درد کی بنیادی وجہ ہے ۔
ایلوویرا کا حلوہ آپ کو جوڑوں کے درد میں کافی آرام پہنچائے گا ۔

یہ ترکیب ٹرائی کریں: جوڑوں کادرد دورکرنے کے لئے ایلو ویراکاحلوہ کھائیں

بچوں کی بہتر نشو نما -پالک سے بنی ڈشز

پالک میں موجود آئرن بچوں کی نشونما کے لئے بے حد مفید ہے ۔ بچوں کو فوری تونائی مہیا کرنے اور صحت کے مختلف مسائل بچانے کے لئے پالک سے بنی ان آسان ڈشز کو بنا کر آپ اُن کی صحت یقینی بنا سکتے ہیں۔

یہ ترکیب ٹرائی کریں : بچوں کی خوراک میں پالک شامل کرنے کی تراکیب

ذیابیطس- ایپل کیک

ذیابیطس کے مرض میںکھانے پینے میں خصوصی احتیاط رکھنے کی ضرورت ہوتی ہے ۔ البتہ میٹھے کے شوقین لوگوں کے لئے یہ احتیاط کافی مشکل ہو جاتی ہے ۔ ذیابیطس کے مریضوں کو اس ترکیب سے ایپل کیک بنا کر کھلائیں۔ انہیں یقیناًاچھا لگے گا ۔

یہ ترکیب ٹرائی کریں: ڈائیبیٹک میکرونی پاستا

بہتر ہاضمے کے لئے- سونٹھ کی ہاضمچٹنی

بد ہضمی اوت متلی کو دور کرنے کے لئے سونٹھ مفید ترین غذا ہے ۔ جن لوگوں کو کھانے کے بعد بد ہضمی اور تیزابیت کی شکایت رہتی ہو انہیں کھانے کے ساتھ سونٹھ کی چٹنی کا استعمال کرنا چاہئے۔ سونٹھ کی چٹنی بے حد ذائقہ دار ہوتی ہے۔

یہ ترکیب ٹرائی کریں: سونٹھ کی چٹنی

The post صحت کے مختلف مسائل کے لئے مزیدارکھانوں کی تراکیب appeared first on ایچ ٹی وی اردو.