دودھ کے 7حیرت انگیز استعمال
دودھ انسانی صحت کے لیے بہت فائدے مند ہے، اس بات سے انکار ممکن نہیں۔مگر کیا آپ اس کا پینےکے علاوہ بھی کوئی استعمال نہیں کرتے ؟ اگرجواب ہاں ہیں تو آپ اس مشروب کے چند بہترین گھریلو طریقہ استعمال سے ناواقف ہوں گے جو اسے ہر حوالے سے بہترین بنا دیتا ہے۔
کیڑوں کے کاٹنے سے ہونے والی تکلیف سے نجات
دودھ، نمک اور پانی کو ملا کر ایک پیسٹ بنائیں اور انہیں مختلف کیڑوں کے کاٹنے کے لیے استعمال کریں، متاثرہ جگہ پر اس پیسٹ کا استعمال سرخی اور خارش کو ختم کردیتا ہے۔
سلور کے برتنوں کو چمکائیں
سلور کے برتنوں کی چمک ماند ہوجانے کی صورت میں دودھ مددگار ثابت ہوتا ہے، ایک کپ میں ایک چمچ سرکہ ڈالیں اور پھر اس کو دودھ سے بھر دیں۔ اس دودھ کو اپنے سلور کے برتنوں پر ڈال دیں اور آدھے گھنٹے تک کے لیے چھوڑ دیں، اس کے بعد صابن ملے گرم پانی سے دھو لیں۔ آخر میں برتنوں کو نرم کپڑے سے صاف کرلیں وہ بالکل نئے کی طرح چمکنے لگیں گے۔
خراب لیدر شوز کو نیا بنائیں
اپنے پسندیدہ خستہ حال لیدر شوز کو ایک بار پھر نئے جیسا بنانے کے لیے ایک کپڑے کو دودھ میں بھگوئیں اور نرمی سے جوتوں کو اس سے صاف کریں۔ دودھ کو خشک ہونے دیں اور پھر ایک اور نرم کپڑے سے اسے صاف کرلیں۔ آپ اس کی خستہ حالی اور نشانات غائب دیکھ کر حیران رہ جائیں گے۔
چینی کے برتنوں کی مرمت
اگر آپ کے چینی کے برتن وقت کے ساتھ کمزور ہونے لگے ہیں یا ان پر دراڑیں نمایاں ہونے لگی ہیں تو آپ ان معمولی کریکس کو دودھ کی مدد سے ٹھیک کرسکتے ہیں۔ ایک برتن کو تازہ یا پاؤڈر سے بنے دودھ سے بھریں اور پلیٹوں کو اس میں بھگو کر ابالنے کے لیے چولہے پر رکھ دیں، دھیمی آنچ پر دودھ کو 40 سے 45 منٹ تک ابلنے دیں، جس کے بعد پلیٹ کو نکال دیں، آپ دیکھیں گے کہ اس پر موجود دراڑیں غائب ہوگئی ہیں۔
پسینے کی بو سے نجات حاصل کرنے کے ٹوٹکے
میک اپ اتاریں
روئی کی کچھ مقدار کو بادام کے دودھ میں بھگوئیں اور اپنے چہرے پر پھیر کر میک کو صاف کرلیں، اس عمل کے نتیجے میں جلد بھی ملائم ہوگی۔
شیونگ کریم بنائیں
دودھ شیونگ کریم کا بہترین متبادل بھی ثابت ہوتا ہے جس کی وجہ اس میں موجود کریم ہوتی ہے، جبکہ یہ جلد کو بھی سکون پہنچاتا ہے جو ایسے افراد کے لیے فائدہ مند ہے جنھیں شیونگ کے بعد خارش کی شکایت ہوتی ہے۔ پانی اور دودھ کو ملا کر ایک پیسٹ بنائیں اور پھر اسے ضرورت پڑنے پر استعمال کریں۔
جلد کا علاج
اگر آپ کی جلد معمولی سے جل گئی ہے تو ایک کپڑے کو دودھ میں بھگو کر متاثرہ جگہ پر 15 منٹ تک لگائے رکھیں یا ہاتھ یا پیر پر جلنے سے ہونے والے زخم کو دودھ کے ایک ڈونگے میں 15 منٹ تک کے لیے بھگو دیں۔ یہ عمل چند گھنٹوں کے لیے کئی بار دہرائیں تاکہ زخم کا علاج اور درد ہوسکے۔ دودھ میں موجود ہائی فیٹ اور پروٹین جلد کے ٹھیک ہونے کے عمل کو تیز کردیتے ہیں جبکہ اس کے نتیجے میں جلد ٹھنڈی ہوجاتی ہے جس سے زخم تیزی سے صحیح ہونے لگتا ہے۔
