برج جوزا کی شخصیت کے راز
(Gemini) اس اسٹار کے لوگ تخلیقی صلاحیت رکھنے والےاور ہر طرح کے حالات میں ڈھل جانے والےہوتے ہیں۔ برج جوزا میں خامی یہ ہوتی ہے کہ وہ سطحی رویہ رکھتے ہیں اور کسی بھی کام سے جلدی بور ہو جاتے ہیں ۔برج جوزا افراد کی شخصیت کے بارے میں دیگر حقائق مندرجہ ذیل ہیں:
آزادی پسند جوزا:
جوزا (Gemini)افراد آزاد خیال ہوتے ہیں وہ کسی زور اور زبردستی سے جھکنا نہیں جانتے ۔ وہ دنیا کو اپنی نظروں سے دیکھنا چاہتے ہیں ۔ زندگی میں تبدیلیاں اور آزادی ان کے لیے نہایت ضروری ہے۔ وہ کسی کو اپنے اوپر حاوی نہیں ہونے دینا چاہتے ۔ وہ حد سے زیادہ آزاد خیال ہوتے ہیں اور آزادی ان کی ذہنی صحت کے لیے نہایت ضروری ہے۔
جوزا اور دوستی:
جوزا کی دوستی نہایت دلچسپ اور مزیدار ہوتی ہے وہ چاہتے ہیں کہ جس سے بھی ملیں اسے ہمیشہ یاد رہیں۔ یہ ایک جگہ ٹک کر رہنے والے نہیں ہوتے اور لمبے عرصے کے لیے غائب ہوجاتے ہیں اور نئے دوست بنالیتے ہیں لیکن جب یہ واپس آتے ہیں تو اپنے ساتھ نئی معلومات دلچسپ باتیں اور نئے خیالات لاتے ہیں ۔
جوزا (Gemini)دوست کے ساتھ دوستی نہایت دلچسپ ہے اگر آپ کو کسی مشورے کی ضرورت ہو تو جوزا دوست آپ کو اچھا مشورہ دے سکتا ہے ۔ یہ لوگ گفتگو کے ماہر ہوتے ہیں اور ہر نئے موضوع پر بات کرسکتے ہیں جوزا لوگ دوستوں سے نہایت مخلص ہوتے ہیںاور ان سے ہر بات شئیر کرتے ہیں۔
جوزا اور کام :
جوزا افراد ایک وقت میں کئی کام کرنا چاہتے ہیں ان کی توجہ کسی ایک کام پر نہیں ہوتی یہی وجہ ہے کہ بہت سے کام ادھورے چھوڑ دیتے ہیں۔ اگر وہ اپنی پوری توجہ اور توانائی کسی ایک کام پر صرف کریں تو اپنی ذہانت اور چالاکی کے ذریعے اسے کامیابی کے ساتھ پورا کرلیتے ہیں۔
یہ اچھے منتظم ہوتے ہیں اور اپنے ماتحتوں سے اچھی طرح کام لے سکتے ہیں اور اپنی حاضر جوابی کے ذریعے لوگوں کو آسانی سے قائل بھی کرلیتے ہیں۔
جوزا افراد کا مزاج:
جوزا (Gemini) افراد کسی بھی صورت حال کا فوری رد عمل دیتے ہیں جس کے نتیجے میں وہ اکثر پریشان ہوجاتے ہیں ۔ ان کے ارد گرد جو کچھ ہوتا ہے۔ اسے سہے جاتے ہیں یہی وجہ ہے کہ انھیں ایسے حالات اور لوگوں سے واسطہ پڑتا رہتا ہے جو ان کی پریشانی میں اضافہ کردیتے ہیں۔
لیکن کبھی ایسا بھی ہوتا ہے کہ جب جوزا افراد بور ہوتے ہیں اور ان کے پاس کرنے کو کچھ نہیں ہوتا تو وہ بھی جھنجھلاجاتے ہیں اور ماحول سے فرار چاہتے ہیں۔
وہ بھی دلچسپی کا سامان چاہتے ہیں ۔ جوزا افراد کا دوہرا مزاج ہوتا ہے جس میں جذبات کا مستقل اتار چڑھائو ہوتا رہتا ہے۔
جوزا کی سطحی نظر :
جوزا افراد کی ایک خامی یہ بھی ہے کہ یہ کسی فرد کی اصل خوبیوں کو جاننے کے بجائے اس کے ظاہری رویے پر غور کرتے ہیں اور اس کے بارے میں رائے قائم کرتے ہیں۔
یہ غلط تاثر اکثر تعلقات کی خرابی کا باعث بنتا ہے ۔ جوزا افراد اندر سے خوفزدہ یا دل گرفتہ بھی ہوتے ہیں لیکن یہ اپنے احساسات کسی پر ظاہر نہیں ہونے دیتے ۔ سوائے اپنے بہت قریبی دوستوں یاگھر والوں پر وہ چاہتے ہیں کہ ہر ایک کو لگے کہ وہ خوش وخرم ہیں او رکبھی پریشان نہیں ہوتے۔
جوزا افراد کو کیسے متاثر کریں:
جوزا افراد کو متاثر کرنے کے لئے آپ کا گفتگو کا شوقین ہونا ضروری ہے اس کے لئے آپ کی معلومات بھی بہت زیادہ ہونا چاہئے کیونکہ جوزا افراد نہایت ذہین ہوتے ہیں اور کافی معلومات رکھتے ہیں۔اگر آپ کسی چیز میں ماہر ہیں تو اس کے بارے میں انھیں بتائیں۔اس طرح آپ انھیں متاثر کرسکتے ہیں ۔
ان سے دوستانہ گفتگو کریں اور کبھی بھی مخالف بات نہ کریں کیونکہ ایسی باتوں سے یہ جلد اکتا جاتے ہیں۔جوزا افراد سے ہمیشہ مخلص اورایماندار رہیں کیونکہ ایک مرتبہ ان کے اعتماد کو ٹھیس پہنچ جائے توپھر کبھی بھروسہ نہیں کرتے۔
(Gemini)جوزا افرد گھومنے پھرنے اور انجوائے کرنے کہیں بھی جاسکتے ہیں۔کسی بھی ٹرپ کو انجوائے کرنے کے لئے جوزا افراد آپ کے بہترین ساتھی ثابت ہونگے۔
