ہم چاہتے ہیں کہ ہماری زندگی ہمیشہ آرام و سکون سے گزرے ۔ہمیں کبھی بھی کسی طرح کی پریشانی کا سامنا نہ کرنا پڑے ۔لیکن اس کے برعکس انسانی زندگی میں نشیب وفراز تو آتے ہی رہتے ہیں ۔پرسکون زندگی میں ایسا وقت بھی آتا ہے جسے گزارنا مشکل ہو جاتا ہے ۔ایسا بھی ہوتا ہے کہ ہم امتحان کی جیسی تیاری کرتے ہیں ویسے نمبر نہیں آ پاتے یا آفس میں اچھی کارکردگی کے باوجودترقی نہیں ہوپاتی اورجب ہمیں ناکامی کا سامنہ کرنا پڑتا ہے تو ہم مایوس ہو جاتے ہیں ۔ناکامی کا سامنا اس طرح کریں کہ یہ آپ کے اندر اور زیادہ محنت کرنے کی لگن پیدا کردے ۔

ناکامی کا سامنا کرنے کے طریقے:

ناکامی کو قبول کیجئے:

ناکامی کے بعد آپ خودکو غیر محفوظ سمجھنے لگتے ہیں اور کبھی تو بیماربھی ہوجاتے ہیں۔اگر آپ صرف آسانیوں کے ہی عادی ہیںتو اس سے نمٹنا خاصا مشکل ہوجاتا ہے۔اس کے لئے سب سے پہلے تو اپنی ناکامی کا اعتراف کرنا ہے۔اس بات کو بھی اپنے ذہن سے قبول کیجئے کہ کوئی بھی چیز ہمیشہ بالکل صحیح نہیں ہو سکتی اور اگر کچھ غلط ہوا ہے تو وہ ہمیشہ نہیں رہے گا ۔اس لئے اسی بات پر افسوس ہی نہ مناتے رہیں کہ آپ کے ساتھ جو ہوا وہ غلط ہوا ہے۔اس بات کو مانیں کہ آپ کی زندگی میں آنے والی پریشانیاں وقتی ہوتی ہیں جوایک وقت پر آکر ختم ہو جاتی ہیں اور حالات پھر سے بہتر ہو جاتے ہیں ۔وہ کہتے ہیں نہ کہ اندھیرے کے بعد پھر اجالا ہوتا ہے۔

مثبت سوچ رکھیں :

اپنی ناکامی کے بارے میں مثبت انداز میں سوچیں ۔صرف اپنی غلطیوں کے بارے میں ہی نہ سوچتے رہیں ۔لیکن جب سیکھنے کا وقت ہو تو اپنی غلطیوں کو ضرورمد نظر رکھیں۔تاکہ اگر آپ کے ساتھ دوبارہ ایسا ہو تو آپ کو پتہ ہو کہ اس موقع پر آپ کا طرز عمل کیا ہونا چاہئے۔

اب آپ کی کیا ذمہ داری ہے:

نوجوانی میں ناکامی کا سامنا کرنا اور زیادہ مشکل ہوتا ہے۔مثال کے طور پر اگر آپ کے امتحان کا نتیجہ خراب آیا ہے۔تو آپ کو دیکھنا ہوگا کہ آئندہ کیا تبدیلی لانی ہے۔اچھی کامیابی کے لئے پڑھائی کا انداز بدلنا پڑے گا اورزیادہ سخت شیڈول بنانا ہوگا ۔آپ کو یہ بھی جاننا ہوگا کہ کیا چیز آپ کے لئے نقصان کا باعث بنی اور آپ کہاںکم زور پڑے۔اس طرح آپ اپنے قدم جما کر کھڑے ہوسکیں گے اور ناکامی کا سامنہ کرنا آپ کے لئے نہایت آسان ہو جائے گا ۔

اپنادھیان بٹائیں:

اگر آپ کو ناکامی کا سامنا ہوہی گیا ہے اور آپ اس کے لئے کچھ بھی نہیں کرسکتے تو اس کو لیکر پریشان ہونے کے بجائے اپنا ذہن دوسری طرف لگائیں ۔اپنی پریشانی کو بالکل چھوڑکر ایسا کام کرنا شروع کردیں جس سے آپ کو خوشی حاصل ہو۔جوگنگ یا سائیکلنگ کریں تاکہ آپ کے سارے جذبات پسینے کے ساتھ بہہ جائیں کیونکہ اگر آپ پریشانی میں بستر کا سہارا لیں گے تومعمولی پریشانی بھی بہت بڑی لگنے لگے گی۔

ہر بات میں مصلحت ہوتی ہے:

ناکامی سے نمٹنے کا سب سے بہترین طریقہ یہ ہے کہ اس بات کو ذہن میں رکھئے کہ ہر کام میں کوئی نہ کوئی مصلحت ہوتی ہے۔ایک وقت پر ہونے والی ناکامی آگے جاکرہمارے لئے کامیابیوں کے دروازے بھی کھول دیتی ہے۔بشرطیکہ کہ اس سلسلے میں ہمارا مثبت ذرائع سے واسطہ پڑتا رہے۔

مزید جانئے :یوگا کے حیرت انگیز فوائد

The post اپنی ناکامی کاسامنا بہادری سے کیجئے appeared first on ایچ ٹی وی اردو.

فشار خون یا بلڈ پریشر کو خاموش قاتل قرار دیا جاتا ہے جو شریانوں سے جڑے امراض جیسے ہارٹ اٹیک یا فالج کا خطرہ جان لیوا حد تک بڑھا دیتا ہے، تاہم کیا آپ جانتے ہیں کہ آپ اس مسئلے سے ادویات کی بجائے مفت بھی قابو پاسکتے ہیں۔ جی ہاں یہ بات ایک طبی تحقیق میں سامنے آئی ہے ، جس کے مطابق بلڈ پریشر کے مسئلے سے صرف سیڑھیاں چڑھ کر بھی نمٹا جاسکتا ہے۔

تحقیق کے مطابق سیڑھیاں چڑھنے کی عادت ہائی بلڈ پریشر کو معمول پر لانے کے ساتھ ساتھ درمیانی عمر کے افراد کی ٹانگوں کو بھی مضبوط بناتی ہے۔تحقیق میں بتایا گیا کہ درمیانی عمر کی خواتین کے ہارمونز کے نظام میں تبدیلیوں سے عضلاتی اور مسلز کے مسائل کا خطرہ بڑھتا ہے، تاہم سیڑھیاں چڑھنے کو عادت بناکر ورزش کے فوائد حاصل کیے جاسکتے ہیں۔

اس بارے میں جانئے : سوئمنگ سے بلڈ پریشر کا علاج کریں

تحقیق میں یہ بھی بتایا گیا کہ اس عادت کے نتیجے میں خون کی شریانوں میں ہی بہتری نہیں آتی بلکہ بلڈ پریشر میں کمی اور شریانوں کی اکڑن کم ہوتی ہے، شریانوں پر چربی کم ہوتی ہے، ہڈیوں کا بھربھرا پن جیسا مرض بھی دور ہوتا ہے۔

تحقیق کے مطابق طرز زندگی میں ایک معمولی سی تبدیلی جیسے سیڑھیاں چڑھنا عمر بڑھنے سے عضلاتی نظام اور ٹانگوں کے مسلز پر مرتب ہونے والے منفی اثرات کو کم کرنے میں مدد دیتا ہے۔

ایک تحقیق کے دوران درمیانی عمر کی خواتین کا جائزہ لیا گیا جو کہ ایک ہفتے میں چار دن 192 سیڑھیاں دن بھر میں دو سے پانچ بار چڑھتی اترتی تھیں۔نتائج سے معلوم ہوا کہ اس عادت کے نتیجے میں بلڈ پریشر اور شریانوں کی اکڑن میں کمی آئی جبکہ ٹانگوں کی مضبوطی میں اضافہ ہوا۔

اس بارے میں پڑھئے : دھوپ بلڈ پریشر کنٹرول کرنے کا بہترین ذریعہ

The post سیڑھیاں چڑھنا بلڈ پریشر کے مریضوں کے لئے فائدہ مند ہے ؟ appeared first on ایچ ٹی وی اردو.