اب صبح اٹھیں بنا الارم کے !
اکثر لوگوں کو یہ شکایت کرتے دیکھا گیا ہے کے انہیں رات کو نیند نہیں آتی جس کے نتیجے میں چاہتے ہوئے بھی صبح جلدی اٹھنا ایسے افراد کے لئے نہ ممکن ہو جاتا ہے چند ایسی عادتیں ہیں جن سے جان چھڑا کے آپ اپنی صبح جلدی اٹھنے کی عادت کو یقینی بنا سکتے ہیں ۔
1۔لیٹ کر سوچنا چھوڑیں
رات کو بستر پر دن بھر کی پریشانیوں کا حل سوچنا ایک غلط عمل ہے۔
یہ عمل آپکی نیند کو متاثر کر سکتا ہے۔ رات کی پر سکون نیند پوری نہ ہوگی تو صبح جلدی اٹھنا بھی ممکن نہیں ہو سکتا اس لئے بستر پر جانے سے پہلے دن بھر کی پریشانیوں کو بھول جائیں ۔
2۔کمرے میں اندھیرا رکھیں
کمرے میں موجود روشنی آپکی نیند کو متاثر کرتی ہے۔ اس لئے سونے سے پہلے روشنی کو بلکل مدھم کر دیں ۔جب روشنی بلکل مدھم یابند ہوگی تو آنکھیں دماغ کو سونے کا اشارہ دینگی۔ موبائل فون اور دیگر گجیٹ سے بھی بلکل اجتناب کریں۔
ان سے نکلنے والی روشنی نہ صرف آپکی نیند کو متاثر کرتی ہے ْبلکے آپکی آنکھوں کی کمزوری کی وجہ بھی بنتی ہےْ اس لئے اس عادت سے جان چھڑا لینا بہتر عمل ہے ۔
3۔الارم بند کرکے دوبارہ مت سوئیں
اکثر لوگ صبح جلدی اٹھنے کے لئے الارم لگا کے سوتے ہیں لیکن الارم بجنے پر اسکو بند کر کے دوبارہ سو جاتے ہیں ۔
ماہرین کے مطابق الارم بند کرنے کے بعد دوبارہ سونے سے آپ مزید گہری نیند میں چلے جاتے ہیں اور جب آپ اٹھتے ہیں تو خود کو تھکا ہوا محسوس کرتے ہیں اس لئے الارم بجنے پر اسے بند کر کے سونے کے بجائے اٹھ جائیں ۔
4۔ناشتہ ضرور کریں
ہمارا جسم بیالوجیکل کلاک کے تحت کام کرتا ہے۔ ناشتے سے دن کا آغاز کرنا ایک بہترین عمل ہے۔ ناشتے سے دن کے آغاز کی صورت میں بیالوجیکل کلاک کا آغاز ہو جاتا ہے اور جسم اگلی نیند کے لئے گھنٹے کی گنتی شروع کر دیتا ہے۔
دماغی کشیدگی کو کم کرنے کے لئے بھی ناشتہ بہت ضروری ہے۔ اس لئے ایسے افراد جو ناشتہ نہیں کرتے دن بھر تھکاوٹ کا شکار رہتے ہیں ۔
5۔رات میں میٹھا نہ کھائیں
اکثر لوگ رات کو کھانے کے بعد میٹھے کا استعمال کرتے ہیں یہ کھانوں میں جنک فوڈ وغیرہ کا انتخاب کرتے ہیں۔ ماہرین کے مطابق رات کے کھانے کے لئے ہمیشہ کم کیلوریز والی غذاؤں کا انتخاب کریں۔
اگر آپ میٹھا یہ جنک فوڈ کھانے کے شوقین ہیں تو سونے سے کم سے کم تین گھنٹے پہلے تک کھا لیں ۔
6۔سونے کا وقت مقرر کریں
سونے اور اٹھنے کے وقت کو مقرر کریں ۔ اس بات کو یقینی بنائیں کے آپ وقت مقررہ پر بستر پر لیٹ جائیں یہ عمل بیالوجیکل کلاک کے کام کرنے کے صلاحیت میں اضافہ کریگا اور آپ کو رات کو سونے اور صبح جلدی اٹھنے میں کسی بھی قسم کی پریشانی کا سامنا نہیں کرنا پڑے گا۔
