چہرےکوکیل مہاسوں سےبچانے کے منفرد ٹوٹکے

1,847

چہرہ آپ کی شخصیت کی عکاسی کرتا ہے ۔ چہرے کی خوبصورتی موسمی اثرات اور ماحولیاتی آلودگی سے ماند پڑ جاتی ہے۔ داغ دھبے دانے اور کیل مہاسے چہرے کی جلد کو بدنما بنا دیتے ہیں۔ اکثر لوگ داغ دھبوں اور کیل مہاسوں سے نجات حاصل کرنے کے لئے بازار میں موجود مہنگی کریموں اور لوشن کا سہارا لیتے ہیں لیکن بہتر یہ ہی ہے کے پہلے گھریلو ٹوٹکوں کا استعمال کیا جائے۔
صدیوں سے خواتین گھریلو ٹوٹکوں کی مدد سے ہی داغ دھبوں اور کیل مہاسوں سے چھٹکارا حاصل کرتی آئیں ہیں۔ایسے ہی چند ٹوٹکے آئیے ہم بھی آپ کو بتاتے ہیں:

 

ہرا دھنیا

٭ ایک چمچ ہرے دھنیے کے رس میں ایک چٹکی ہلدی اور دو قطرے زیتون کا تیل شامل کریں۔
٭ چہرے کو دھو کر کسی نرم کپڑے سے خشک کرنے کےبعد اس آمیزے کو دانوں پر لگائیں۔
٭ یہ عمل دو ہفتے تک دن میں ایک بار کریں ۔
٭ چہرے سے دانے ختم ہو جائے گے۔ ہرا دھنیا ہمیشہ تازہ استعمال کریں۔

 

دہی کا پیسٹ

٭ اپنے چہرے کو صاف پانی یا عرقِ گلاب سے اچھی طرح دھوئیں۔
٭ اسکے بعد تھوڑے سے دہی سے چہرے کی کلینزنگ کریں۔
٭ اسکے بعد ایک چمچ بیسن میں ایک چمچ دہی چٹکی بھر ہلدی اور چند قطرے لیموں کا رس شامل کر کے چہرے پر لگائیں۔
٭ پندرہ منٹ بعد دھو لیں اس ٹوٹکے کو ہفتے میں ایک بار لازمی استعمال کریں ۔

 

ملتانی مٹی

ملتانی مٹی کا پیسٹ بنا کے جلد پر لگانے سے دانوں اور کیل مہاسوں کا خاتمہ ہو جاتا ہے۔ یہ ماسک چکنی جلد والے افراد کے لئے نہایت موثر ثابت ہوتا ہے ۔

 

انڈے کی سفیدی

انڈے میں سے زردی ہٹا کے صرف سفیدی کو اچھی طرح پھینٹ کے چہرے پر پندرہ منٹ تک لگائیں۔ چہرے کے دانے چند دنوں میں ہی صاف ہو جائیں گے۔

 

ایلو ویرا

ایلو ویرا کا گودا چہرے پر لگائیں اور خشک ہونے پر منہ دھو لیں۔ایلو ویرا خشک جلد کو نہ صرف موائسچرائز کرتا ہے بلکہ مساموں میں موجود اضافی جراثیم کو مارنے میں بھی مدد کرتا ہے۔اس کے استعمال سے آپ کی جلد کی خشکی بھی ختم ہو جائیگی اور آپ کے دانے بھی کم ہو جائیں گے۔

 

پودینہ اور دھنیے کا جوس

پودینے یا دھنیے کو ایک چمچ رس میں تھوڑی سی ہلدی شامل کر کے رات کو دانوں پر لگا کے سو جائیں۔ صبح صاف پانی یاعرقِ گلاب سے جلد کو دھو لیں ۔دانے اور دانوں سے چہرے پر پڑ جانے والے نشانات ختم ہو جائیں گے۔

 

بیکنگ سوڈا

٭ ایک حصہ بیکنگ سوڈا اور دو حصے نیم گرم پانی لے کر ایک لیپ سا بنا لیں۔
٭ اگر شہد ملا لیں تو یہ اور بھی اچھا ہے۔
٭ اب اسے دانوں پر لگائیں اور دس منٹ بعد اپنا چہرہ دھو لیں۔

 

نمک اور لیموں

٭ آدھے چمچ نمک میں دو چمچ لیموں کا رس شامل کریں۔
٭ اچھی طرح مکس کر کے دانوں پر لگائیں آدھے گھنٹے تک لگا رہنے دیں۔

اس کو لگانے کے بعد سورج کی شعاؤں سے جلد کو بچائیں۔ یہ صرف دانوں کا خاتمہ ہی نہیں کرے گا بلکہ چکنے چہرے کی چکنائی کو بھی ختم کر دے گا۔

تبصرے
Loading...

Connection Information

To perform the requested action, WordPress needs to access your web server. Please enter your FTP credentials to proceed. If you do not remember your credentials, you should contact your web host.

Connection Type