کیا آپ کی داڑھی صاف ہے یا جراثیم اور بیکٹیریا کی آماجگاہ بن رہی ہے؟اورکیا آپ جانتے ہیں کہ مردوں کی داڑھی میں بھی وہی جراثیم ہوتے ہیں جو ٹوائلٹ میں پائے جاتے ہیں ۔یہ بات صحیح ہے یا غلط یہ جاننے کے لئے آپ یہ آرٹیکل پڑھ سکتے ہیں ۔
ہلکی داڑھی ہو گھنی ، آجکل مردوں میں اسکا فیشن عام ہے۔ ایک حالیہ تحقیق کے مطابق ،داڑھی میں خاص قسم کے بیکٹیریا ہوتے ہیں جو نئے اینٹی باڈیز میں تبدیل ہونے کی صلاحیت رکھتے ہیں۔یہی وجہ ہے کہ داڑھی کو جراثیم سے پاک رکھنے کے لئے پابندی کے ساتھ تراشنے کی ضرورت ہوتی ہے۔

کیا داڑھی میں جراثیم ہوتے ہیں؟

ایک تحقیق (جس میں کئی مردوں کی داڑھیوں کا جائزہ لیا گیا)سے پتہ چلا ہے کہ عام طور پر لمبی داڑھی اینٹیرک بیکٹیریا سے گھری ہوئی ہوتی ہے جو انسانی فضلے میں موجود ہوتے ہیں ۔گھبرائیے نہیں۔ایسی بہت سی دوسری تحقیقات ہیں جو اوپروالی تحقیق کی تردید کرتی ہیں۔
تحقیق سے یہ بھی پتہ چلتا ہے کہ داڑھی والے مردوں کے مقابلے میں کلین شیو مردوں کی تھوڑی کو اینٹیرک بیکٹیریا کا زیادہ خطرہ ہوتا ہے۔یہ جراثیم ہماری میز،کرسی ،کچن کے سلیب اور کوئی بھی سطح جسے ہم اکثر چھوتے رہتے ہیں ،پر موجود ہوتے ہیں ۔عام طور پر یہ ہمیں کوئی نقصان نہیں پہنچاتے ۔حقیقت میں لاکھوں جرثومے ہمارے جسم کے اندر اور باہر موجود ہوتے ہیںجو ہمارے صحت کے لئے نقصان دہ نہیں ہوتے ۔اینٹیرک بیکٹیریا بھی ان میں سے ایک ہیں ۔

کیا اس کے لئے شیو کرنا چاہئیے؟

اس سلسلے میںایسا کوئی ثبوت نہیں ملتا جوجراثیم سے بچانے کے لئے شیو کرنے پر مجبور کردے۔زیادہ اہم بات یہ ہے کہ کسی قسم کے بیکٹیریا کی روک تھام کے لئے داڑھی کے ارد گرد صفائی کا خاص خیال رکھا جائے۔لہٰذا جتنے عرصے آپ اپنی داڑھی کی صفائی کا خیال رکھیں گے آپ بھی بغیر داڑھی والوں کی طرح کسی قسم کی بیماری سے محفوظ رہیں گے ۔

کیا یہ جرثومے ہماری صحت کے لئے مفید ہیں؟

ہمارے جسم میں مختلف اقسام کے بیکٹیریا موجود ہوتے ہیں جو اہم کام انجام دیتے ہیں ۔اسی طرح دوسرے جراثیم بھی ہماری صحت کے لئے مفید ہوتے ہیں ۔بلاشبہ بعض اوقات اچھی صحت کے لئے ہمیں بیکٹیریا کی ضرورت ہوتی ہے۔

اپنی داڑھی کا اس طرح خیال رکھیں :

داڑھی کو بیکٹیریا سے پاک رکھنے کے لئے ان مشوروں پر عمل کریں۔
۔دارھی کو شیمپو اور کنڈیشنر سے اسی طرح دھوئیں جیسے آپ اپنے سر کے بالوں کو دھوتے ہیں۔
۔داڑھی کو اچھی طرح تراشیں۔تراشنے سے داڑھی کے پھٹے ہوئے سرے کٹ جائیں گے اور بالوں کی اچھی نشونماء ہوگی۔
۔ اپنے کھانے کا انداز درست کریں تاکہ کھانا آپ کی داڑھی پر نہ لگے۔
ان دنوں داڑھی فیشن کا حصہ بن چکی ہے ۔ضرور رکھئے،کیونکہ اس میں کوئی نقصان نہیں ۔بس صحت کے حوالے سے آپ کے بالوں کی طرح داڑھی کو بھی خصوصی توجہ کی ضرورت ہوتی ہے۔جراثیم سے بچائو کے لئے داڑھی کو روزانہ دھوئیں اور تراشیں ۔داڑھی کو نرم بنانے کے لئے تیل یا موائسچرائزر کا استعمال کر سکتے ہیںاور جراثیم سے پاک رکھنے اور صحت مند بنانے کے لئے روزانہ سنواریں۔

The post آپ کی داڑھی کتنی صاف ہے؟ appeared first on ایچ ٹی وی اردو.

ایک بار کسی ماہر کینسر نے مجھ سے کہا تھا ،ـ’اگر مجھے اپنے لیئے کسی کینسر کا انتخاب کرنا پڑے۔۔۔تو میں پروسٹیٹ (prostate cancer) کینسر کا انتخاب کروں گا۔‘
پروسٹیٹ یعنی مثانے کا کینسر مردوں میں ہونے والا سب سے عام کینسر ہے ۔ البتہ اس کے باعث ہونے والی اموات کی شرح محض دس فیصد ہے ۔

پروسٹیٹ کینسر (prostate cancer) کو سمجھنے کے لئے اس کے اسٹرکچر کو سمجھنا بے حد ضروری ہے ۔ پروسٹیٹ گلینڈ (مثانے کی غدود) مرد کے تولیدی نظام کا حصہ ہے۔ اس میں سے جو سیال خارج ہوتا ہے وہ سیمن بناتا ہے ۔ یہ مثانے کے نیچے اور مقعد کے پیچھے ہوتا ہے ۔ یہ غدود پیشاب کی نالی کو گھیرے ہوئے ہوتی ہے جس سے پیشاب اور سیمن خارج ہوتا ہے ۔ اس کا سائز بڑا ہونے سے پیشاب کی نالی دب جاتی ہے ۔ اس کی ایک علامت پیشاب کا بار بار آنا یا غیر ارادی طور پر نکل جانا بھی ہے ۔اس سے اریکشن یعنی مردانہ قوت میں کمی کی شکایت بھی عام ہے ۔

ایک صحت مند مثانہ اخروٹ کے برابر ہوتا ہے ۔ البتہ عمر کے ساتھ اس کا سائز بھی بڑھتا ہے ۔ لہٰذا ضروری نہیں کہ مثانے بڑھنا کینسر ہی کی وجہ سے ہو ۔ نہ صرف بڑھتی عمر بلکہ بی پی ایچ یا بینگن پروسٹیٹک ہائپر پلیسیا کے باعث بھی مثانے کا سائز بڑھ سکتا ہے ۔ بی پی ایچ ایک عام نوعیت کا مرض ہے جسکا علاج سرجری کے ذریعے ممکن ہے ۔

چالیس سال سے کم عمر مردوں کو پروسٹیٹ کینسر ہونے کا خطرہ کم ہی ہوتا ہے ۔ البتہ پچاس سال کی عمر کے بعد یہ خطرہ تیزی سے بڑھ جا تا ہے ۔ اس کینسر کے ساٹھ فیصد کیسز پینسٹھ سال سے زائد عمر افراد کے ہیں ۔

برُی خبر

اس کینسر کے خطرات سے بچنے یا کنٹرول کرنے کا کوئی طریقہ نہیں ہے ۔
یہ ایک موروثی مرض ہے ۔ اگر کسی کے باپ یا بھائی کو یہ مرض ہو تو ایسے شخص کے لئے خطرہ دگنا ہو جا تا ہے ۔
مثا نے کے کینسر (prostate cancer) کی علامات عموماً اس وقت ظاہر ہوتی ہیں جب تک یہ مرض پوری طرح سے پھیل چُکا ہوتاہے ۔ مثال کے طور پر اس کینسر کی ابتدائی علامات میں سے ایک کمر کا درد ہے جو کہ تب سامنے آتی ہے جس یہ کینسر ہڈیوں تک پہنچ چکا ہوتا ہے ۔ جب اس کا سائز بڑھنے کی وجہ سے ریڑھ کی ہڈی پر پریشر پڑتا ہے تو اکثر اوقات ٹانگوں میں بھی درد محسوس ہونے لگتا ہے ۔

مزید جانئے :وہ 7غلطیاں جو مستقبل میں مرووں کے لئے خطرناک ہوسکتی ہیں۔

اچھی خبر

پروسٹیٹ کینسر کے بڑھنے کی رفتار بے حد سست ہوتی ہے ۔
اس کی تشخیص کا عمل بہت آسان ہے۔ اس مقصد کے لئے دو ٹیسٹ کرائے جاتے ہیں ۔ پہلا پروسٹیٹ اسپیسفک اینٹی جن (پی ایس اے) جو کہ خون کا ٹیسٹ ہوتا ہے ۔ دوسرا ڈجیٹل ریکٹل اکزیمنشن ( ڈی آر ای جس میں معالج انگلی داخل کرکے مثانے کی غدود کے سائز کا اندازہ لگاتا ہے ۔
حتمی نتیجے پر پہنچنے کے لئے بائی پسی کرائی جاتی ہے ۔
امریکہ میں پروسٹیٹ کینسر کا شکار 99فی صد افراد پانچ سال تک جی پاتے ہیں ۔

علاج

مثانے کے کینسر کا علاج اس بات پر معین ہے کہ کینسر کس اسٹیج پر ہےیا مرض جسم میں کس حد تک پھیل چکا ہے ۔ سرجری کے ذریعے بعض مریضوں کا علاج کیا جات ہے لیکن باقی افراد سرجری کے ساتھ ساتھ کیمو تھیراپی، ریڈیو تھیراپی اور یہاں تک کے ہارمونل تھیراپی کے مراحل سے بھی گزرتے ہیں ۔
ان اچھی بڑی خبروں کے ساتھ ساتھ ٹائمنگ بھی بہت اہم فیکٹر ہے ۔ یہ ہی وجہ ہے پروسٹیٹ کینسر کی علامات کی جتنی جلدی ہوسکے تشخیص کر لی جائے تاکہ علاج ممکن ہو سکے ۔

اس آرٹیکل کو انگریزی میں پڑھنے کے لئے کلک کریں 

The post پروسٹیٹ کینسر کے بارے میں جاننا ضروری ہے appeared first on ایچ ٹی وی اردو.

ھمارے معاشرے میں مردوں کو ہی کماؤ پوت اور مضبوط جنس مانا جاتا ہے جس کے اوپر پورے خاندان کی کفالت کی ذمہ داری کے ساتھ ساتھ اس کی حفاظت بھی کرنا ہوتا ہے اس کا مطلب یہ ہے مرد گھر کی بنیاد ہوتا ہے تو اس کا صحت مند اور تندرست ہونا ضروری ہے۔مرد حضرات اپنی زندگی میں جانے انجانے میں کچھ ایسی غلطیاں سر انجام دے رہے ہیں جو مستقبل میں ان کے لئے بہت خطرناک ثابت ہوسکتی ہے۔اگر آپ مرد ہیں اور جاننا چاہتے ہیں کہ وہ غلطیاں کیا ہے تو یہ پڑھئے ۔

ڈاکٹر سے دور بھاگنا :

عام مشاہدہ ہے کہ ڈاکٹر کے پاس جانےسے انکاری ہونا تو مردون کی جنیات میں شامل ہے، اگر کچھ عرصے میں چند کلو وزن بڑھ جائے تو کیا ہوا کوئی مسئلہ تھوڑی ہے تھوڑی سی ایکسر سائز کرنی ہے اور معاملہ سیٹ ۔اور اگر جسم میں درد میں تو کیا ہوا؟ مرد کو درد تھوڑی ہوتا ہے ! ویسے یہ باتیں سننے میں تو بہت اچھی لگتی ہے لیکن کچھ سالوں بعد یہ ہی درد آپ کی صحت پر بہت برے اثرات ڈالے گا تو آپ اس وقت کچھ نہیں کرپائیں گے اور پھر آپ کی صحت بہت تیزی سے خرابی کی طرف جائے گی ۔لہذا، مشورہ یہ ہی ہے کہ طبیعت زیادہ خراب ہونے کا انتظار نہ کریں اور معالج کے سامنے طبی مسئلہ بیان کریں۔

دل کا دورہ کیا صرف عمر رسیدہ افراد کو پڑتا ہے ؟

یہ بات جاننے کے باوجودکہ یہ جان لیوا بیماری ھمارے خاندان میں موجود ہے لیکن اس کے باوجود مانتے ہیں کہ یہ صرف عمر رسیدہ افرا د کو ہوتی ہے ۔ یہ بات مردوں کو ماننی پڑے گی کہ یہ مسئلہ ۳۰ سال کی عمر میں بھی ہوسکتا ہے ۔ تو اس معاملے میں احتیاط برتی جائے اور اگر خاندان میں کارڈیک کے مسئلے سے دوچار لوگ موجود ہےآ پ کو اس معاملے میں احتیاط برتنی چاہئے ۔یہ مسئلہ عام طور پر مردوں میں ۵۰ سال کے بعد اور عورتوں میں ۶۰ سال کے بعد سامنے آتا ہے ۔

سن اسکرین سے اجتناب کیوں ؟

بہت سے مردوں کا خیال ہے کہ چہرے پر کچھ لگانا مردوں کی توہین ہوتی ہے اور یہ توصرف عورتیں لگاتی ہے ۔ لیکن شاید آپ کو یہ معلوم نہیں ہوا کہ سورج کی خطرناک شعائیں آپ کو اسکن کینسر میں مبتلا کرسکتی ہے ۔ مردوں کو مشورہ ہے کہ باہر نکلنے وقت ایس پی ایف 30کی اشیاء استعمال کریں تاکہ خطرناک شعاعوں سے محفوظ رہیں ۔

ذہنی دباؤ ؛ یہ کیا ہوتا ہے ؟

مرد حضرات اب تک یہ سمجھتے آرہے ہیں کہ ھم ذہنی اور اعصابی طور پر مضبوط ہے تو ھم کسی ذہنی دباؤ کا شکار نہیں ہوسکتے اس میں تو صرف خواتین ہی مبتلا ہوتی ہے اور یہ عورتوں کے ڈرامہ ہوتے ہیں ۔ یہ بات مردوں کے لئے ناقا بل قبول ہے کہ وہ کسی اعصابی دباؤ اور شدید ذہنی مسئلے سے دوچار ہیں اور اس کے نتائج یہ نکلتے ہیں کہ بجائے اس کو بیماری سمجھ کر ڈاکٹر سے رجوع کیا جائے وہ اس مسئلے سے چھٹکارا پانے کے لئے غلط حرکات میں مبتلا ہوجاتے ہیں جن میں سگریٹ نوشی اور منشیات کا استعمال شال ہیں ۔

پیشاب کی زیادتی :

اگر پیشاب تواتر کے ساتھ آتا ہو تو اس کو کسی بیماری کا اشارہ سمجھنے کے بجائے یہ سوچا جاتا ہے کہ پانی بہت زیادہ پیا ہے اس لئے یہ معاملات ہے ۔ جب کہ یہ ایک واضح اشارہ ہے کہ بلیڈر مسائل کا شکار ہے یا پھر ذیابیطس کا مسئلہ ہو سکتا ہے ، اس کے علاوہ کینسر کا ااشارہ یاپھر پروسٹیٹ کے بڑھنے کی نشاندہی کرتا ہے ۔ تو جب بھی یہ مسئلہ سامنے آئے تو اس کی مکمل جانچ پڑتال کی جائے نہ کہ اس کو عام مسئلہ سمجھ کر نظر انداز کردیا جائے ۔

دانتوں کے ڈاکٹر سے دور رہنا :

جس طرح مرد حضرات جنرل ڈاکٹر سےدور رہنے کو ترجیح دیتے ہیںاسی طرح وہ دانتوں کے ڈاکٹر کے بھی قریب نہیںآتے ہیں ۔ اس کی جو بھی وجہ ہو لیکن کیا آ پ کو معلوم ہے کہ دانتوں کی ڈاکٹر سے چیک اپ نہ کرانے کی وجہ سے بہت سی بیماریوں کی علامات کے بارے میں آ پ کو معلوم نہیں چلتا ۔ یہ علامات مستقبل میں ہونے والی خطرناک بیماریوں کے بارے میں آگاہ کرتی ہے ۔ اگر آپ ابھی ایک اچھے دانتوں کے ڈاکٹرز کے پاس جائیں گےتو بڑھاپا سکون سے گزر سکتا ہے ۔

گوشت کھانے کو ترجیح دینا :

یہ تو حقیقت پرمبنی بات ہے کہ مردوں کی اکثریت کھانے میں گوشت کو ترجییح دیتی ہے بجائے پھلوں اور سبزیوں کے ۔ اسی طرح مردوں کو گوشت کھلانا آسان ہوتا ہے سبزیون کی بہ نسبت۔ اگر گوشت کے ساتھ سبزی کو ملا کر بنالیا جائے جیسے کہ پالک مرغی، ٹندے گوشت، کریلے گوشت ، تو پھر مرد حضرات وہ بھی منہ بنائے بغیر کھالیتے ہیں۔ اس میں کوئی شک نہیں کہ کہ گوشت پروٹین فراہم کرتا ہے اور طاقت بھی لیکن اس کی زیادتی آپ کی صحت اور دل کے لئے مضر ہے ۔ البتہ اس کا اعتدال کے ساتھ استعمال کرنا صحت کے لئے مفید ہے ۔

ڈاکٹرز نوٹ : مر د حضرات کو بڑھتی عمر کے ساتھ امراض قلب، ذیا بیطس ، ہائپر ٹینشن ، تھائرائیڈ کے مسئلہ ، اور ہڈی کے بڑھنے کے مسائل ہوسکتے ہیں تو احتیاط کیجئے اور سالانہ چیک اپ کروائیں ۔

تحریر : قاضی طلحہ 

یہ آرٹیکل انگریزی میں پڑھنے کے لئے کلک کریں

The post وہ 7غلطیاں جو مستقبل میں مردوں کے لئے خطرناک ہوسکتی ہیں۔ appeared first on ایچ ٹی وی اردو.

30سال کی عمر (health tips)کے بعد انسان حقیقت کے قریب ہوتا جاتا ہے ۔راتوں کو جاگنا،دوستوں کے ساتھ شرارتیں کرنا اور باغی سوچ عمر بڑھنے کے ساتھ ختم ہوجاتی ہے ۔ذمہ داریاں بڑھ جاتی ہیں اورآپ اپنے پیروں پر کھڑا ہونے کے لئے اپنے کیرئیر پر ذیادہ توجہ دینے لگتے ہیں ۔
اس وقت آپ کا جسم ذیادہ مضبوط ہوتا ہے اور آپ خود کو پہلے سے ذیادہ بہتر محسوس کرتے ہیں ۔اپنی اچھی صحت کی وجہ سے مرد خود کو نظر انداز کردیتے ہیں ۔یہی وہ وقت ہوتا ہے جب آپ کی صحت (health) پر برا اثر پڑسکتا ہے۔گھر کی ذمہ داری اور پریشانیاں بھی صحت پراثر انداز ہو سکتی ہیں ۔اس لئے اگر آپ اپنی صحت 30اور 40کی دہائی میں بھی اچھی رکھنا چاہتے ہیں تو ان مشوروں  (health tips)پر عمل کریں ۔

یوگا کریں :

لڑکپن میں تو آپ کا جسم کھیل کود اور بھاگ دوڑ کا عادی ہوتا ہے لیکن30سال کی عمر کے بعد اکثر مرد اپنا ذیادہ وقت بیٹھ کر کام کرنے میں گزارتے ہیں ۔ویسے بھی۳۰ سال کی عمر کے بعد جسم کے مسلز اور ٹشوز چھوٹے ہو جاتے ہیں۔آپ کے جسم میں وہ لچک باقی نہیں رہتی اس لئے ضروری ہے کہ یوگا کیا جائے۔اس سے جسم میں کھنچائو ہوگا اوربلڈ پریشر،دل کی دھڑکن اور اسٹریس پر قابو پانے میں مدد ملے گی۔

پروسٹیٹ پر توجہ رکھیں :

دس ہزار میں سے ایک مرد کو 40سال کی عمر کے اندر پروسٹیٹ کینسر کا خطرہ ہوسکتا ہے۔اس لئے ضروری ہے کہ اس طرف بھی دھیان دیا جائے۔جتنی جلدی اس مرض کی پکڑ ہوگی اتنا ہی بہتر اس کا علاج ہوگا ۔اگر یہ علامات دیکھیں تو ڈاکٹر سے رابطہ کریں ۔

۔جنسی کمزوری
۔پیشاب یا انزال کے وقت درد ہونایا خون آنا
۔خاص طور پر رات کو پیشاب ذیادہ آنا
۔پیشاب خارج کرنے اور روکنے میں تکلیف ہونا

کم کھائیں:

30سال کی عمر کے بعد جسم میں چربی کا اضافہ ذیادہ آسانی سے ہوتا ہے۔۳۰سال کی عمر کے بعدجسم کے استعمال میں ہر سال ۱۲ کیلوریز کی کمی ہوتی جاتی ہے۔اس لئے ضروری ہے کہ اپنی غذا کو مناسب رکھیں اس کے لئے آپ کو اپنی پسند کی چیزیں چھوڑنا تو نہیں پڑیں گی لیکن کم ضرور کرنا پڑیں گی۔

ٹیسٹس ٹرون لیول معلوم کرتے رہیں :

تحقیق کے مطابق 30 سال کی عمر کے بعد ہر سال ٹیسٹس ٹرون لیول ایک فیصد کم ہوتا رہتا ہے۔آپ میں بھی یہ لیول کم ہو سکتا ہے لہٰذا اگر ان علامات کا سامنا ہو توڈاکٹر سے رابطہ کریں ۔
۔خود اعتمادی میں کمی
۔بے خوابی اور ڈپریشن
۔قوت میں کمی اور بیزاری۔
۔جنسی طاقت میں کمی
اگر آپ میں یہ علامات ظاہر ہوں تو فو ری طور پر بلڈ ٹیسٹ کرائیں اور ڈاکٹر سے ابطہ کریں۔

مزید جانئے : مردوں کے 10مسائل اور ان کا حل

ڈاکٹر سے چیک اپ کراتے رہیں:

کہا جاتا ہے کہ ۳۰ سال کی عمر کے بعد ہر ۳ سال میں ایک مرتبہ چیک اپ ضرور کرانا چاہیئے۔تاکہ صحت کے مسائل جیسے ہائی بلڈ پریشراور کولیسٹرول بڑھنے کی صورت پر نظر رکھی جائے۔
ایک اور مسئلہ جس کے لئے آپ کو محتاط رہنا چاہئے وہ ٹیسٹی کیولر کینسر ہے۔اگر اس کی علامات ظاہر ہوں تو فوری طور پر ڈاکٹر سے رجوع کریں ۔
۔ٹیسٹی کلز میں درد
۔پیٹ یا رانوں کی جڑوں میں درد ہونا
۔غنودگی
۔اسکروٹم میں بھاری پن ہونا
روزانہ ورزش کریں:
۳۰ سال کی عمر کے بعد مسلز کو بڑھانے کے بجائے جسم کو طاقتور بنانے پر توجہ دیں ۔اس کے لئے مشقت والی ورزش کے بجائے ہلکی ورزش کی جائے۔

ہڈیوں کی صحت کا خیال رکھیں:

اس عمر میں اکثر لوگوں کی ہڈیاں کمزور ہونے لگتی ہیں ۔اس کے لئے ہڈیوں کا ڈیوول انرجی ایکسرے کرانا چاہئے تاکہ ہڈیوں کی صحت کے بارے میں پتہ رہے۔ایسے افراد جو کم چلتے پھرتے ہیں ،سگریٹ نوشی کرتے ہیں یاجن کی فیملی میں گٹھیا کی بیماری ہوتی ہے ان کی ہڈیوں کو فریکچر کا ذیادہ خطرہ ہوتا ہے۔اس لئے ضروری ہے کہ 1000ملی گرام کیلشیئم کے ساتھ 400 ملی گرام وٹامن ڈی ملاکر روزانہ استعمال کیا جائے۔

زندگی کی چھوٹی چھوٹی باتوں کو انجوائے کریں:

اس عمر کے لوگ اکثر بیزاری اور ڈپریشن کا شکار ہو جاتے ہیں ۔عام طور پر یہ اسٹریس دفتر کے کاموں کی وجہ سے ہوتا ہے اور کبھی کچھ کرنے کا دل بھی نہیں چاہتا۔یہ بات یاد رکھنی چاہئے کہ اس عمر میں ہر ایک کو محنت کرنا پڑتی ہے اس لئے ضروری ہے کہ زندگی کی اچھی باتوں پر دھیان دیں ۔اپنے چاہنے والوں کے ساتھ وقت گزاریں اور زندگی کوhealth tips انجوائے کریں۔

انگریزی آرٹیکل : قاضی طلحہ 

ترجمہ : سعدیہ اویس

The post 30سال سےزیادہ عمر کے مردوں کے لئے صحت مند رہنے کے طریقے appeared first on ایچ ٹی وی اردو.

کینسرکی مختلف اقسام میںپروسٹیٹ کینسرچوتھے نمبرپرآتاہے اورمردوں کوہونے والے کینسرمیں یہ دوسرے نمبرپرہے۔زیادہ تر65 سال سے زائد عمرکے افراد اس مرض کاشکارہوتے ہیں۔ایک اندازے کے مطابق تقریباً ہردس میں سے چھ افراد اس مرض میں مبتلاہوتے ہیں۔ پروسٹیٹ کینسرکے بارے میں معلومات کی فراہمی ضروری ہے۔ ذیل میں پروسٹیٹ کینسرکے بارے میں دس نکات ہیں جن کاجانناہرمرد کے لئے ضروری ہے۔

1۔پروسٹیٹ گلینڈ

نوجوان افراد میں پروسٹیٹ ایک چھوٹے اخروٹ کے سائز کاہوتاہے اورعمرکے ساتھ اس کی جسامت قدرے بڑی ہوتی جاتی ہے۔یہ مردانہ جنسی غدود مثانہ کے بالکل ساتھ نیچے کی جانب اورریکٹم کے سامنے ہوتاہے۔پیشاب کی نالی اس کے اردگرد ہوتی ہے اسی لئے اس کینسرکی وجہ سے پیشاب کانظام متاثرہوتاہے۔اس کے دواہم کام پیشاب کے نظام کومنظم اورمنی پیداکرناہے۔

2۔بریسٹ کینسرسے زیادہ عام ہے

دنیابھرمیں مردوں میں پروسٹیٹ کینسرکاخطرہ عورتوں کوہونے والے بریسٹ کینسرسے زیادہ پایاجاتاہے۔90کے بعد سے چھاتی کے کینسرسے مرنے والی خواتین کی شرح میں کمی آئی ہے جبکہ مردوں میں پروسٹیٹ کینسرسے مرنے والوں کی شرح میں اضافہ ہواہے ۔ماہرین کے مطابق آگے جاکراس میں مزید اضافہ کے امکانات پائے جاتے ہیں۔

3۔ابتداء میں تشخیص بہترہے

ابتدائی مراحل میں عام طورپرپروسٹیٹ کینسرکی کوئی علامت دیکھنے میں نہیں آتی لیکن اگراس مرض کی ابتداء ہی میں تشخیص ہوجائے توکامیاب علاج کے امکانات زیادہ ہوتے ہیں۔اگراس کاجلد پتہ چل جائے تو تشخیص کے بعد۵ سال تک مریض کے زندہ رہنے کاسوفیصد امکان ہوتاہے۔لہٰذا اس مرض سے بچاؤ کے لئے ڈاکٹرکے مشورے سے اسکریننگ ٹیسٹ ضرورکروائیں۔

4۔پروسٹیٹ کینسرکے لئے اوسط عمر

بوڑھے لوگوں میں پروسٹیٹ کینسربہت زیادہ عام ہے۔اس کینسرکی تشخیص کی اوسط عمر 66 سال ہے اور 40 سال سے کم عمر کے افراد میں بہت قلیل تعداد اس بیماری میں مبتلا ہیں اسی لئے اسے بوڑھے آدمی کی بیماری کہاجاتاہے۔پروسٹیٹ کینسرکے بیشترکیسز قابل علاج ہوتے ہیں کیونکہ اس کینسرکے دیگراعضاء تک پھیلنے سے پہلے ہی اس کاسراغ لگالیاجاتاہے۔

5۔عام علامات

پروسٹیٹ کینسرکی علامات مختلف ہوتی ہیں لیکن کچھ عام علامات یہ ہیں جیسے ران،کمراورکولہوں میں دردجس کے باعث بیٹھنادشوارہوجاتاہے،پیشاب میں درد اورخون کا آنا،دوران پیشاب شدید دردیامشکل،کمرکے نچلے حصے یا پیٹ میں درد،باربارپیشاب کی حاجت محسوس ہونا اوردیگرمردانہ امراض شامل ہیں۔

مزید جانئے :معدے کا کینسر علامات،وجوہات اور علاج

6۔ممکنہ علاج

کینسرکے بڑھنے اوراس کی شدت کے لحاظ سے اس کے مختلف طریقہ علاج ہیں۔کیموتھراپی،ہارمون ٹریٹمنٹ،سرجری جیسے ریڈیکل پروسٹیٹکومی،تابکاری تھراپی،الٹراساؤنڈ تھراپی یابریکی تھراپی وغیرہ۔تشخیص کے بعد ڈاکٹرعلامتوں کے مطابق سرجری اورتابکاری کی مدد لیتے ہیں۔علاج کاانحصارکینسرکے خلیات کی اقسام اوراس کی حدود پرہوتاہے۔

7۔صرف بوڑھے افراد کی بیماری نہیں ہے

یونیورسٹی آف مشی گن جامع کینسرسینٹر کے مطالعہ کے مطابق گزشتہ بیس سالوں میں نوجوانوں میں پروسٹیٹ کینسرمیں چھ گنااضافہ دیکھاگیاہے۔یہ نہ سوچیں کہ اس کاشکارصرف بزرگ ہی ہوسکتے ہیں۔اسی لئے ہرعمرکے مردوں کواس سے آگاہ ہونااورڈاکٹرکے مشورے سے اس کی جانچ کے لئے ٹیسٹ ضرورکرواناچاہئے۔

8۔تشخیص مشکل ہوسکتی ہے

جتناجلد ہوسکے پروسٹیٹ کینسرکی تشخیص ضروری ہے۔یہ حقیقت ہے کہ کافی عرصے تک اس مرض کی کوئی علامت ظاہر نہیں ہوتی۔زیادہ ترپروسٹیٹ کینسرکے بڑھنے کی رفتار بہت سست ہوتی ہے اسی لئے اس کی علامات ظاہر نہیں ہوتی۔اس سے بچنے کے لئے ڈاکٹرسے اس مسئلے پربات چیت کرکے ایک اسکریننگ ٹیسٹ کی منصوبہ بندی ضرورکرنی چاہئے۔

9۔صحت مند طرز زندگی (Vitality) سے خطرہ کم ہوجاتاہے

ڈیری مصنوعات اورگوشت کی زیادتی،تمباکونوشی اورورزش کا نہ کرناکینسرکی ترقی کاباعث بنتاہے۔کینسرکے خطرے سے بچنے کے لئے طرززندگی میں تبدیلی لاناضروری ہے۔تمباکونوشی ترک کرکے ورزش شروع کریں اورمتوازن غذاکااستعمال کریں سورج کی روشنی لیں۔کم چکنائی والی اورریشہ دار غذائیں استعمال کریں۔گرین ٹی،سویا،پھلیاں ،بروکلی،پھول گوبھی اوربند گوبھی کااستعمال مفید ہے۔

10۔فیملی ہسٹری

زیادہ ترمحققین کاخیال ہے کہ کینسرکی ترقی میں موروثیت اہم کرداراداکرتی ہے۔اگرآپ کے والد یابھائی کوپروسٹیٹ کینسرتھاتوآپ میں بھی یہ یادوسری قسم کاکینسرلاحق ہونے کاخطرہ رہتاہے۔اگرآپ کے خاندان کے افراد اس مرض کاشکارہیں تو آپ کوہوشیاررہناچاہئے۔یاد رکھیں فیملی ہسٹری جینز یاوراثت اس مرض کے پھیلنے یاہونے میں اہم کردارادارکرتے ہیں۔

انگریزی آرٹیکل: حاجی طلحٰہ
اردو ترجمہ: سائرہ شاہد

The post پروسٹیٹ کینسرکے بارے میں یہ دس باتیں جاننا ضروری ہیں appeared first on ایچ ٹی وی اردو.