ایک اچھے ہومیو پیتھک ڈاکٹر کو کیسے تلاش کریں؟
موجودہ دور میں جہاں ہر چیز نے ترقی کی ہے وہیں ہومیو پیتھی طریقہ علاج نے بھی خوب ترقی کی ہے۔ جب کوئی معیاری چیز مارکیٹ میں آتی ہے تو اس کے معیار کی شہرت دور دور تک پھیلتی ہے اور اس کی شہرت سے فائدہ اٹھا کر کچھ موقع پرست عناصر غیر معیاری اشیاء ملتے جلتے ناموں سے مارکیٹ میں لے آتے ہیں۔ ہومیو پیتھی علاج کے ساتھ بھی کچھ اسی طرح کے حالات پیش آئے ۔
ویسے تو ہومیو پیتھی کا یہ بیج آج سے ڈھائی سو سال قبل جرمنی کے ڈاکڑ فیڈرک باہمین نے بویا تھا جس کی آبیاری اس کے ہونہار شاگردوں نے کی اور دیکھتے ہی دیکھتے اس کی شہرت پوری دنیا میں پھیلنے لگی اور آج یہ ایک قد آور درخت بن چکا ہے۔دنیا کا وہ کون سا ملک ہے جو ہومیو پیتھی کے نام سے واقف نہیں۔
بین الاقوامی ادارہ صحت(WHO) جو کے یونائیڈڈ نیشن کا ذیلی ادارہ ہے۔ اس کے سروے کے مطابق ہومیو پیتھی کا علاج پوری دنیا میں بیماریوں کے خلاف استعمال ہونے والی تھیراپی میں دوسرے نمبر پر ہے۔ پوری دنیا میں لاکھوں ہومیو پیتھک کالجز اور ہسپتال ہیں۔
لاکھوں کتب ہومیوپیتھی کے موضوع پر لکھی جا چکی ہیں۔ لوگوں میں شعور و آگاہی کا رجحان پہلے کے مقابلے میں بڑھا ہے پرنٹ میڈیا اور سوشل میڈیا بھی اس کی شہرت کا باعث بنے ہیں۔آج ملکوں ملکوں ، شہر شہر ، گلی گلی میں ہومیو پیتھک ڈاکٹر موجو د ہے۔سینکٹروں فارماسیو ٹیکل کمپنیز کام کررہی ہیں۔ ان ڈاکٹرز کے ہجوم میں اچھے ڈاکٹرز بھی ہیں اور محض اشتہاری ڈاکٹرز بھی ہیں جو محض جعلی ڈگریاں حاصل کر کے اسے بزنس کے طور پر چلارہے ہیں ۔ نہ ان کے پاس قابلیت ہے اور نہ خلوص اور وہ فقط لوگوں کی جان و مال سے کھیل رہے ہیں۔
اس گھمبیر صورتحال میں آج کا مریض چاہتا ہے کہ وہ کسی اچھے ہومیو پیتھک ڈاکٹر سے علاج کرائے۔لیکن مسئلہ یہ ہے وہ ایک اچھا اور قابل ہومیو پتھک ڈاکٹر کیسے تلاش کرے ۔ یہاں پر تو چمکتے دمکتے کلینک ، خوش پوش عملہ ، دیواروں پرچسپاں ڈگریوں کے انبار آپ کو نظر آئیں گے ۔ بھاری بھرکم فیسیں، متعدد برانڈ کی ادویات آپ کو دی جائیں گی۔ لیکن اتنا سب کچھ کر کے بھی آپ شفاء یابی حاصل نہ کر پائے تو یہ بات آ پ کے لئے کافی مایوس کن ہوگی ۔
اچھے ہومیو پیتھک ڈاکٹر کی تلاش کے لئے مشورے
اگر آپ اصلی ڈاکٹر کی پہچان کرنا چاہتے ہیں تو کچھ ایسی نشانیاں ھم آپ کو بتاتے جس کو ڈھوند کر آپ با آسانی اصلی ہومیوپیتھی ڈاکٹر کی پہچان کرسکتے ہیں اور پھر ان کے دی گئی ادویات کو استعمال کرکے شفاء پا سکتے ہیں، جانئے اصلی ہومیو پیتھک ڈاکٹر کی پہچان ۔
* قابل ہومیو پپیتھک ڈاکٹر سادگی پسند اور بااصول ہوگا ۔
* اس ڈاکٹر کی کلینک میں ظاہری چمک دمک نہیں ہوگی۔
*مریضوں سے پرخلوص ہوگا ،مریض کی صحت اور جیب دونوں سے ہمدردی رکھے گا۔
*فیس اور ادویات کم اور معیاری ہوگی۔
*سنگل ریمیڈی اور کلاسیکل ہومیو پیتھی کا قائل ہوگا ۔
*مریض کا اطمینان اور سکون سے معائنہ کرے گا۔
*مریض سے زیادہ سے زیادہ سوالات کرے گا تاکہ بیماری کی صحیح تشخیص ہوسکے۔
*اس ڈاکٹر کی شہرت کا راز اس کے اشتہارات نہیں بلکے وہ مریض ہونگے جو ان کے ہاتھوں شفاء پا چکے ہوں۔
یہ وہ نشانیاں ہیں جس کی بدولت آپ سچے اور ایماندار ہومیو پیتھک ڈاکٹر تک پہنچ سکتے ہیں ۔
