سردیاں شروع ہوتے ہی بازار میں کینو اور اورنج  کی بہار نظر آنے لگتی ہے ۔ذائقے کے لحاظ سے دنیا کا سب سے بہترین کینو اور اورنج پاکستان میں پیدا ہوتا ہے ۔ان کا ذائقہ ہر خاص وعام کو بہت پسند ہے ۔ہر سال سردیوں کے موسم میں یہ دونوں پھل  سب سے زیادہ فروخت ہوتے ہیں اور اسے بڑی تعداد میں برآمد بھی کیا جاتاہے ۔ کینو کو کالے نمک اور چاٹ مصالحہ کے ساتھ کھانے کے علاوہ اس کا جوس بھی پسند کیا جاتا ہے۔

یہ پھل ذا ئقہ کے ساتھ ساتھ اپنے اند ربے پناہ غذائیت بھی رکھتا ہے۔ان دونوں پھل میں حرارے (کیلوریز)کم اور غذائیت سے بھر پور اجزاء زیادہ ہوتے ہیں ۔اس میں فاسفورس ،فولیٹ،کاربوہائیڈریٹ (نشاستہ )،ریشہ ،لحمیات (پروٹینز)،تانبا،پوٹا شیئم ،حیاتین الف اور ج (وٹامن اے اور سی )اور تھایا من(thiamin)پائے جاتے ہیں ،جو اچھی صحت کے لیے بہت ضروری ہیں ۔

ذیل میں کینو اور اورنج کے فوائد بیان کئے جارہے ہیں:۔

اس بارے میں جانئے :مونگ پھلی کوکھانے کے الگ الگ انداز

اورنج کے فوائد 

اورنج میں موجود وٹامن شریانوں کو سخت نہیں ہونے دیتی ،اس لیے اورنج کھانے والافرد دل کی بیماریوں سے محفوظ رہتا ہے ۔

اورنج آنتوں کے سرطان سے بچانے میں مفید ثابت ہو چکا ہے ۔اگر آپ روزانہ کینو کا ایک گلاس رس نوش کرتے ہیں تو جسم کے تمام زہر یلے مادّے ختم ہو جاتے ہیں ۔

اورنج میں موجود پوٹاشیئم اور نمکیات کی کم مقدار خون کی شریانوں کو پھیلاتی اور بلڈ پریشر کو قابو میں رکھنے میں معاونت کرتی ہے ۔

اورنج آنکھوں کی بینائی تیز کرتا ہے اور بالوں کو بھی مضبوط بناتا ہے۔

اورنج وائرل انفیکشن کا قدرتی علاج ہے اس میں موجود فلیونائیڈز اور فولی فینولز کی موجودگی  وائرل انفیکشن کے خلاف مدافعت کرتی ہے۔

یہ پڑھیئے:سردیوں میں یہ میوہ پاؤڈر کھائیں اور خود کو بیماریوں سے بچائیں

کینو کے فوائد 

قدرت نے ہمارے جسم میں امراض سے لڑنے کے لیے ایک ایسا سلسلہ رکھا ہے ،جسے مدافعتی نظام کہتے ہیں ۔حیاتین ج اس نظام کو طاقت ور کرتی ہے اور یہ کینو میں زیادہ ہوتی ہے ۔یہ حیاتین مانع تکسید کا کام کرتی ہے ،جو جسم کو نقصان پہنچانے والے آزاداصلیوں (فری ریڈیکلز )کے بننے میں رکاوٹ پیدا کرتا اور نئی بافتوں (ٹشوز)کی پیدائش میں مدد گار ہوتا ہے ۔

اسے کھانے سے بلڈ پریشر بھی قابو میں رہتا ہے ۔کینو سرطان سے بچانے میں بھی مدد کرتا ہے ۔اس میں پائے جانے والے مانع تکسید اجزا(antioxidents)خلیات (سیلز)اور ڈی این اے (dna)کو ٹوٹ پھوٹ سے محفوظ رکھتے ہیں ۔

کینوحیاتین ج کی موجودگی کے باعث جِلد اور بالوں کے لیے بھی مفید ہے ۔یہ ہمارے جسم میں ایک ریشے دار مادّے کو لاجن (collagen)کی مقدار مستحکم رکھنے میں بھی مدد کرتی ہے ،جو جِلد کو جھرّیوں سے محفوظ رکھتا ہے ۔

کینو میں پائے جانے والے اجزاء،مثلاً حیاتین ب9،پوٹا شیئم اور مانع تکسید ،یہ سب دماغ کے لیے فائدہ مند ہیں ۔پوٹا شیئم دماغ کی جانب دورانِ خون رواں رکھنے اور اعصابی سرگرمیاں بڑھانے میں مدد دیتا ہے ،جب کہ حیاتین ب9عمر بڑھنے کی وجہ سے لاحق ہونے والے دماغی انحطاط کی روک تھام کرتی اور نسیان کے مرض (الزائمر )سے بچاتی ہے ۔

کینو کھانے والے افراد کے سرخ خلیات بڑھ جاتے ہیں ،اس طرح جسم میں نیا خون بنتا ہے ۔اس کے علاوہ دل کی بیماریاں اور فالج کے خطرات میں بھی 49فی صد تک کمی ہوجاتی ہے۔
کینو کھانے سے قبض اور بد ہضمی کی شکایات بھی دُور ہوجاتی ہیں ۔

اس بارے میں پڑھئے:سردیوں میں مدافعتی نظام مضبوط بنانے کے لئے مشروبات

The post اورنج یا پھر کینو ؟ کون ہے زیادہ فائدہ مند appeared first on ایچ ٹی وی اردو.

پھل اور سبزیاں غذائیت حاصل کرنے کا بہترین ذریعہ ہیں ۔ لال پھل اور سبزیوں میں ہماری ضرورت کی تمام چیزیں موجود ہوتی ہیں ۔ یہ خوبصورت سبزیاں اور پھل ہمارے لیے قدرت کا تحفہ ہیں جو ہماری صحت کے لیے فائدہ مند ہیں۔

۱۔ چقندر:

چقندر میں اینٹی اوکسی ڈنٹ وافر مقدار میں موجود ہے۔ یہ پوٹا شیم ، فائبر،فولیٹ ، وٹامن سی اور نائٹریٹ حاصل کرنے کا ذریعہ ہیں ۔ زمین میں پیدا ہونے والی یہ سبزی بلڈ پریشر کو کم کرنے کے ساتھ دوران خون کو بہتر بناتی ہے اور توانائی فراہم کرتی ہے ۔

چقندر کو ہلکے تیل کے ساتھ روسٹ کر کے کھانا فائدہ مند ہے۔ اس کا جوس بھی پیا جاسکتا ہے ۔ لیکن روزانہ اسکا جوس پینا ضرورت سے زیادہ ہوگا اس لیے ہفتے میں دو تین مرتبہ چقندر کھانا کافی ہے اور اسکا جوس بھی مختلف پھلوں کے جوس کے ساتھ ملا کر پیا جائے۔

۲۔ لال بند گوبھی:

اس کا رنگ تقریباً جامنی ہوجاتا ہے۔ اس میں موجود اینٹی اوکسی ڈنٹ دماغی بیماریوں ، کینسر اور دل کے امراض سے بچاتا ہے۔ لال بند گوبھی وٹامنز اور منرلز سے بھر پور ہے ۔ ایک کپ بند گوبھی میں روزانہ ضرورت کا ۸۵ فیصد وٹامن سی ، ۴۲ فیصد وٹامن کے اور ۲۰ فیصد وٹامن اے پایا جاتا ہے ۔

اس کے علاوہ اس میں فائبر ، وٹامن بی ۶ ، پوٹاشیم اور میگنیز بھی شامل ہے۔
اسے کچا کھانا اچھا ہے اور اگر پکا کر کھائیں تو اسٹیم کریں اور بہت تھوڑی دیر کے لیے پکائیں تاکہ اس کی غذائیت باقی رہے۔

۳۔ ٹماٹر:

ٹماٹر وٹامن سی ، پوٹاشئم اور لائسوپین کا بہترین ذریعہ ہے۔ نیشنل ہیلتھ انسٹی ٹیوٹ کے مطابق ہماری غذا کا۸۵ فیصد لائسوپین ٹماٹر اور اس سے بنی اشیاء سے حاصل ہوتا ہے۔
ٹماٹر کسی بھی صورت میں کھایا جائے فائدہ مند ہے۔ اگر تھوڑے تیل میں ٹماٹر کو پکالیا جائے تو جسم کو لائسوپین جذب کرنے میں آسانی ہوجاتی ہے۔

۴۔ لال شملہ مرچ:

اس سبزی میں ہماری روزانہ کی ضرورت کے لیے وٹامن ا ے اور ہماری ضرورت سے تین گنا زیادہ وٹامن سی موجود ہے ۔ جبکہ اس میں صرف ۳۰ کیلوریز ہوتی ہیں۔ دمکتی جلد اور قوت مدافعت بڑھانے کے لیے اس کا استعمال بہترین ہے۔

اس میں موجود وٹامن سی کی وافر مقدار انفیکشن سے بچاتی ہے۔ اس میں موجود وٹامن بی ۶، وٹامن ای اور فولیٹ حاصل کرنے کے لیے کچا یا پکا کر کھائیں۔

جانئے:چھوہاروں سے کریں بیماریوں کا علاج

۶۔ لال مرچ:

ایک اونس مرچ میں ہماری روزانہ کی ضرورت کا دو تہائی حصہ وٹامن سی موجود ہوتا ہے ۔ اس کے علاوہ اس میں میگنیشیم ، کوپر اور وٹامن اے موجود ہوتا ہے ۔ ماہرین اس میں موجود کینسر کا مقابلہ کرنے والے کمپاؤنڈ پر بھی تحقیق کر رہے ہیں۔

۷۔ کاسنی:

گہرے سرخ رنگ کے پتوں والی یہ سبزی ہمیں فولیٹ ، کوپر ، میگنیز ، وٹامن بی ۶، سی اور ای مہیا کرتی ہے۔ ایک کپ لال کاسنی میں ہماری روزانہ ضرورت سے زیادہ وٹامن کے پایا جاتا ہے۔

۸۔ لال پتوں والی سلاد:

لال اور گہرے ہرے رنگ کے حصوں میں زیادہ غذائیت ہوتی ہے یہ نسبت ہلکے رنگ کے حصوں کے ان حصوں میں اینٹی اوکسی ڈنٹ اور وٹامن بی ۶ پایا جاتا ہے ۔ ایک کپ کٹی ہوئی لال سلاد میں وٹامن کے اور اے کی روز مرہ ضرورت کی آدھی مقدار پائی جاتی ہے ۔ اس کے پتوں میں ۹۵ فیصد پانی ہوتا ہے۔

۹۔ لال پیاز:

پیاز کو سلاد میں بھی استعمال کیا جاتا ہے اگر کچی پیاز آپ کو پسند نہیں تو کھانوں میں شامل کرنا بھی فائدہ مند ہے ۔ پیاز میں اورگانوسلفر موجود ہے ۔ پیاز میں موجود یہ کیمیکلز قوت مدافعت کو بڑھاتے ہیں ، کولیسٹرول کو بڑھنے سے روکتے ہیں اور جگرکو مضبوط بناتے ہیں ۔

اس میں موجود ایلائل سلفائڈ کینسر اور دل کی بیماریوں سے بچاتا ہے جبکہ اس کے فائبر نظام ہضم بہتر بناتے ہیں۔

۱۰۔ لال آلو:

صحت کے ماہرین جسم کو پوٹاشیم پہنچانے اور بلڈ پریشر کو متوازن رکھنے کے لیے آلو ، ہرے پتوں اور ٹماٹر کھانے کا مشورہ دیتے ہیں ۔ لال آلو میں وافر مقدار میں پوٹاشیم ، وٹامن سی ، وٹامن بی ۶ اور تھایامن پایا جاتا ہے ۔ ان آلوؤں کو جس طرح چاہے کھائیں لیکن اس کا چھلکا نہ اتاریں کیونکہ اسکے چھلکے میں فائبر اور بہت سارے وٹامن پائے جاتے ہیں۔
لال سبزیاں صحت بخش غذا کا اہم حصہ ہیں ان سبزیوں کو اپنی روزانہ کی غذامیں شامل کریں ۔ جو لوگ وافر مقدار میں پھل اور سبزیاں کھاتے ہیں وہ بہت سی خطرناک بیماریوں سے محفوظ رہتے ہیں۔

مزید جانئے :بادام کے تیل کے10 فائدے

The post سردیوں میں لال پھل اور سبزیوں کے استعمال کے فوائد appeared first on ایچ ٹی وی اردو.

گاجر(carrot)کی افادیت سیب کے برابر یا اس سے زیادہ ہی ہے لیکن اسکی قیمت دیگر پھلوں یا سبزیوں سے کافی مناسب ہے ۔گاجر کا استعمال سردیوں میں گاجر کے حلوے،سلاد، سبزیوں اور جوس وغیرہ میں شامل کر کے کیا جاتا ہے۔ گاجر میں وٹامن اے,بی اور ای سمیت کئی ایسے قدرتی اجزا ءپائے جاتے ہییں جو انسانی صحت کے لئے انتہائی مفید ہے ۔گاجر کا استعمال آنکھوں کی بہتر صحت کے لئے کیا جاتا ہے۔ لیکن اسکے بہت سے دیگر فوائد بھی ایسے ہیں جنہیں اکثر نظر انداز کر دیا جاتا ہے یا بہت سے لوگ تو شاید اس سے واقف بھی نہ ہونگے ۔

دل اور ہاضمے کیلئے مفید

گاجر میں شامل کیروٹینوئڈ نامی اجزا ءدل کی صحت کو بہتر بنانے اور دل کو مختلف امراض سے محفوظ رکھنے کی صلاحیت رکھتا ہے اسکے علاوہ اس میں فائبر کی موجودگی کولیسٹرول کو کم کرتی ہے اور ہاضمہ کو بہتر بنا کر ڈائریا، قبض اور پیچش جیسی بیماریوں سے بھی محفوظ رکھتی ہے۔

مزید جانئے :سردیوں کی سوغات مونگ پھلی کے فوائد واحتیاط

وزن میں کمی

ایک کپ گاجر کے رس میں 94 کیلوریز اور چکنائی کی بہت کم مقدار موجود ہوتی ہے جو وزن میں کمی لاتی ہے لیکن اگر اسکا استعمال حلوے کی صورت میں کیا جائے تو یہ عمل درست نہ ہوگا کیوں کے حلوے کی تیاری میں چینی اور کھویا شامل کیا جاتا ہے جو وزن کو بڑھاتا ہے اگر آپ گاجر کا حلوہ کھانا چاہتے ہیں اور وزن میں بھی کمی لانا چاہتے ہیں تو حلوہ گھر میں تیار کریں اور اس میں براؤن شوگر، کھوئے کی جگہ بغیر بالائی والا دودھ استعمال کریں اسے کھانے سے وزن بڑھنے کا خطرہ بھی نہیں رہے گا۔

خون کی کمی دور کرنا

گاجر میں آئرن کی موجودگی کی وجہ سے ڈاکٹرزان مریضوں کو گا جر کھانے کا کہتے جن میں خون کی کمی ہوں۔ایسے افرد نہار منہ گاجر کا ایک گلاس رس استعمال کر کے باآسانی خون کی کمی کو پورا کر سکتے ہیں ۔

مزید جانئے :گاجر کے پانچ حیرت انگیز صحتمندانہ فوائد

ہڈیوں کی کمزوری اور جوڑوں کا درد

گاجر میں پروٹین، فائبر، پوٹاشیم، وٹامن سی اور وٹامن ای کے علاوہ بھی کچھ ایسےا جزاء پائے جاتے ہیں جو ہڈیوں کو مضبوط بناتے ہیں اسکے علاوہ گاجر کا استعمال جوڑوں کے درد، گٹھیا اور گاؤٹ جیسی بیماریوں کےعلاج اور ان کی شدت کم کرنے میں بھی مدددیتی ہے۔

معدے کا سرطان ( کینسر )

گاجر اینٹی آکسیڈنٹس سے بھرپور ہوتا ہےجو کہ سرطان روکنے کی صلاحیت رکھتے ہیں، ایک تحقیق کے مطابق گاجر کا رس معدے کے کینسر کو دور رکھنے میں مددگار ہوتا ہے ۔اگرروز مرہ خوراک میں گاجرکو شامل کریں تو معدے کے سرطان کے امکانات 26 فیصد تک کم ہوجاتے ہیں۔

مزید جانئے : گاجر کی ان گنت خوبیاں و فوائد

چھاتی کے سرطان

گاجر میں کیروٹینوئیڈز کی مقدار چھاتی کے سرطان کے دوبارہ حملے کو روکتی ہے جسم میں کیروٹینوئیڈز کی موجودگی بریسٹ کینسر کے خطرات کو کم کر کے آکسیڈیٹیو اسٹریس کی مقدار کو بھی کم کرتی ہے جسم میں آکسیڈیٹیو اسٹریس کی موجودگی چھاتی میں کینسر کی وجہ بنتی ہے ۔

لیوکیمیا

ایک مطالعے سے یہ بات سامنے آئی ہے کہ گاجر کا رس لیوکیمیا کے سیلز کو ختم کرنے میں بہترین کردار ادا کرتا ہے روزانہ گاجر کے رس کا استعمال لیوکیما کے سیلز کو ختم کرنے کے ساتھ ساتھ اسکی مزید افزائش سے بھی روکتا ہے ۔

مزید جانئے :گاجر کا حلوہ

جلد کیلئے بہترین

گاجر میں وٹامن اے موجود ہوتا ہے جو جلد کو چمک دار بناتا ہے۔ اس کے علاوہ گاجر سے بنے فیشل ماسک فوری طور پر چہرے کی رنگت بہتر کرنے میں موثر کردار ادا کرتا ہے۔

دانتوں اور مسوڑوں کے لئے

گاجر کو چبانا دانت صاف کرنے کے برابر ہے یہ دانتوں پر جمے پلاق کو صاف کرتی ہے اور کھانے کے زرات کو دانتوں سے نکال کے انہیں ٹوٹنے سے بچاتی ہے۔

مزید جانئے :10ٹوٹکے اپنائیں گاجر سے جلد خوبصورت بنائیں

The post سردیوں کا تحفہ گاجر،اس میں چھپے ہیں کئی کمالات appeared first on ایچ ٹی وی اردو.

شہد کی افادیت سے کوئی بشر انکاری نہیں، قدرت کے اس حسین تحفے میں لاتعداد طبی فوائد موجود ہے اور اس میں قدرت نے شفا بھی رکھی ہے ۔ دنیا بھر کے طبی ماہرین نے بھی اس بات کا اقرار کیا ہے کہ شہد دنیا کی بہترین غذاوں میں سے ایک ہیں۔

شہد انتہائی فائدہ مندہونے کے ساتھ ساتھ ذائقے سے بھر پور غذا بھی ہے ـ اس کا اپنا ایک منفرد ذائقہ ہوتا ہے ـ اس غذا میں کاربو ہائیڈریٹس، شکر، ریشہ،پروٹین اور پانی شامل ہیں ـ۔
شہد کو دیگرمیٹھاس مرکبات کا آمیزہ بھی کہا جا سکتا ہے ـ اس میں وٹامن (بی)، کیلشئیم، فولاد، سمیت بے شمار فائدہ مند ضروریات جسم شامل ہے جو کہ انسان کے جسم کو فائدہ بخشتی ہے ۔

مزید جانئے :شہد اصلی ہے یانقلی پہچان ہم بتائیں گے

شہد کے لاتعداد فوائد ہیں ، جن میں سے چند مندرجہ ذیل ہیں۔

٭ شہد جسم سے فاسد مادوں کا اخراج بہتر بناتا ہے اور زہریلے اثرات ختم کرتا ہے۔

٭ نہار منہ اور عصر کے وقت شہد کو گرم پانی میں ملا کر پینا توانائی فراہم کرتا ہے ۔
٭ ملیریا بخار میں شہد دو تولہ پانی میں حل کرکے صبح و شام پیتے رہیں اور بدن پر تیل کی مالش کریں ایک سےدو دن میں بخار ختم ہوجائے گا۔
٭ ادرک کے رس میں تھوڑا سا شہد ملا کر کھانے سے نزلہ و زکام میں سکون آجاتا ہے۔
٭ کام کی زیادتی سے تھکن محسوس ہو تو دو بڑے چمچ شہد ایک گرم پانی کے گلاس میں ڈال کر پی لیں۔ تھکن غائب ہوجائے گی۔
٭ جلی ہوئی جگہ پر شہد کا لیپ کر یں تھوڑی دیر بعد آرام آجائے گا۔
٭ آواز بیٹھ جائے تو ایک بڑا چمچہ شہد دن میں تین مرتبہ کھائیں، کافی افاقہ ہوگا۔
٭ دو چمچے شہد گرم دودھ میں ڈال کر پینے سے قبض دور ہو جاتا ہے۔
٭شہد استعما ل کرنے سے کولیسٹرول پر قابو رکھا جاسکتا ہے ۔ شہد خون میں ایچ ڈی ایل یعنی گڈ کولیسٹرول کو بڑھا تا ہے۔

مزید جانئے : شہد کے استعمال کے بہترین صحت بخش طریقے

شہد اور اس کی مکھیوں سے متعلق دلچسپ حقائق :

*شہد کی مکھّی 13-15 میل فی گھنٹہ کی رفتار سے اڑتی ہے۔
* شہد کی مکھّی کے پر ایک منٹ میں 180 بار حرکت کرتے ہیں۔
* شہد کے پیداوار کے سیزن بہار یا گرمیوں میں ہوتے ہیں ۔
* تمام کارکن مکھّیاں مونث ہوتی ہیں۔
* کارکن مکھّی کی زندگی کا دورانیہ تقریباچھ ہفتے تک ہوتا ہے۔
* اک پاؤنڈ شہد کے مکھّیاں بیس لاکھوں پھولوں پر جاتی ہیں۔
* ایک اونس شہد بنانے کے لئے ایک مکھّی 1600 راؤنڈ ٹرپ کرتی ہے۔ یعنی چھ میل فی راؤنڈ ٹرپ۔
* ایک چھتے کی مکھّیاں ایک دن میں تقریبا دو لاکھ پچیس ہزار پھولوں پر جاتی ہیں ۔ ایک مکھّی ایک دن میں سیکڑوں پھولوں پر جاتی ہے جو کبھی کبھار کئی ہزار بھی ہوجاتے ہیں۔

مزید جانئے :شہد کی مکھی سے علاج

The post شہد کے کمالات اور اس سے جڑے دلچسپ حقائق appeared first on ایچ ٹی وی اردو.

۱۔اوٹس سوپ کے اجزاء

ویسے تو اوٹس (دلیہ )ہر گھر میں صبح ناشتے میں استعمال کیا جاتا ہے لیکن دلیہ کا استعمال سوپ کی صورت میں رات میں بھی کیا جا سکتا ہے ۔

اسے بنانے کے لئے مہنگے اجزاء کی بھی ضرورت نہیں ہوگی ۔

اوٹس سوپ کے اجزاء
اوٹس ۔ایک کپ
پیاز۔ایک عدد(چھوٹی )
ہری مرچ۔دو عدد
دودھ۔دو کپ
لہسن ادرک کاپیسٹ ۔آدھا چائے کا چمچ
نمک۔آدھا چائے کا چمچ
کالی مرچ۔ایک چوتھائی چائے کا چمچ
ہرا دھنیا۔سجاوٹ اور خوشبوکے لئے
تیل۔دو کھانے کے چمچ

ترکیب

۱۔پتیلی میں تیل گرم کرکے پیاز فرائی کریں یہاں تک کہ وہ ہلکی گلابی ہو جائے اب لہسن ،ادرک اور ہری مرچ فرائی کریں
۲۔ جب پیاز ،ہری مرچ اور لہسن ادرک فرائی ہو جائیں تو اوٹس ڈال کر فرائی کریںیہاں تک کہ اس کا رنگ تبدیل ہو جائے
۳۔ اب اوٹس میں نمک ،کالی مرچ اور دودھ شامل کر دیں اور ہلکی آنچ پر دس منٹ تک پکائیں ۔
۴۔آخر میں ہرا دھنیا ڈال کر چولھا بند کر دیں ۔

۲۔دالوں کے کباب

وہ لوگ جو ڈائٹنگ کے دوران کاربوہائڈریٹس نہیں لے پاتے انھیں پروٹین اور کیلشیم کی زیادہ ضرورت ہوتی ہے ، اسلئے انھیں گوشت اور انڈے کے ساتھ دالوں کا استعمال کرنا چاہئے ۔

چونکہ دال ہر گھر میں دال چاول یا دال کے سوپ کے طور پر استعمال ہوتی ہے۔

اس کے علاوہ دالوں کے کباب بھی بنائے جا سکتے ہیں جنھیں فریز بھی کیا جا سکتا ہے ۔

اجزاء
چنے کی دال ۔ایک کپ
مونگ کی دال۔ایک کپ
مسور کی دال۔آدھا کپ
ماش کی دال۔آدھا کپ
گرم مصالحہ پائوڈر۔ایک چوتھائی چائے کا چمچ
نمک۔ایک چمچ
ہرا دھنیا ۔آدھی گٹھی
ہری مرچ۔چھہ عدد
انڈا۔ایک عدد
ڈبل روٹی کے سلائس ۔دو عدد
پیاز۔ایک عدد

ترکیب

۱۔تمام دالوں کو ابال کر پانی خشک کرلیں اب دالوں میں تمام اجزاء ملا کر بلینڈ کرلیں
۲۔ دالوں کے مکسچر کو دو گھنٹے کے لئے فریج میں رکھ دیں
۳۔ اب دالوں کے مکسچر سے کبابا بنا لیںاور فریز کریں
۴۔ جب استعمال کرنا ہو ایک چمچ تیل میں کبابا فرائی کر لیں پیٹا بریڈ یا برائون بریڈ کے ساتھ سرو کریں ۔

۳۔چنا چاٹ سبزیوں کے ساتھ

بازار کی چنا چاٹ کسے پسند نہیں ہوتی ۔ ایسی ہی مزیدار چاٹ گھر میں تیار کرکے اسمیں سبزیاں شامل کرکے آپ وزن بھی کم کر سکتے ہیں ۔

اجزاء
سفیدابلے چنے ۔ایک کپ
ابلے لال لوبیا۔ایک کپ
(شملہ مرچ،ہری پیاز ،گوبھی ،پیاز،ہرا دھنیا ،ٹماٹر ،کھیرا ،چقندر )۔آدھا آدھا کپ
ثابت دھنیا،زیرا،ثابت لال مرچ ۔ایک ایک چمچ (بھون کرمصالحہ پیس لیں )
کیچپ۔ایک چوتھائی پیالی
نمک۔ایک چمچ
املی پیسٹ ۔آدھا کپ

ترکیب

۱۔تمام سبزیاں باریک کاٹ لیں یا کدوکش کر لیں
۲۔چنے ،لوبیا اور سبزیاں مکس کر کے فریج میں رکھ لیں جب چاٹ کھانی ہو اوپر سے کیچپ،املی پیسٹ اور ،مصالحہ ڈال کر نوش فرمائیں
یہ چاٹ نہ صرف صحت بخش ہے بلکہ مزیدار بھی۔وہ خواتین جو چٹ پٹے کھانے شوق سے کھاتی ہیں اور ڈائٹنگ کرنا مشکل سمجھتی ہیں۔

انھیں یہ چاٹ اپنی ڈائٹ میں ضرور شامل کرنی چاہئے۔

۴۔ پنیرہری بھری سبزی

دودھ ہر گھر میں موجود ہوتا ہے چونکہ ڈائٹنگ کے دوران کیلشیم کی زیادہ ضرورت ہوتی ہے۔ اسلئے دودھ کا بہترین متبادل پنیر ہو سکتا ہے جسے گھر میں آسانی سے بنایا جا سکتا ہے اور پنیر کے ساتھ کئی سبزیاں اور سالن تیار کئے جا سکتے ہیں۔

اجزاء
پنیر بنانے کیلئے (ایک کلو دودھ ابال لیں ۔جب دودھ ابلنے لگے تو اسمیں سرکہ ڈال کر دودھ پھاڑ لیں اور اس دودھ کو ململ کے کپڑے میں ڈال کر چھان لیں ،پنیر تیار ہے )
پنیر ۔ایک کپ
پالک ۔آدھا کلو
مٹر ۔آدھا کپ
قصوری میتھی۔دو چمچ
سویا ۔آدھا کپ
سرسوں ۔آدھا کلو
چاٹ مصالحہ ۔ایک چمچ
نمک۔آدھا چائے کا چمچ
زیتون کا تیل دو کھانے کے چمچ
لہسن پیسٹ ۔دو کھانے کے چمچ

ترکیب

ایک پتیلی میں تیل گرم کریںاس میں لہسن پیسٹ فرائی کریں اور تمام سبزیاں اور نمک ڈال کر ہلکی آنچ پر رکھ دیں، تاکہ تمام سبزیاں گل جائیں۔

جب سبزیوں کا پانی خشک ہو جائے تو اس میں چاٹ مصالحہ اور پنیر ڈال دیں۔

گرم روٹی یا براؤن بریڈ کے ساتھ پیش کریں ۔

مزید جانئے: دوبارہ وزن بڑھنےسے بچنے کے چھ طریقے

The post گھر میں موجود اجزاء سے بننے والے آسان ڈائٹ کھانے appeared first on ایچ ٹی وی اردو.