تربوز کااستعمال آپ مختلف طریقوں سے کرسکتے ہیں۔تربوزکھانے کے ساتھ ساتھ اس سے آپ ایسی ڈشزتیار کرسکتے ہیں جوصحت کے مسائل حل کرنے میں آپکے لئے کارآمد ثابت ہوسکتی ہیں۔
تربوز کی سلاد
ایک کپ تربوز
ایک کپ کھیرا
دہی آدھاکپ
پودینہ کی چند پتیاں
ایک چوتھائی چمچ کالی مرچ
ایک چٹکی کالانمک
تربوز اورکھیرے کوکیوبز کی شکل میں کاٹ لیں۔دہی میں نمک ،کالی مرچ،ایک چمچ زیتون کاتیل مکس کریں اسکے بعد تربوز اورکھیرے میں شامل کرلیں۔یہ سلاد وزن کم کرنے میں بھی معاون ثابت ہوتی ہے اگرگرمیوں کے لنچ میں آپ اسکااستعمال کریں تو پیٹ بھرنے کے ساتھ ساتھ وزن بھی کم ہوسکتاہے۔
تربوزکاشربت
دوکپ تربوز
ایک چمچ لیموں کارس
دوچمچ لال شربت
ایک چٹکی کالانمک
ان تمام اجزاء کربلینڈ کریں مزیدار تربوز کاشربت تیار ہے ۔یہ شربت آپکوگرمی سے اثرات سے محفوظ رکھے گا۔
تربوز کے چھلکوں کاسالن
ایک کپ تربوز کے چھلکے
پیاز ایک عدد
ٹماٹر دوعدد
ہری مرچ دوعدد
میتھی دانہ ،رائی ،کلونجی ،سونف ملاکردوچمچ
تربوز کے چھلکے کدوکش کرکے تھوڑے سے پانی کے ساتھ گلالیں۔پیاز ہلکی گلابی کرکے ٹماٹراورہری مرچ کاٹ کرڈال دیں۔جب ٹماٹر گھل جائیں تومیتھی دانہ،رائی ،کلونجی،سونف اورایک چٹکی نمک شامل کرکے تربوز کے چھلکے ڈال کرپانچ منٹ بھون لیں۔سالن تیار ہے ۔یہ گردوں،یوٹی آئی،جوڑوں کے درد،لُو،لُو سے ہونے والاسردرداورسوجن کے لئے بہت مفید ہے۔
تربوز کے کٹلس
تربوز کے چھلکے کدوکش اوراسٹیم
آلو ایک کپ ابلے ہوئے
قیمہ آدھاکپ اسٹیم دیاہوا
ہری پیاز آدھاکپ
ہری مرچ حسب ذائقہ
ہرادھنیا پودینا دوچمچ
لیموں کارس ایک چمچ
نمک اورکالی مرچ
پساسفید زیرہ ایک چمچ
تمام اجزاء مکس کرکے چھوٹی چھوٹی ٹکیاں بناکرانڈہ اوربریڈ کرمبز میں کوٹ کرکے شیلوفرائی کرلیں۔