آج کا دن کیسا رہے گا؟26 ستمبر 2020

44,943

حمل (21مارچ تا 21اپریل)

بعض اوقات بعض دوست ایسے مشورے دیتے ہیں جن کا کوئی مطلب ہی نہیں نکلتا لیکن اس بار حالات مختلف ہیں ۔ اس معاملے میں ان کی بات پر عمل نہیں تو کم از کم سوچ بچار ضرور کرنا چاہئے ۔

ثور(22اپریل تا20مئی)

معمولی چیزوں کو نظر انداز کریں اور اصل مقصد پر توجہ رکھیں۔ کامیابی جلد حاصل ہوگی۔ سکون و آرام اپنے گھر اور اپنے لوگوں میں حاصل ہوگا ۔ اپنے آپ کو بھی تھوڑا وقت دیں ۔

جوزا(21مئی تا21جون)

کسی وجہ سے آپ کو اپنے منصوبے میں آخری وقت میں تبدیلی کرنا پڑیں گی۔ ایسا کرنے میں کوئی حرج بھی نہیں لیکن دیگر لوگ اس کی وجہ خراب منصوبہ بندی کو سمجھتے ہیں ۔ لوگوں کو سمجھانے میں اپنا وقت برباد مت کریں ۔

سرطان(22جو ن تا 23 جولائی)

آپ جس طرف بڑھ رہے ہیں اس راستے کے بارے میں آپ کو مکمل معلومات نہیں لیکن یہ ہی تو اس سفر کا اصل لطف ہے ۔ دھیمے دھیمے قدموں سے آگے بڑھتے رہیں۔ بہت جلد آپ کو روشنی نظر آئے گی ۔

اسد(24جولائی تا23اگست)

یو ں تو عموماً آپ اپنے فیصلے اپنی سمجھ سے کرتے ہیں لیکن حال ہی میں پہلی بار کسی دوسرے کی سوچ نے آپ کے نظریے اور اعتماد کو ہلا دیا ہے۔ ایک بار پھر سے سوچ لیں کیا واقعی میں یہ بات اتنی سنجیدگی سے لینے والی ہے؟

سنبلہ(24اگست تا23ستمبر)

آگے چل کر آپ کو ایسی جگہ سے خوشیاں اور کامیابیاں حاصل ہوں گے جہاں سے آپ کو بلکل بھی امید نہیں تھی ۔ اس سے ناصرف آپ کا اعتماد بحال ہوگا بلکہ آپ کو جینے کی ایک نئی امید ملے گی ۔

میزان(24ستمبر تا23اکتوبر )

آپ سے انجانے میں کوئی غلطی ہوسکتی ہے ۔ جس کا اندازہ آپ کو بعد میں جاکر چلے گا۔ اس پر اڑنے کے بجائے معافی مانگ لینا بہتر ہے ۔ آپ حالات بدل تو نہیں سکتے لیکن انہیں بہتر بنانے کی کوشش تو کر ہی سکتے ہیں ۔

عقرب(24اکتوبر تا22نومبر)

آپ حالات کو اپنے مطابق ڈھالنے کا ہنر جانتے ہیں لیکن اس بار جوچیلنج آپ کو درپیش ہے اس کا کوئی حل آپ کو سمج نہیں آ رہا۔ اس کی وجہ یہ ہے کہ بعض اوقات کام کو کرنے کا صحیح وقت نہیں  ہوتا۔

قوس(23نومبر تا 22دسمبر)

زندگی میں بہت سی تبدیلیاں آرہی ہیں انہیں سمجھنے کے لئے آپ کو صبر وتحمل کا مظاہرہ کرنا ہوگا ۔ بدلتے وقت کے سانچے میں ڈھلنے میں ابھی آپ کو کچھ وقت درکار ہوگا ۔

جدی (23دسمبر تا 20جنوری)

ایک طویل عرصے بعد آپ کو اپنی ذمہ داریاں کسی کے ساتھ بانٹنے کا موقع ملے گا۔ اس وقت کا بھرپور فائدہ اٹھائیں۔ آپ کو نیا ساتھی قابل بھی ہے اور سمجھ دار بھی ۔ اس پر بھروسہ کریں ۔

دلو (21جنوری تا19فروری)

آپ کو کسی ایسے معاملے پر فوری توجہ دینے کی ضرورت ہے جس میں آپ کے ساتھ ساتھ دوسرے بھی شامل ہیں ۔ گھبرانے کے بجائے سمجھداری سے معاملات حل کرنے کی کوشش کیجئے ۔

حوت(20فروری تا20مارچ)

آپ بہت سے منصوبے بنائیں گے ۔ کبھی ایک منصوبے کو منسوخ کرکے دوسرے منصوبے بنائیں گے ۔ یہ عمل تھکا دینے والا ہوگا لیکن اس سے آپ کو منزل تک پہنچنے میں مدد ملے گی ۔

اپنے اسٹار (Horoscope)کے بارے میں مزید جانئے

شاید آپ یہ بھی پسند کریں
تبصرے
Loading...