سبزیوں کے کباب

ٹیم ایچ ٹی وی Apr 19 2017
sabzion ke kabab recipe

اجزاء

  • آلو ۔ایک کلو
  • گاجر ۔ایک پاؤ
  • مٹر ۔ایک پاؤ
  • سیم کی پھلی ۔آدھا پاؤ
  • پھول گوبھی ۔ایک کپ
  • شملہ مرچ ۔ایک چھوٹی
  • بند گوبھی ۔آدھا کپ
  • ہری پیاز ۔دو عدد
  • سوئٹ کارن ۔آدھا ٹن
  • پارسلے یا ہرا دھنیا ۔آدھی پیالی
  • ہری مرچ ۔چھہ عد
  • انڈے ۔تین عدد
  • ڈبل روٹی کا چورا ۔دو کپ
  • نمک ۔حسب ذائقہ
  • کالی مرچ ۔ایک چائے کا چمچ
  • گرم مصالحہ پسا ہوا ۔آدھا چائے کا چمچ
  • بھنا کٹا زیرہ۔ایک چائے کا چمچ
  • بھنا کٹا دھنیا ۔ایک چائے کا چمچ
  • مسٹرڈ پیسٹ ۔دو چائے کا چمچ
  • لہسن ادرک کا پیسٹ ۔آدھا چائے کا چمچ
  • با ر بی کیو سوس۔ایک چائے کا چمچ
  • کارن فلاور ۔ دو چائے کا چمچ

ترکیب

آلو کو سخت ابال لیں خیال رکھیں کہ آلو میں نمی نہ ہو ورنہ کباب ٹوٹنے کا خدشہ ہوتا ہے ۔ بند گوبھی ،گاجر ،مٹر اور سیم کی پھلی کو علیحدہ ابالیں اور خشک کرنے کے لئے ٹشو پیپر پر پھیلا دیں۔
اب آلوؤں میں ابلی سبزیاں اور باریک کٹی سبزیاں ( ہری پیاز ، بند گوبھی ،شملہ مرچ ، پارسلے ،اور ہری مرچ ) شامل کر لیں ،سبزیوں کو ہاتھ سے اچھی طرح مکس کریں اب اس میں سوئٹ کارن ، کالی مرچ ،گرم مصالحہ ،بھنا کٹا زیرہ ،بھنا کٹا دھنیا ،مسٹرڈ پیسٹ ،لہسن ادرک کا پیسٹ ،بار بی کیو سوس ،نمک اور کارن فلاور شامل کر لیں ۔
تمام اجزاء کو یکجان کرنے کے لئے ( پوٹیٹو میشر ) بھی استعمال کیا جا سکتا ہے ورنہ ہاتھ سے تمام اشیاء مکس کر لیں ۔اور گول کباب بنا کر رکھتے جائیں ۔الگ پیالے میں انڈے پھینٹ کر اس میں نمک ملالیں۔اب تمام کبابوں کو انڈے میں ڈپ کر کے بریڈ کر مبز لگاتے جائیں ،کباب بنا کر تھوڑی دیر کے لئے فریج میں رکھیں پھر فرائنگ پین میں شیلو فرائی کریں ۔
سبزیوں کے کباب کے اس مکسچر میں سخت ابلے انڈے یا ابلی اور کچلی میکرونی یا نوڈلز بھی شامل کئے جا سکتے ہیں یا کوٹیج چیز ڈال کر بھی سیخوں پر لگا کر کباب بنائے جا سکتے ہیں ۔

Image Credits: paka dey

Summary
Article Name
سبزیوں کے کباب - ایچ ٹی وی اردو
Description
سبزیوں کے کباب کے اس مکسچر میں سخت ابلے انڈے یا ابلی اور کچلی میکرونی یا نوڈلز بھی شامل کئے جا سکتے ہیں یا کوٹیج چیز ڈال کر بھی سیخوں پر لگا کر کباب بنائے جا سکتے ہیں ۔
Author
Publisher Name
team htv
ٹیم ایچ ٹی وی

ٹیم ایچ ٹی وی:

ایچ ٹی وی قابل اعتماد صحت اور دیکھ بھال کی خبروں، اپ ڈیٹس، مضامین اور تجاویز کا پورٹل ہے۔ جو عوام الناس کو پڑھنے اور سمجھنے کی طرف راغب کرتا ہے اور لوگوں کو اس بات سے باور کراتا ہے کہ اپنی اور اپنے پیاروں کی صحت کا خیال کتنا ضروری ہے ہمارے پورٹل میں ہر اپ ڈیٹ، مضمون اور ٹپ کو پڑھ کے اور اچھی طرح چھان بین کر کے شایع کیا جاتا ہے تاکہ آپ اس سے اپنی پوری فیملی کے ساتھ استفادہ حاصل کرسکیں۔