باربی کیو چکن پلاؤ

ترکیب:

چکن کو تمام مصالحے لگاکر ایک گھنٹہ چھوڑ دیں۔
اب اسے ہلکی آنچ پر پکائیں، یہاں تک کہ پانی خشک ہو جائے۔
آخر میں کوئلے کا دھواں لگائیں۔
پلاؤ کے لیے:
چاولوں کو آدھا گھنٹہ بھگوئیں۔
ایک پین میں تیل گرم کرکے پیاز، ثابت گرم مصالحہ، کالی مرچ، دار چینی، کالی الائچی، تیز پتہ اور زیرہ فرائی کر لیں۔
پھر اس میں ادرک لہسن کا پیسٹ شامل کر دیں۔
ساتھ ہی دہی، ٹماٹر، ہری مرچ اور نمک ملا کر اتنا پکائیں کہ تیل الگ ہو جائے۔
اب اس میں تیار تکہ پیس شامل کرکے پانچ منٹ تک فرائی کریں۔
اس کے بعد چکن کی یخنی ڈالیں۔
جب اْبال آجائے تو بھیگے ہوئے چاول اور کٹا ہرا دھنیا شامل کرکے پانی خشک ہونے تک پکائیں۔
آخر میں آٹھ سے دس منٹ کے لیے دم پر چھوڑ دیں۔
تیار ہونے پر رائتے اور سلاد کے ساتھ سرو کریں۔