بینگن کا بھرتہ

227

بینگن کا بھرتہ بینگن کو بھون کر بنایا جا تا ہے ۔ بینگنوں کو بعد میں ٹماٹر ، پیاز اور دھنیے میں مکس کیا جاتا ہے ۔

اجزا

بینگن 2درمیانے یا1بڑا
تیل 2کھانے کے چمچ
لہسن 4-5جوے کٹے ہوئے
پیاز 1/2کپ کٹی ہوئی
ہری مرچ 1کٹی ہوئی
ٹماٹر 1کپ
لال مرچ پاؤڈر 1/4چائے کی چمچی
نمک حسب ذائقہ

طریقہ بینگن کا بھرتہ

بینگن کو پانی سے دھو لیں اور کچن ٹاول سے خشک کر لیں ۔ تیل لگا کر توے پر روسٹ کر لیں ۔بینگن پلٹتے رہیں تاکہ ہر طرف سے روسٹ اور اندر سے نرم ہو جائیں ۔ چھری سے بینگن کو چیک کریں ۔ اگر نرم ہو گئے تو مطلب پک چکے ہیں ۔
چھلکا اتاریں اور ایک پیالے میں ڈال دیں ۔ کانٹے سے میش کریں اور ایک طرف رکھ دیں ۔
ایک فرائنگ پین میں تیل گرم کریں اور کٹا لہسن ڈالیں ۔
لہسن ہلکا براؤن ہو جائے تو پیاز شامل کردیں ۔
پیاز کا رنگ بدلنے لگے تو ہری مرچیں اور ٹماٹر ڈال دیں ۔
تیل علیحدہ ہونے تک پکائیں ۔ پھر پانی شامل کریں تاکہ ٹماٹر نیچے سے لگے نہیں ۔
لال مرچ پاؤڈر ڈالیں ، نمک اور بینگن شامل کریں ۔
پانی ڈال کر میشڈ بینگن کو ٹماٹر کے سالن میں اچھی طرح مکس کریں ۔
جب تیار ہو جائے تو اوپر سے ہرا دھنیا چھڑک کر گرما گرم پیش کریں ۔

loading...
تبصرے
Loading...