کراچی میں نگلیریا ، ای ڈی او ہیلتھ سندھ کا ایم ڈی واٹر بورڈ کو خط

محکمہ صحت سندھ نے ایم ڈی واٹر بورڈ کو خط لکھ کر نگلیریا کے خلاف جامع حکمت عملی بنانے اور پانی میں کلورین کی مقدار کو پورا کرنے کی ہدایت کی ہے ۔ ای ڈی او ہیلتھ سندھ ڈ اکٹر ظفر اعجازنے ایم ڈی واٹر بورڈ کو خط لکھا ہے کہ کراچی میں نگلیریا کے خلاف جامع حکمت عملی بنائی جائے کیونکہ پانی میں کلورین کی مقدارپوری کرناواٹر بورڈ کی ذمہ داری ہے۔ خط کے متن میں مزید کہا گیا ہے کہ 20 اپریل کو نگلیریا کے باعث گلستان جوہرکی رہائشی خاتون انتقال کرگئیں لہٰذا سوئمنگ پولز، واٹرپارکس، گھروں سمیت واٹرٹینکس کی جانچ پڑتال کی جائے ۔خط میں کہا گیا ہے کہ پانی میں کلورین کی کمی کے باعث انسان نگلیریا کا شکار ہوتا ہے لہٰذا اسکے خاتمے کیلئے مناسب بندوبست کیئے جائیں ۔