سلائڈ شوز

سردیوں میں حاملہ خواتین کے لیے10مفید غذائیں

دورانِ حمل خواتین کو کئی مفید مشورے دیئے جاتے ہیں جن میں یہ بات بھی شامل ہوتی ہے کہ کونسی غذائیں ان کے لیے زیادہ ضروری ہیں۔ حمل ٹہرنے اور ڈلیوری ہونے کے بعد اگر اپنی ڈائٹ کا خیال رکھا جائے تو خواتین صحت کے بہت سے مسائل سے بچ سکتی ہیں ۔ خصوصاً اگر آپ کی ڈلیوری سردیوں میں ہو تو خود کو اور بچے کو بیماریوں سے محفوظ رکھنے کے لیے ان دس غذاؤں کو ضرور اپنی ڈائٹ میں شامل کریں:
۱۔دیسی انڈے
انڈے کھانے سے حاملہ خواتین کی توانائی و طاقت بحال ہوتی ہے۔ابلاہوا انڈا لیںیاآملیٹ کی صورت میں لیکن روزانہ اسے ضرور کھائیں۔یہ خون پیدا کرکے جسمانی کمزوری کو دورکرتاہے۔
۲۔پنجیری
پنجیری ڈلیوری کے بعد آپکے جسم کی کھوئی ہوئی توانائی کو بحال کرنے کے لئے ضروری ہے۔تمام خشک میوہ جات اور گوندھ مکھانے سے تیارکردہ پنجیری آپکے جسم کی غذائی ضروریات کو پورااور کمزوری کو دور کرتی ہے۔
۳۔دلیہ
ڈلیوری کے فوراً بعد دلیہ بہترین غذاہے۔اگر جو کاہوتو اور بھی مفید ہے۔جو کا دلیہ آپکے جسم سے تمام ٹاکسن خارج کرتاہے۔جسطرح آپ کپڑے دھوکر صاف کرتی ہیں بالکل اسی طرح جو کادلیہ آپکے جسم کی اندرونی صفائی کرکے اسے توانائی فراہم کرتاہے۔
۴۔ہلدی ملادودھ
ڈلیوری کے بعد ہلدی ملادودھ ضرور استعمال کریں۔اس سے جسم کے تمام درد دور ہوتے ہیں۔اگر مستقل استعمال نہیں کرسکتی تو ایک ہفتہ تک ضرور پئیں۔
۵۔دیسی گھی اور مکھن
اصلی دیسی گھی اورمکھن آپکی صحت کیلئے مفید ہے۔بہت زیادہ نہیں لیکن بناسپتی گھی اور تیل کی جگہ دیسی گھی کو اپنے کھانے پکانے میں استعمال کریں۔
۶۔سوپ
سوپ آپکے جسم میں قوت مدافعت کے اضافے میں مددگار ثابت ہونے کے ساتھ ساتھ آپکو سردی اور تھکن سے بچانے میں اہم کردار اداکرتاہے۔سوپ کو اپنی غذا میں شامل رکھیں۔مختلف طرح کے سوپ کے ملاپ سے آپکی صحت جلد بحال ہوسکتی ہے۔
۷۔نیم گرم پانی
پانی خود ایک مکمل غذا ہے۔گرمی کی ڈلیوری میں نیم گرم پانی پینا مشکل ہوتاہے لیکن ٹھنڈے موسم میں آپ اپنے آپ کو فٹ رکھنے کے لئے اس پر عمل کرسکتی ہیں۔
۸۔شہد
شہد قدرتی دوا اورساتھ ساتھ شفاء ہے۔دودھ میں ملاکر پیئیںیا پانی میں ملا کریا دیگر اشیاء کے ساتھ چینی کی جگہ استعمال کریں۔ہر صورت میں مفید ہے۔یہ جسم میں نئے سرے سے طاقت بحال کرکے تھکن دورکرتاہے۔
۹۔مچھلی
سردی کی ڈلیوری میں مچھلی بہترین غذاہے۔ڈلیوری کے بعد اکثر مائیں ڈپریشن میں چلی جاتی ہیں ایسی صورت میں آپکی مجموعی صحت خاص طور پر دماغ کی صحت کے لئے مچھلی بہت موزوں رہتی ہے۔
۱۰۔سیب
سیب صحت اور توانائی بخش پھل ہے۔سیب کھانے سے قوت مدافعت میں اضافہ ہوتاہے۔ہاضمہ میں مدد ملتی ہے اور خون کی کمی دور ہوتی ہے۔

Image Credits: google

1
سائرہ شاہد

ٹیکنیکل ٹریننگ سینٹر برائے خواتین حکومت سندھ کی جانب سے جاری ہونے والے میگزین نوائے فردا کی سابق کمیٹی ممبر سائرہ شاہد معاشر تی پہلووں کو اجاگر کرنے والے اور طرز زندگی سے متعلق موضوعات میں دلچسپی رکھتی ہیں۔