گرمی کے اثرات سے بچنے کے آسان طریقے

سائرہ شاہد Apr 17 2017
tips to stay healthy in summers

گزرتے وقت کے ساتھ ساتھ گرمی کی شدت میں اضافہ ہوتاجارہاہے۔ابھی تو صرف اپریل کامہینہ ہے آگے مزید امتحان اوربھی ہیں۔اسی لئے گرمی کے نقصان دہ اثرات سے بچنے کے لئے ان تراکیب پرعمل کریں اورخود کواورگھر کے باقی افراد کوگرمی سے بچائیں۔

۱۔رات کوایک جگ پانی میں ایک چمچ ملیٹھی ملاکررکھ دیں دن میں یہ پانی پیئیں گرمی نہیں لگے گی۔بچوں کی اسکول کی پانی کی بوتل میں بھی رات کوایک چوتھائی چمچ ملیٹھی ملاکررکھ دیں ۔صبح بچوں کووہی بوتل دیں وہ گرمی سے محفوظ رہیں گے۔اسکے علاوہ چھوٹے چھوٹے پانی کے مٹکے آتے ہیں آپ جگ کے بجائے انکا بھی استعمال کرسکتے ہیں ۔تاکہ پوری فیملی اس سے مستفید ہوسکے۔
۲۔اگر گرمی بہت لگ رہی ہو تو برف کاٹھنڈایخ پانی نہ پیئیں۔اس سے مزید نقصان پہنچنے کااندیشہ ہوتاہے۔
۳۔انار میں چند قطرے بادام کاتیل ملاکرکھانے سے گرمی کااثر نہیں ہوتا۔
۴۔گرمی سے بچنے کے لئے ایک گلاس پانی میں آدھاچمچ سفید زیرہ اورآدھاچمچ سونف ملاکرپی لیں۔اس سے پسینہ کی زیادتی سے بھی نجات مل جائے گی۔
۵۔اگر گرمی کے باعث الٹی ہوتو گرمایاسردا ٹھنڈاکرکے کھالیں۔لیکن اسے کھانے کے بعد پانی بالکل نہ پیئیں اوراسے کھانے کے بعد لسی اورچاول نہ کھائیں۔الٹی بند ہوجائے گی۔
۶۔ایک کپ تربوز،ایک کیری،لیموں کارس دوچمچ،اورکالانمک ایک چٹکی بلینڈ کریں اورصبح میں پی لیں۔لُو نہیں لگے گی۔گرمی کے باعث ہونے والی یورین برننگ بھی نہیں ہوگی۔
۷۔دھوپ میں باہرنکلنے والے افراد کوپانی کی بوتل میں ایک ایک چمچ ہرادھنیااورپودینہ کاپیسٹ ملاکردیں ۔دھوپ کے اثرات سے محفوظ رہیں گے۔
۸۔تلسی کے بیج،سوکھاپودینہ،اورسونف ہم وزن لے کر کوٹ کررکھ لیں۔آدھاآدھاچمچ صبح وشام لے لیں۔
۹۔ہاتھ پیروں کی جلن اورگرمی کے تمام امراض سے نجات کیلئے ثابت دھنیا،سفید صندل ،تج او رچھوٹی الائچی ایک ایک چمچ لے کررکھ لیں۔روزانہ ایک چمچ صبح یاشام چاربجے لے لیں۔
۱۰۔دوچمچ برگ کاسنی،پھٹکری ایک ٹکڑا،ست کافور کی پوٹلی بناکرنہانے کے پانی میں ملالیں۔آدھے گھنٹے بعد اس پانی سے نہالیں۔اس پانی سے نہانے سے آپکوٹھنڈک کااحساس ہوگااورپانچ سے چھ گھنٹے آپ گرمی سے محفوظ رہیں گے۔
اسکے علاوہ جب بھی دن کے وقت گھر سے باہر نکلیں سرڈھانپ کرنکلیں۔بلاوجہ کوئی دھوپ میں نکلناپسند نہیں کرتااسی لئے جب بھی آپ نکلیں تو احتیاطی تدابیر ضروراختیارکریں تاکہ آپ محفوظ رہیں اورکسی بڑی پریشانی سے بچ سکیں۔

Image Credits: google

Summary
Article Name
گرمی کے اثرات سے بچنے کے آسان طریقے - ایچ ٹی وی اردو
Description
گرمی کے نقصان دہ اثرات سے بچنے کے لئے ان تراکیب پرعمل کریں اورخود کواورگھر کے باقی افراد کوگرمی سے بچائیں۔
Author
Publisher Name
team htv
سائرہ شاہد

سائرہ شاہد:

ٹیکنیکل ٹریننگ سینٹر برائے خواتین حکومت سندھ کی جانب سے جاری ہونے والے میگزین نوائے فردا کی سابق کمیٹی ممبر سائرہ شاہد معاشر تی پہلووں کو اجاگر کرنے والے اور طرز زندگی سے متعلق موضوعات میں دلچسپی رکھتی ہیں۔