آج کا دن کیسا رہے گا؟ 18گست2017

حمل (21مارچ تا 21اپریل)

آج آپ روزگار کے حوالے سے ہر مرحلے پر کامیابی حاصل کریں گے۔اگر آپ ملازمت پیشہ ہیں تو دفتر کے ماحول میں خود کو ڈھالنے کی کوشش کیجیے۔اگر آپ ذاتی کاروبار کرتے ہیں تو یاد رکھیے نفع نقصان کاروبار کا اصول ہے۔کسی بھی صورت حال کے لیے خود کو ذہنی طور پر تیار رکھیں۔

ثور(22اپریل تا20مئی)

خوش گفتار ی اور ملنساری اس برج سے تعلق رکھنے والے افراد کی خاص پہچان ہے ۔آپ خوش گفتار ہیں ،لوگ آپ سے مل کر فخر محسوس کرتے ہیں۔آپ گفتار کے غازی بننے کی بجائے کردار کے غازی بننے کی کوشش کریں۔

جوزا(21مئی تا21جون )

محنت سے اپنی زندگی کوخوشیوں سے بھر لیں ۔کام پر پوری توجہ دیں ۔آپ کا باس آپ کی کارکردگی سے مطمئن نہیں ہے ۔حالات بہتر ہونے میں کچھ وقت لگے گا۔

سرطان(22جو ن تا 23 جولائی )

الجھن کا شکار رہیں گے ۔مسائل کے حل میں وقت لگ سکتا ہے ۔ہمت سے کام لیں ۔کسی دوست کے مشورے سے اپنے مسائل حل کریں ۔

اسد(24جولائی تا23اگست)

اپنے مزاج میں تبدیلی لائیں ۔دشمن آپ کے خلاف سازش میں مصروف ہے۔حاصل کی ہوئی شہرت اور عزت کسی معمولی غلطی سے چھن سکتی ہے۔

سنبلہ(24اگست تا23ستمبر)

مذہب کی طرف آپ کا رجحان بڑھ رہا ہے جو روحانی سکون کا باعث بنے گا۔ ذہانت کے استعمال کا اچھاموقع ہے ۔لوگ آپ کے قریب آنے کی کوشش کریں گے ۔کسی کا دل نہ دکھائیں۔

میزان(24ستمبر تا23اکتوبر )

محبت میں کامیابی متوقع ہے۔تقاریب میں شرکت کے لیے لباس کو خاص اہمیت دیں۔یہ آپ کی شخصیت کا آئینہ دار ہے ۔تعلیم کے حوالے سے آپ کو جن نتائج کا انتظار تھا وہ اب ختم ہونے والا ہے ۔آج غیر متوقع طور پر دولت ملنے کا امکان ہے۔

عقرب(24اکتوبر تا22نومبر)

آپ بہت باذوق ہیں اور جمالیات کے تمام تقاضوں سے آگاہ ہیں ۔آپ کی زبان یا ہاتھ سے کسی کو نقصان نہیں پہنچتا لیکن آج ایسی کوئی بات ہو سکتی ہے جو سامنے والے کے دل کو ٹھیس پہنچا ئے ۔محتاط رہیے ۔

قوس(23نومبر تا 22دسمبر )

محبت جیسے نازک معاملے کے لیے آج کا دن بہترین ہے ۔اظہار کرنے میں دیر نہ لگائیں۔آج وہ خوشی حاصل کرنے کا دن ہے جس کا خواب آپ نے دیکھاتھا۔

جدی(23ستمبرتا 20جنوری)

آپ دوستی میں پہل کریں گے ۔نیا دوست آپ کے ساتھ مخلص ہوگا۔ مگر اپنے دل کی بات اسے بتانے میں جلدی نہ کریں
عزیزوں اور رشتے داروں کو آپ سے شکایات ہیں ۔آج انھیں دور کرنے کا اچھا موقع ہے۔

دلو (21جنوری تا19فروری )

آج آپ زندگی میں کامیابی کے وہ راز پالیں گے جن کی آپ کو مدتوں سے تلا ش ہے۔دوستوں پر اعتماد ضرور کیجیے مگر یاد رکھیے ضرورت سے زیادہ اعتماد آپ کے لیے نقصان کا باعث ثابت ہوسکتا ہے۔نفرتوں کی دیوار اٹھانے سے بہتر ہے محبت کے قلعے تعمیر کیے جائیں۔

حوت(20فروری تا20مارچ)

آپ صحت کے اعتبار سے خود کو اَن فٹ محسوس کررہے ہیں،یہ حالت رفتہ رفتہ تبدیل ہوجائے گی۔پریشان ہونا چھوڑ دیں۔آج آپ کو ایسی خوشی ملنے کی توقع ہے جس کا آپ نے کبھی سوچا بھی نہ ہوگا۔ان خوشیوں کی حفاظت کیجیے گا ، خوشی کا ملنا کمال نہیں بلکہ اسے قائم رکھنا کمال ہے۔