صرف دو چیزوں سے آنکھوں کی بینائی تیز کریں

سائرہ شاہد Jan 11 2017
2 remedies for better eyesight

بھرپور زندگی کے لئے آنکھوں کی بڑی اہمیت ہے۔آنکھیں انسانی جسم کا انتہائی حساس عضو ہیں۔ویسے تو آنکھوں کی کمزوری دور کرنے کے لئے کئی طرح کی غذاؤں کی اہمیت پر زور دیا جاتا رہا ہے لیکن آنکھوں کی اچھی صحت کیلئے گاجر اور سونف کی افادیت سے کوئی انکار نہیں کرسکتاہے۔
ذیل میں گاجر اور سونف سے تیار کردہ ٹوٹکوں کے دو طریقہ کار درج ہیں جنکے باقاعدہ استعمال سے درجہ بدرجہ آپ آنکھوں کی کمزوری دورکرنے میں کامیابی حاصل کرسکتے ہیں۔

طریقہ نمبر ۱

گاجر کارس ایک گلاس
سونف ایک پاؤ
سونف کو صاف کرلٰیں۔گاجر کے جوس میں سونف ملاکرچینی یاشیشے کے برتن میں ڈال کر اوپر سے ململ کا کپڑا باندھ دیں۔روزانہ دن میں ایک مرتبہ لکڑی کے چمچ سے ہلاتے رہیں تاکہ پھپوندی نہ لگے۔ جب تمام رس سونف میں جذب ہوجائے تو اسے کچن ٹاول پر پھیلاکر سکھالیں۔اسکے بعد استعمال کریں۔یہ طریقہ کار لمبا اور محنت طلب ضرور ہے لیکن آپکی آنکھوں کے لئے بے حد مفید ہے۔چھوٹے بچوں کو کھلانے کے لئے آپ اس سونف میں مصری یابادام کااستعمال کرسکتے ہیں۔

طریقہ نمبر۲

گاجر کارس آدھاگلاس
دودھ آدھاگلاس
بادام سات عدد
سونف ایک چمچ
بادام کو رات میں بھگودیں۔صبح ان تمام اجزاء کو بلینڈ کریں اور نہار منہ پی لیں۔آپ چاہیں تو بادام کھاکر اوپر سے گاجر،دودھ اور سونف ملاکر بھی پی سکتے ہیں۔

ان کے باقائدہ استعمال سے انشاء اللہ بینائی میں ضرور فرق پڑے گا۔

Image Credits: google

Summary
Article Name
صرف دو چیزوں سے آنکھوں کی بینائی تیز کریں - ایچ ٹی وی اردو
Description
ویسے تو آنکھوں کی کمزوری دور کرنے کے لئے کئی طرح کی غذاؤں کی اہمیت پر زور دیا جاتا رہا ہے لیکن آنکھوں کی اچھی صحت کیلئے گاجر اور سونف کی افادیت سے کوئی انکار نہیں کرسکتاہے۔
Author
Publisher Name
team htv
سائرہ شاہد

سائرہ شاہد:

ٹیکنیکل ٹریننگ سینٹر برائے خواتین حکومت سندھ کی جانب سے جاری ہونے والے میگزین نوائے فردا کی سابق کمیٹی ممبر سائرہ شاہد معاشر تی پہلووں کو اجاگر کرنے والے اور طرز زندگی سے متعلق موضوعات میں دلچسپی رکھتی ہیں۔